|
ວິທີຜະລິດຝຸ່ນຊີວະຊາດສາມຢ່າງ
cri
Author: li
|
ການຜະລິດຝຸ່ນຊີວະຊາດ ຍ້ອນວ່າຕ້ອງລົງທຶນບາດດຽວຫຼາຍໝື່ນຈົນຮອດລ້ານຢວນ,ຄົນທຳມະດາຈົນຫາບແບກຍາກ,ແຕ່ຖ້າໄດ້ກຳເຕັກນິກອັນເໝາະສົມ,ລົງທຶນໜ້ອຍດຽວ,ໃຊ້ວິທີງ່າຍໆກໍສາມາດຜະລິດຝຸ່ນຊີວະຊາດທີ່ໃຊ້ຕົວຈິງໄດ້ຄືກັນ.
ການຜະລິດຝຸ່ນຊີວະຊາດທາດແຂງ ໃຫ້ເອົາຫີນດິນດານ 1000 ກິໂລ,ຮຳເຂົ້າເບຼ 50 ກິໂລ,ນ້ຳຕານແດງ 10 ກິໂລ,ແປ້ງເຂົ້າສາລີ 5 ກິໂລ,ເຊື້ອໝັກປະສົມຈຸນລະຊີບ 20 ກິໂລ,ໃສ່ນ້ຳປະມານ 100 ກິໂລ,ຄົນໃຫ້ສະໝ່ຳສະເໝີກັນ,ກອງຂຶ້ນສູງ 1 ຮອດ 1,2 ແມັດ,ກວ້າງ 0,8 ຮອດ 1 ແມັດ,ຄວາມຍາວບໍ່ຈຳກັດ. ເມື່ອອຸນຫະພູມຂອງກອງສູງຂຶ້ນແຕ່ 45 ຮອດ 50 ອົງສານັ້ນ ໃຫ້ປິ້ນກອງ 5 ເທື່ອລຽນຕິດ,ແລ້ວເບີຍອອກຕາກແຫ້ງແລ້ວໃສ່ຖົງ. ປະລິມານໃສ່ຝຸ່ນນີ້ແມ່ນໃສ່ຕາມໜຶ່ງໄຮ່ຈີນ: ຜັກຕູບໃຫຍ່ໃຫ້ໃສ່ 600 ກິໂລ,ຜັກໃຫຍ່ໄວໃຫ້ໃສ່ 1 ພັນກິໂລ,ເດີ່ນຫຍ້າແລະສວນດອກໄມ້ໃຫ້ໃສ່ 800 ກິໂລ.
ນອກນັ້ນ ຍັງສາມາດເອົາລຳຕົ້ນຂອງພືດໃດໜຶ່ງເຊັ່ນເຂົ້າສາລີແລະເຂົ້າເບຼເປັນຕົ້ນ 5000 ກິໂລ,ຮຳເຂົ້າເບຼ 200 ກິໂລ,ນ້ຳຕານແດງ 30 ກິໂລ,ແປ້ງເຂົ້າສາລີ 30 ກິໂລ,ເຊື້ອໝັກປະສົມຈຸນລະຊີບ 100 ກິໂລ,ລຳຕົ້ນຍາວກໍໄດ້ສັ້ນກໍໄດ້,ດີທີ່ສຸດ,ສັບເປັນຕ່ານຍາວ 5 ຮອດ 10 ຊັງຕີແມັດ,ໃສ່ນ້ຳຄົນໃຫ້ສະໝ່ຳເໝີກັນ,ແລ້ວກອງຂຶ້ນສູງ 1,5 ແມັດ,ກວ້າງ 2 ຮອດ 3 ແມັດ,ບໍ່ຈຳກັດຄວາມຍາວ. ເມື່ອແທກໄດ້ອຸນຫະພູມຂອງບ່ອນຈາກຍອດລົງລຸ່ມ 30 ຊັງຕິແມັດແຕ່ 50 ຮອດ 55 ອົງສານັ້ນ,ປິ້ນກອງເທື່ອທຳອິດ,ຫຼັງຈາກນັ້ນ,ເມື່ອແທກໄດ້ອຸນຫະພູມຂອງກອງຮອດລະດັບສູງສຸດນັ້ນ ໃຫ້ປະໄວ້ 10 ຊົ່ວໂມງແລ້ວຈຶ່ງປິ້ນກອງ 6 ຮອດ 8 ເທື່ອ,ຫຼັງຈາກນັ້ນ ຄົນໃຫ້ສະໝ່ຳສະເໝີກັນແລ້ວກໍໃຊ້ເປັນຝຸ່ນຮອງພື້ນໂດຍກົງໄດ້ໂລດ,ຕາກແຫ້ງສະສົມໄວ້ເພື່ອໃຊ້ໃນພາຍໜ້າກໍໄດ້. ທຳມະດາແລ້ວ ແຕ່ລະໄຮ່ຈີນໃຫ້ໃສ່ 5 ພັນກິໂລ,ແລະຕ້ອງເອົາດິນປົກຢ່າງວ່ອງໄວ,ເພື່ອປ້ອງກັນບໍ່ໃຫ້ແສງແດດຂ້າເຊື້ອຕາຍ.
ການຜະລິດຝຸ່ນຊີວຊາດທາດແຫຼວໃຫ້ເອົາຂີ້ໄກ່ແຫ້ງ 5 ກິໂລ,ຮຳເຂົ້າເບຼ 2 ກິໂລ,ແປ້ງໝາກຖົ່ວ 1,8 ກິໂລ,ນ້ຳຕານແດງ 0,5 ກິໂລ,ແປ້ງເຂົ້າ 0,2 ກິໂລ,ນ້ຳ 30 ກິໂລ,ເຊື້ອໝັກປະສົມຈຸນລະຊີບ 1 ກິໂລ. ເມື່ອຄົນໃຫ້ມັນສະໝ່ຳສະເໝີກັນຢ່າງເຕັມສ່ວນແລ້ວ ວາງໄວ້ຢູ່ໃນໄຫທຳມະດາຫຼືອ່າງຊີມັງຂະໜາດນ້ອຍ,ປົກດ້ວຍຕາໜ່າງຫຼືໄພຫຍ້າເພື່ອບັງແສງແດດ,ໃຫ້ຄົນມື້ລະເທື່ອສອງເທື່ອເພື່ອເພີ່ມອອກຊີແຊນ. ເມື່ອອຸນຫະພູມຮອດ 25 ອົງສາ,10 ມື້ກໍໃຊ້ໄດ້ແລ້ວ. ວິທີໃຊ້ຄື: ຕອງນ້ຳຝຸ່ນກ່ອນ,ແລ້ວໃສ່ນ້ຳສະອາດເພື່ອໃຊ້ພົ່ນໃສ່,ຜັກຕູບໃຫຍ່ໃສ່ນ້ຳ 300 ເທົ່າ,ຜັກໃຫຍ່ໄວໃສ່ນ້ຳ 200 ເທົ່າ,ຕົ້ນໄມ້ກິນໝາກໃສ່ນ້ຳ 150 ເທົ່າ,ພືດອື່ນໆໃສ່ນ້ຳປະມານ 120 ເທົ່າ,ເດີ່ນຫຍ້າດອກໄມ້ໃສ່ນ້ຳ 120 ເທົ່າ,ວິທີພົ່ນໃສ່ແມ່ນຄືກັນກັບຝຸ່ນຊີວະຊາດທີ່ຂາຍໃນຕະຫຼາດ.
ຖ້າຜະລິດຝຸ່ນຊີວະຊາດເພື່ອໃສ່ເພີ່ມເຕີມ ໃຫ້ເອົາຝຸ່ນຊີວະຊາດຂີ້ໄກ່,ຄືເອົາຂີ້ໄກ່ 1000 ກິໂລ,ເຂົ້າເບຼລີບ 200 ກິໂລ,ຮຳເຂົ້າເບຼ 50 ກິໂລ,ເຊື້ອໝັກປະສົມຈຸນລະຊີບ 15 ກິໂລ. ວິທີຜະລິດແມ່ນຄືກັນກັບທີ່ກ່າວມາເທິງນີ້. ໃນເວລາໃຊ້ເປັນຝຸ່ນຮອງພື້ນນັ້ນ ແຕ່ລະໄຮ່ຈີນໃຫ້ໃສ່ເຄິ່ງໜຶ່ງ,ໃນເວລາໃຊ້ມາເປັນຝຸ່ນເພີ່ມເຕີມນັ້ນ ຄວນແບ່ງເປັນ 2 ຮອດ 3 ເທື່ອ,ວິທີພົ່ນໃສ່ກໍຄືກັນ.
|
|
