|
ຈີນມຽນມ້າແມ່ນບ້ານໃກ້ເຮືອນຄຽງທີ່ດີຕໍ່ກັນ,ມິດຕະພາບອັນເປັນມູນເຊື້ອລະຫວ່າງປະຊາຊົນສອງປະເທດມີກົກເຄົ້າເຫງົາມູນຍາວໄກ,ແຕ່ບູຮານນະການມານີ້,ປະຊາຊົນສອງປະເທດກໍເອີ້ນເປັນອ້າຍນ້ອງ,ສອງປະເທດໄດ້ສ້າງສາຍສຳພັນການທູດຢ່າງເປັນທາງການເມື່ອວັນທີ 8 ມິຖຸນາ ປີ 1950,ເປັນເວລາຍາວນານມານີ້,ຈີນແລະມຽນມ້າຍຶດຫມັ້ນມີມິດຕະພາບຕໍ່ກັນໃນຖານເປັນບ້ານໃກ້ເຮືອນຄຽງທີ່ດີຕໍ່vກັນ,ຮັກສາການຮ່ວມມືອັນດີງາມໃນວຽກງານພາກພື້ນແລະສາກົນ,ການພົວພັນສອງຕໍ່ສອງໄດ້ຂະຫຍາຍຕົວຢ່າງຫມັ້ນທ່ຽງ.
ປີ 2000 ແມ່ນຈີນແລະມຽນມ້າສ້າງສາຍສຳພັນການທູດຄົບຮອບ 50 ປີ,ເດືອນມິຖຸນາ,ໃນໄລຍະທ່ານພົນເອກມາວເອ ຮອງປະເທດ ຄະນະກຳມະການສັນຕິພາບແລະການພັດທະນາແຫ່ງຊາດມຽນມ້າ,ສອງປະເທດໄດ້ເຊັນຖະແຫຼງການຮ່ວມລະຫວ່າງຈີນແລະມຽນມ້າກ່ຽວກັບເອກະສານໂຄງຮ່າງການຮ່ວມມືສອງຕໍ່ສອງໃນອະນາຄົດ,ເດືອນກໍລະກົດປີ 2000,ທ່ານຫູຈິນທາວ ຮອງປະທານປະເທດຈີນໃນຄາວນັ້ນໄດ້ຢ້ຽມຢາມສັນທະວະໄມຕີມຽນມ້າຢ່າງເປັນທາງການ,ໄດ້ຊຸກຍູ້ການພົວພັນມິດຕະພາບແລະການຮ່ວມມືລະຫວ່າງສອງປະເທດຂະຫຍາຍລົງສູ່ລວງເລິກຢ່າງຮອບດ້ານ,ໃນໄລຍະຢ້ຽມຢາມມຽນມ້າ,ສອງຝ່າຍໄດ້ເຊັນສັນຍາຮ່ວມມືວິທະຍາສາດເຕັກນິກລະຫວ່າງຈີນແລະມຽນມ້າ ສົນຍາການຮ່ວມມືການທ່ອງທ່ຽວລະຫວ່າງຈີນແລະມຽນມ້າແລະສັນຍາການຮ່ວມມືເສດຖະກິດເຕັກນິກລະຫວ່າງຈີນແລະມຽນມ້າ.
ແຕ່ວັນທີ 12 ຫາ ວັນທີ 15 ເດືອນທັນວາ ປີ 2001,ທ່ານຈຽງເຈີມິນ ປະທານປະເທດຈີນໃນຄາວນັ້ນໄດ້ຢ້ຽມຢາມມຽນມ້າທາງລັດຖະກິດ ເປັນເວລາ 4 ມື້,ນີ້ແມ່ນຜູ່ນຳສູງສຸດຈີນຢ້ຽມຢາມມຽນມ້າເປັນເທື່ອທຳອິດ,ແລະມີຄວາມຫມາຍເປັນຫລັກ ຫມາຍທາງໃນປະຫວັດສາດການພົວພັນລະຫວ່າງຈີນລະມຽນມ້າ
ເດືອນມັງກອນ ປີ 2003,ທ່ານທັນເຊ ປະທານຂອງມຽນມ້າຢ້ຽມຢາມປະເທດຈີນວັນທີ 30 ເດືອນພະຈິກ ປີ 2004,ໃນໄລຍະເຂົ້າຮ່ວມກອງປະຊຸມສຸດຍອດອາຊຽນຢ່າງເປັນລະບົບຢູ່ວຽນຈັນ,ທ່ານອຸນເຈຍປາວ ນາຍົກລັດຖະມົນຕີຈີນໄດ້ພົບປະທ່ານໂຊວິນ ນາຍົກລັດຖະມົນຕີມຽນມ້າ,ທ່ານອຸນເຈຍປາວເວົ້າວ່າ,ການຂະຫຍາຍມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນຈີນມຽນມາແມ່ນພາກສ່ວນປະກອບອັນສຳຄັນແຫ່ງນະໂຍບາຍທາງການທູດຂອງຈີນ,ພວກຂ້າພະເຈົ້າຍິນດີພ້ອມກັນກັບຝ່າຍມຽນມ້າສືບທອດແລະສົ່ງເສີມມິດຕະພາບອັນເປັນມູນເຊື້ອ ຂະຫຍາຍແລະເຮັດໃຫ້ການຮ່ວມມືລົງສູ່ລວງເລິກ,ແລະຊຸກຍູ້ການພົວພັນລະຫວ່າງສອງປະເທດເຂົ້າສູ່ລະດັບໃຫມ່ຢ່າງບໍ່ຢຸດຢັ້ງ,ທ່ານເວົ້າວ່າ,ວຽກງານພາຍໃນຂອງມຽນມ້າຄວນໃຫ້ລັດຖະບານແລະປະຊາຊົນມຽນມ້າຫາລືແລະແກ້ໄຂຢ່າງເປັນເຈົ້າຕົນເອງ
ພວກຂ້າພະເຈົ້າຫວັງວ່າສະຖານະການການເມືອງຂອງມຽນມ້າຈົ່ງຮັກສາສະຖຽນລະພາບ,ສືບຕໍ່ຍຶດຫມັ້ນການປະຕິຮູບການເມືອງທີ່ສອດຄ່ອງກັບສະພາບການແຫ່ງຊາດມຽນມ້າ,ຊຸກຍູ້ຂະບວນການຖືກຕ້ອງປອງດອງຊາດຕື່ມອີກ,ເຊື່ອວ່າລັດຖະບານແລະປະຊາຊົນມຽນມ້າສາມາດສ້າງສາປະເທດຊາດຂອງຕົນໃຫ້ດີຍິ່ງຂຶ້ນຢ່າງແນ່ນອນ,ກ່ຽວກັບການຮ່ວມມືເສດຖະກິດການຄ້າລະຫວ່າງສອງປະເທດ,ທ່ານອຸນເຈຍປາວເວົ້າວ່າ,ພວກຂ້າພະເຈົ້າຈະສືບຕໍ່ໃຫ້ການຊ່ອຍເຫຼືອຕາມຄວາມສາມາດຂອງຕົນໃຫ້ແກ່ການພັດທະນາເສດຖະກິດຂອງມຽນມ້າ,ສົ່ງເສີມໃຫ້ວິສາຫະກິດຈີນດຳເນີນການຮ່ວມມື ຕ່າງຝ່າຍຕ່າງມີຜົນປະໂຫຍດດ້ວຍຮູບການຕ່າງໆຢູ່ມຽນມ້າປະສານສົມທົບຢ່າງໃກ້ຊິດກັບຝ່າຍມຽນມ້າ,ຮັບປະກັນຢ່າງຄັກແນ່ໃຫ້ໂຄງການຮ່ວມມືທີ່ພວມດຳເນີນນມ້າປະສານສົມທົບ້ຊຸກຍູ້ແລະປົກປ້ອງການລົງທຶນາມປະໄຕດີງາມແຫ່ງການພົວພຢູ່ນັ້ນສ້າງສຳເລັດຕາມເວລາກຳນົດດ້ວຍຄຸນນະພາບດີ.
ທ່ານໂຊວິນໄດ້ສະແດງຄວາມເພິ່ງພໍໃຈນຳການພົວພັນລະຫວ່າງຈີນແລະມຽນມ້າທີ່ໄດ້ຂະຫຍາຍຕົວເປັນຢ່າງດີ,ທ່ານຂອບອົກຂອບໃຈນຳຝ່າຍຈີນທີ່ໄດ້ຊ່ອຍເຫຼືອຝ່າຍມຽນມ້າ,ຫວັງໃຫ້ປັບປຸງແລະຊຸກຍູ້ການຮ່ວມມືຂອງສອງຝ່າຍ,ທ່ານເວົ້າວ່າ,ສະຖານະການຂອງມຽນມ້າໃນສະເພາະຫນ້ານີ້ຫມັ້ນທ່ຽງ,ແລະຈະຂະຫຍາຍໄປຕາມທິດທາງອັນດີງາມ,ລັດຖະບານມຽນມ້າຈະສືບຕໍ່ສຸມກຳລັງເຂົ້າໃນການພັດທະນາເສດຖະກິດແລະວຽກງານສັງຄົມທຸກລາຍ,ແລະຊຸກຍູ້ຂະບວນການຫັນການເມືອງເປັນແບບປະຊາທິປະໄຕ.
|
