|
|
 |
| (GMT+08:00)
2005-03-21 10:16:16
|
 |
|
ນາງເຢ້ໄປ້ກັບເພງຂອງນາງ(ສຽງ)
cri
Author: MO
|
ຫວ່າງກ່ອນນີ້ບໍ່ດົນ, ນາງເຢ້ໄປ້ ນັກຮ້ອງຈີນໄດ້ນຳອອກຈຳໜ່າຍແຜ່ນCDແຜ່ນທີ 3 ຂອງນາງທີ່ຊື່ວ່າ:Xingfushenchu ຢູ່ສ່ວນເລິກຂອງຄວາມສຸກ. ໃນລາຍການມື້ນີ້, ຂ້າພະເຈົ້າຂໍແນະນຳນາງເຢ້ໄປ້ກັບເພງໃນແຜ່ນCDແຜ່ນນີ້ຂອງນາງສູ່ທ່ານຟັງ.
ກ່ອນອື່ນເຊີນຟັງເພງJinyewurenrushui ຄືນນີ້ບໍ່ມີຄົນນອນຫລັບ. ນີ້ແມ່ນເພງໃນລະຄອນຮ້ອງຂອງທ່ານພູສນິ ນັກແຕ່ງນົດອີຕາລີ. ເມື່ອໄດ້ຮຽບຮຽງໃໝ່ແລ້ວ, ເພງນີ້ມີທຳນອງດົນຕີແຈັສ, ພາໃຫ້ມ່ວນໄປອີກຢ່າງໜຶ່ງ, ຕໍ່ໄປເຊີນຟັງເພງນີ້ນຳກັນ.
ນາງເຢ້ໄປ້ແມ່ນຜູ້ໜຶ່ງທີ່ເຂົ້າຮ່ວມການຮ້ອງເພງເດີ່ນໂຮງຮຽນຂອງຈີນໃນສະຕະວັດທີ່ແລ້ວ. ປີ 1996, ເວລານັ້ນ, ນາງເຢ້ໄປ້ຍັງຮຽນຢູ່ວິທະຍາຄານດົນຕີຈີນ, ນາງໄດ້ເຂົ້າຮ່ວມການອັດປະມວນເພງທີ່ຊື່ວ່າQingchunwuhui ໄວຄະນອງທີ່ບໍ່ມີຄວາມກິນແໜງ, ບັນຍາກາດທີ່ມີສະເພາະແຕ່ຢູ່ໂຮງຮຽນນັ້ນ, ເມື່ອນາງເຢ້ໄປ້ຮ້ອງດ້ວຍສຽງທີ່ມີສະເໜຂອງນາງແລ້ວ ໄດ້ເຮັດໃຫ້ຄົນຮູ້ສຶກມີລັກສະນະຂອງນັກຮຽນຢ່າງເຂັ້ມຂຸ້ນ. ນາງເຢ້ໄປ້ເລີຍກາຍເປັນບຸກຄົນຕົວແທນຜູ້ໜຶ່ງຂອງເພງເດີ່ນໂຮງຮຽນໃນຄາວນັ້ນຢ່າງໄວວາ. ໃນຫລາຍປີມານີ້, ນາງໄດ້ອັດແຜ່ນCDສ່ວນຕົວສອງແຜ່ນຄື Chunzhenniandai ສະໄໝບໍລິສຸດ ແລະshuangyu ປາຄູ່ໜຶ່ງ, ຍັງຮັກສາລັກສະນະເພງເດີ່ນໂຮງຮຽນສ່ວນຫລາຍ.
ເດືອນກັນຍາປີ 2004, ນາງເຢ້ໄປ້ໄດ້ອັດແຜ່ນCDແຜ່ນທີ 3 ທີ່ໃຫ້ຊື່ວ່າ: Xingfushenchu ຢູ່ສ່ວນເລິກຂອງຄວາມສຸກ. CDແຜ່ນນີ້ມີເພງ 10 ເພງ, ນາງເຢ້ໄປ້ໄດ້ທົດລອງໃຊ້ດົນຕີຫລາຍປະເພດແລະຈັງຫວະຕ່າງໆເຊັ່ນ: ດົນຕີແຈັສ໌ ແທງໂກ, ດົນຕີເອເລັກໂຕຼນິກແລະທຳນອງR&Bທີ່ນິຍົມກັນໃນປະຈຸບັນ. ຄະນະຜະລິດCDແຜ່ນນີ້ມີຜູ້ແຕ່ງນົດເພງຂອງໄຕ້ຫວັນ ສິງກະໂປ ມາເລເຊຍ ແລະຟີລິບປິນ, ມືກອງແມ່ນຄົນອາເມລິກາ, ການຜະລິດບັ້ນທ້າຍແມ່ນເຮັດຢູ່ອົສຕຼາລີ. ຈາກນີ້ກໍເຫັນໄດ້ວ່າ, ນາງເຢ້ໄປ້ໄດ້ເປີດກວ້າງສາຍຕາໄປຮອດນອກໂຮງຮຽນແລ້ວ.
ທີ່ທ່ານພວມຟັງຢູ່ນີ້ແມ່ນເພງຊື່ດຽວກັນກັບແຜ່ນCDໃໝ່ແຜ່ນນີ້ຄື Xingfushenchu ຢູ່ສ່ວນເລິກຂອງຄວາມສຸກ. ເພງນີ້ໃຊ້ທຳນອງແລະຈັງຫວະແທງໂກທີ່ຄຶກຄື້ນທີ່ສຸດ. ເນື້ອເພງຮ້ອງວ່າ: ຍ່າງຫຼີ້ນຢູ່ສວນແຫ່ງຄວາມຮັກຂອງເຈົ້າ, ຈົນຫຼົງເຂົ້າສູ່ສ່ວນເລິກແຫ່ງຄວາມສຸກ. ແມ່ນຫຍັງທີ່ເຮັດໃຫ້ຂ້ອຍຍ່າງເຂົ້າແດນອັດສະຈັນແຫ່ງນີ້ຂອງເຈົ້າຢ່າງບໍ່ຮູ້ສຶກຕົວ, ພາໃຫ້ຂ້ອຍມີຄວາມຮູ້ສຶກຫລາຍຢ່າງປານນີ້.
ທີ່ຈິງ, ນາງເຢ້ໄປບໍ່ແມ່ນນັກຮ້ອງທີ່ຮ້ອງໄດ້ແຕ່ເພງປະເພດໃດໜຶ່ງທໍ່ນັ້ນດອກ, ການສຶກສາດົນຕີ 8 ປີໄດ້ເຮັດໃຫ້ນາງມີຄວາມສາມາດຫລາຍດ້ານ. ແຕ່ຍ້ອນນາງຂື້ນຊື່ຍ້ອນຮ້ອງເພງເດີ່ນໂຮງຮຽນ, ຜູ້ຟັງຈຶ່ງລື້ງເຄີຍຖືນາງເປັນນັກຮ້ອງເພງເດີ່ນໂຮງຮຽນ. ນາງເຢ້ໄປຮູ້ດີວ່າ, ນັກຮ້ອງຜູ້ໜຶ່ງຄວນພະຍາຍາມຮັກສາຈຸດພິເສດຂອງສຽງຕົນເອງ. ໃນCDໃໝ່ແຜ່ນນີ້, ນາງເຢ້ໄປ້ໄດ້ປ່ຽນລັກສະນະທ່າທາງຂອງຕົນໃຫ້ກາຍເປັນຍິງສາວທີ່ສຸກງອມ, ສຽງຂອງນາງປະກົດມີຄວາມທຸ່ນທ່ຽງທີ່ບໍ່ເຄີຍມີມາກ່ອນ, ແລະມີສະເໜຢ່າງພົ້ນເດັ່ນ.
ເພງທີ່ທ່ານຈະໄດ້ຟັງຕໍ່ໄປແມ່ນເພງKamen ຄາແມນ, ເພງທີ່ມີທຳນອງອາເມລິກາລາຕີນ, ເພງນີ້ໄດ້ສະແດງໃຫ້ເຫັນຄວາມສຸດວິໄສແລະການສະແຫວງຫາຄວາມຮັກຂອງເພດຍິງໃນຕົວເມືອງ. ເນື້ອເພງຮ້ອງວ່າ: ຫີນກ້ອນນ້ອຍທີ່ແກວ່ງໃສ່ໜ້ານ້ຳ, ກະທົບເປັນຄື້ນອ່ອນໆ, ມັນໄດ້ບອກໃຫ້ຮູ້ວ່າ, ຄວາມຮັກແມ່ນແມ່ນ້ຳທີ່ລຸຍຂ້າມບໍ່ໄດ້. ບົນເສັ້ນທາງທີ່ມີລົມຂິ້ຊາຍກຸ້ມກົ້ວ, ເບິ່ງບໍ່ເຫັນຄວາມຮັກທີ່ເຫີນຫ່າງໄປ, ເຫຼືອແຕ່ຄວາມເຈັບປວດໃນສ່ວນເລິກຂອງຫົວໃຈ.
ຕໍ່ແຜ່ນCDໃໝ່ນີ້, ນາງເຢ້ໄປ້ເອງແມ່ນພໍໃຈສົມຄວນ, ເພາະວ່າມັນໄດ້ສະແດງໃຫ້ເຫັນອາລົມຈິດຕ່າງໆຄືຄວາມຫ້າວຫັນ ຄວາມສຸດວິໄສເປັນຕົ້ນ. ໃນCDແຜ່ນນີ້, ເພງທີ່ນາງເຢ້ໄປ້ມັກກວ່າໝູ່ແມ່ນເພງ Huohuoshan ພູໄຟເປັນທີ່ທ່ານຊ້າຍຈ້ຽນຢາ ນັກດົນຕີໄຕ້ຫວັນເປັນຜູ້ແຕ່ງ.
ເຂົ້າໃຈເຈົ້າຫລາຍແລ້ວ, ຢ້ານແຕ່ວ່າຍັງມີບ່ອນທີ່ເດົາບໍ່ຖືກ. ເຈົ້າຈະຫຼີ້ນເລື້ອງ"ລົມລະດູບານໃໝ່ກາຍເປັນຝົນ"? ຫຼືວ່າເລື່ອງ"ສະຕະວັດຫ້ວຍນ້ຳກ້າມ". ພູໄຟປຸກບໍ່ຕື່ນແລ້ວຫຼືວ່າຫິນລະວານອນຫລັບແຕ່ດົນ. ຖ້າເຈົ້າບໍ່ຕອບອີກ, ຢ້ານວ່າຂ້ອຍຕ້ອງມອດໄຟກ່ອນແລ້ວ?"ທີ່ຟັງມານັ້ນແມ່ນເພງພູໄຟເປັນ ຂັບຮ້ອງໂດຍນາງເຢ້ໄປ້.
ຕໍ່ໄປເຊີນຟັງເພງYinchayangcuo ຍ່າງຫວິດກັນໄປຂອງນາງເຢ້ໄປ້. ຊຶ່ງເປັນເພງທີ່ໂສກໆ, ອາດຈະພາໃຫ້ທ່ານກະຕຸ້ນໃຈ.
ໄວຄະນອງຜ່ານໄປແລ້ວ, ຂ້ອຍແລະເຈົ້າຕ່າງກໍຫົວຫງອກຈຸ່ນພູ່ນ. ຂ້ອຍເສຍດາຍຍາມຫວານຊື່ນໃນຊີວິດຂອງເຮົາ, ແຕ່ມັນຜ່ານກາຍໄປ ໂດຍບໍ່ມີວັນກັບຕ່າວຄືນມາໄດ້, ນີ້ແຫຼະ ກໍແມ່ນການຍ່າງຫວິດກັນໄປ. ເປັນຫຍັງຄວາມຮັກຈຶ່ງມັກພາດກັນໄປ? ທີ່ທ່ານພວມຟັງຢູ່ນີ້ແມ່ນເພງ Yinchayangcuo ຍ່າງຫວິດກັນໄປ.ນີ້ອາດຈະແມ່ນການສະຫລຸບຄວາມຮັກຂອງນາງເຢ້ໄປ້ເອງ, ເຕັມໄປດ້ວຍຄວາມງ່ວມເຫງົາເສົ້າໝອງ.
|
|
|
