|
ສອງປະເທດຈີນແລະມາເລເຊຍໄດ້ສ້າງສາຍສຳພັນການທູດຢ່າງເປັນທາງການເມື່ອວັນທີ 31 ພຶດສະພາ ປີ 1974,ແຕ່ສ້າງສາຍສຳພັນການທູດມານີ້,ການພົວພັນໄມຕິຈິດແລະຮ່ວມມືກັນລະຫວ່າງສອງຝ່າຍໃນຂົງເຂດຕ່າງໆເຊັ່ນ:ການເມືອງ ເສດຖະກິດແລະວັດທະນະທຳເປັນຕົ້ນໄດ້ຂະຫຍາຍຕົວຢ່າງສະດວກໃນດ້ານກວມລວມ,ແຕ່ປີ 1985 ເປັນຕົ້ນມາ,ລັດຖະບານມາເລເຊຍໄດ້ປັບນະໂຍບາຍຕໍ່ຈີນເທື່ອລະກ້າວ,ການໄປມາຫາສູ່ກັນຊັ້ນຕ່າງໆຂອງສອງປະເທດໄດ້ເພີ່ມຂຶ້ນຢ່າງບໍ່ຢຸດຢັ້ງ,ແຕ່ເຂົ້າສູ່ຊຸມປີ 90ສະຕະວັດທີ 20 ,ການພົວພັນລະຫວ່າງຈີນກັບມາເລເຊຍໄດ້ເລີ່ມເຂົ້າສູ່ໄລຍະຂະຫຍາຍຕົວໃຫມ່,ການແລກປ່ຽນ ແລະການຮ່ວມມື ດ້ວຍໄມຕິຈິດໃນຂົງເຂດຕ່າງໆລະຫວ່າງສອງຝ່າຍໄດ້ດຳເນີນໄປຢ່າງຮອບດ້ານ.
ເດືອນພຶດສະພາປີ2004,ພາຍຫລັງທ່ານບາດາວີຂຶ້ນຮັບຕຳແຫນ່ງນາຍົກລັດຖະມົນຕີມາເລເຊຍແລ້ວ, ການຢ້ຽມຢາມທາງລັດຖະກິດເທື່ອທຳອິດຂອງທ່ານກໍແມ່ນ ມາຢາມຈີນ,ວັນທີ 28 ພຶດສະພາ,ທ່ານອຸນເຈຍປາວ ນາຍົກລັດຖະມົນຕີຈີນໄດ້ເຈລະຈາກັບທ່ານບາດາວີ ນາຍົກລັດຖະມົນຕີມາເລເຊຍຢູ່ປັກກິ່ງ,ທ່ານອຸນເຈຍປາວໄດ້ຕີລາຄາສູງຕໍ່ການພົວພັນລະຫວ່າງຈີນກັບມາເລເຊຍ,ທ່ານເວົ້າວ່າ,ປີ 2004 ແມ່ນຈີນກັບມາເລເຊຍໄດ້ສ້າງສາຍສຳພັນການທູດຄົບຮອບ 30 ປີ,ແລະກໍແມ່ນປີມິດຕະພາບຈີນມາເລເຊຍ 30 ປີມານີ້,ພາຍໃຕ້ຄວາມພະຍາຍາມພ້ອມກັນຂອງສອງຝ່າຍ,ການພົວພັນລະຫວ່າງຈີນກັບມາເລເຊຍໄດ້ຂະຫຍາຍຢ່າງສະດວກ,ໃນສະເພາະຫນ້ານີ້,ການພົວພັນຈີນມາເລເຊຍພວມຢູ່ໃນໄລຍະດີທີ່ສຸດໃນປະຫວັດສາດສອງປະເທດໄວ້ເນື້ອເຊື່ອໃຈກັນໃນດ້ານການເມືອງ,ຜົນປະໂຫຍດຮ່ວມກໍຂະຫຍາຍອອກຢ່າງບໍ່ຢຸດຢັ້ງ,ໄດ້ກາຍເປັນຄູ່ຮ່ວມມືສຳຄັນໃນດ້ານເສດຖະກິດແລ້ວ,ການພົວພັນເສດຖະກິດການຄ້ານັບມື້ນັບແຫນ້ນແຟ້ນ,ແລະມີເຈດຈຳນົງຄ້ານຄືກັນຫຼາຍຢ່າງໃນວຽກງານສາກົນແລະພາກພື້ນ,ການປະສານສົມທົບກັນກໍຫຼາຍຂຶ້ນຢ່າງບໍ່ຢຸດຢັ້ງ,ເທື່ອນີ້,ຈີນແລະມາເລເຊຍຈະອອກປະກາດແຈ້ງການຮ່ວມແລະເຊັນເອກະສານຮ່ວມມືຫຼາຍສະບັບ,ທັງນີ້ຍ່ອມຈະມີບົດບາດສຳຄັນຕໍ່ການປັບປຸງແລະຂະຫຍາຍການພົວພັນຂອງສອງປະເທດຕື່ມອີກ,ຝ່າຍຈີນມີຄວາມຫມັ້ນໃຈເຕັມປ່ຽມຕໍ່ເລື່ອງນີ້,ເພື່ອຂະຫຍາຍແລະລົງເລິກການພົວພັນສອງປະເທດ ທ່ານອຸນເຈຍປາວໄດ້ສະເຫນີຂໍ້ສະເຫນີ 5ຂໍ້ຄື:
1.ຮັກສາທ່ວງທ່າຢ້ຽມຢາມກັນລະຫວ່າງຜູ່ນຳຊັ້ນສູງສອງປະເທດແລະແລກປ່ຽນຄວາມເຫັນກັນເລື້ອຍໆກ່ຽວກັບບັນຫາສຳຄັນ,ເຮັດໃຫ້ການພົວພັນ ຝ່າຍຂະຫຍາຍຕົວຢ່າງປອດໄສແລະຫມັ້ນທ່ຽງ
2.ເປີດກວ້າງການພົວພັນໄມຕີຈິດຖານບ້ານໃກ້ເຮືອນຄຽງຂອງສອງປະເທດຢ່າງຄົບວົງຈອນ, ເພີ່ມທະວີການຮ່ວມມືກັນໃນຂອບແຫ່ງການພົວພັນຄູ່ຍຸດທະສາດລະຫວ່າງຈີນກັບອາຊຽນ.
3.ຊຸກຍູ້ການຮ່ວມມືໃນຂົງເຂດຈຸດຫນັກຂອງສອງປະເທດເຊັ່ນ:ກະສິກຳວິທະຍາສາດເຕັກນິກສູງ ການພັດທະນາຊັບພະຍາກອນ ການກໍ່ສ້າງພື້ນຖານໂຄງລ່າງແລະການທ່ອງທ່ຽວເປັນຕົ້ນ,ເພີ່ມມູນຄ່າການຄ້າ ລະຫວ່າງສອງຝ່າຍ.
4.ເພີ່ມທະວີມິດຕະພາບອັນເປັນມູນເຊື້ອຂອງສອງປະເທດ,ຊຸກຍູ້ທຸກການແລກປ່ຽນລະດັບຕ່າງໆລະຫວ່າງຈີນມາເລເຊຍ,ໂດຍສະເພາະລະຫວ່າງ ເຍົາວະຊົນຊາວຫນຸ່ມ.
5.ເພີ່ມທະວີການຮ່ວມມືຂອງສອງປະເທດໃນວຽກງານພາກພື້ນແລະສາກົນຊຸກຍູ້ການຮ່ວມມືອາຊີຕາເວັນອອກທີ່ຖືເອົາອາຊຽນແລະຈີນ ຍີ່ປຸ່ນສາທາລະນະລັດເກົາຫລີ( 10 +3 )ເປັນຊ່ອງທາງຫຼັກ,ຊຸກຍູ້ການສ້າງລະບຽບການເມືອງ ເສດຖະກິດສາກົນໃຫມ່ທີ່ທ່ຽງທຳແລະສົມເຫດສົມຜົນ.
ທ່ານບາດາວີໄດ້ເຫັນດີຢ່າງສົມບູນນຳການຕີລາຄາຂອງທ່ານອຸນເຈຍປາວຕໍ່ການພົວພັນຂອງສອງປະເທດເຫັນວ່າຂໍ້ສະເຫນີທີ່ທ່ານເວິນເຈຍປາວສະເຫນີນັ້ນມີຄວາມຫມາຍສຳຄັນຕໍ່ເຮັດໃຫ້ການພົວພັນລະຫວ່າງຈີນກັບມາເລເຊຍຫັນລົງສູ່ລວງເລິກ,ທ່ານເວົ້າວ່າ,ຈີນມາເລເຊຍສ້າງສາຍສຳພັນການທູດເປັນເວລາ30 ມານີ້,ໄປຄຽງຄູ່ກັບສອງປະເທດພັດທະນາຂອງສອງປະເທດ,ການຮ່ວມມືສອງຝ່າຍໃນຂົງເຂດຕ່າງໆກໍໄດ້ຂະຫຍາຍຕົວຢ່າງວ່ອງໄວ,ໄດ້ນຳເອົາຜົນປະໂຫຍດຕົວຈິງມາໃຫ້ປະຊາຊົນທັງສອງປະເທດ.ທ່ານມາຢ້ຽມຢາມຈີນເທື່ອນີ້ແມ່ນເພື່ອລະລຶກມາເລເຊຍ ຈີນສ້າງສາຍສຳພັນການທູດຄົບຮອບ 30ປີ,ທັງຫວັງຖືໂອກາດນີ້ຊຸກຍູ້ໃຫ້ການພົວພັນສອງຕໍ່ສອງຂະຫຍາຍຕົວຢ່າງຮອບດ້ານ ຮັດແຫນ້ນມິດຕະພາບລະຫວ່າງປະຊາຊົນສອງຊາດ ,ທ່ານເວົ້າວ່າ,ການພັດທະນາເສດຖະກິດຕະຫຼາດຂອງຈີນໄດ້ອຳນວຍໂອກາດສຳຄັນໃຫ້ແກ່ມາເລເຊຍ,ຝ່າຍມາເລເຊຍຫວັງວ່າເພີ່ມທະວີການຮ່ວມມືກັບຝ່າຍຈີນໃນຂົງເຂດວິທະຍາສາດເຕັກນິກ ການກໍ່ສ້າງພື້ນຖານໂຄງລ່າງ ກະສິກຳ ເຕັກນິກໂທລະຄົມຂ່າວສານ ການສຶກສາແລະການທ່ອງທ່ຽວເປັນຕົ້ນ,ທ່ານບາດາວີ ກ່າວລື້ມຝ່າຍມາເລເຊຍຈະຍຶດຫມັ້ນນະໂຍບາຍປະເທດຈີນດຽວຢ່າງເດັດດ່ຽວຫນຽວແຫນ້ນຕໍ່ໄປ.
ວັນທີ 29 ພຶດສະພາ ປີ 2004 ,ທ່ານຫູຈີນທາວ ປະທານປະເທດຈີນໄດ້ພົບປະທ່ານບາດາວີ ນາຍົກລັດຖະມົນຕີມາເລເຊຍຢູ່ປັກກິ່ງ.
|
