|
|
 |
| (GMT+08:00)
2005-03-21 10:22:46
|
 |
|
ການພົວພັນການເມືອງແລະການພົວພັນການໄປມາຫາສູ່ກັນສຳຄັນລະຫວ່າງຈີນກັບບຼູໃນ
cri
Author: sayvanny
ວັນທີ 30 ກັນຍາປີ 1991, ຈີນກັບບຼູໃນໄດ້ສ້າງການພົວພັນທາງການທູດ. ແຕ່ເວລານັ້ນມານີ້, ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງສະດວກ, ການແລກປ່ຽນສັນຖະວະໄມຕີແລະການຮ່ວມມືລະຫວ່າງສອງຝ່າຍໃນຂົງເຂດຕ່າງໆໄດ້ມີການຄືບຫນ້າເປັນກ້າວໆ.ຜູ່ນຳສອງປະເທດໄດ້ໄປມາຢ້ຽມຢາມກັນ,ລັດຖະມົນຕີສ່ວນຫລາຍຂອງລັດຖະບານບຼູໃນໄດ້ມາຢ້ຽມຢາມຈີນແລ້ວ.
ເດືອນສິງຫາປີ 1999, ສົມເດັດບຸນກີຢາ ຊຸນຕານທັງເປັນປະມຸກລັດບຼໃນໄດ້ຢ້ຽມຢາມເຮັດວຽກຢູ່ຈີນ, ໃນໄລຍະນີ້, ສອງຝ່າຍໄດ້ອອກປະກາດແຈ້ງການຮ່ວມກ່ຽວກັບທິດຂະຫຍາຍການພົວພັນລະຫວ່າງສອງຝ່າຍໃນອະນາຄົດ.
ເດືອນພະຈິກປີ 2000, ທ່ານຈ່ຽງເຈີມີນ ປະທານປະເທດຈີນໃນຄາວນັ້ນໄດ້ເຂົ້າຮ່ວມກອງປະຊຸມບໍ່ເປັນທາງການຂອງຜູ່ນຳອົງການອາເປັກຄັ້ງທີ 8 ທີ່ຈັດຂຶ້ນຢູ່ບຼູໃນແລະໄດ້ຢ້ຽມຢາມບຼູໃນທາງລັດຖະກິດເປັນຄັ້ງທຳອິດ.
ວັນທີ 20 ຫາວັນທີ 22 ກັນຍາປີ 2004, ສົມເດັດບຸນກີຢາ ຊຸນຕານທາງເປັນປະມຸກລັດບຼູໃນໄດ້ຢ້ຽມຢາມເຮັດວຽກຢູ່ຈີນ.ວັນທີ 21 ກັນຍາ, ຢູ່ປັກກິ່ງ, ທ່ານຫູຈີນທາວ ປະທານປະເທດຈີນໄດ້ພົບປະເຈລະຈາກັບສົມເດັດຮາຊັງນາຣ໌ ຊູນຕານບຼູໃນ,ສອງຝ່າຍໄດ້ກ້າວເຖິງຂັ້ນມີຄວາມຮັບຮູ້ຄືກັນອັນສຳຄັນກ່ຽວກັບການຊຸກຍູ້ການພົວພັນໄມຕີຈິດຖານບ້ານໃກ້ເຮືອນຄຽງແລະການຮ່ວມມືລະຫວ່າງສອງປະເທດລົງສູ່ລວງເລິກໃນສັດຕະວັດໃຫມ່.ວັນທີ 22 ກັນຍາ,ຢູ່ປັກກິ່ງ, ທ່ານອູປາງໂກ ປະທານຄະນະປະຈຳສະພາປະຊາຊົນແຫ່ງຊາດຈີນໄດ້ພົບປະສົມເດັດຮາຊັນນາຣ໌ ຊູນຕານບຼູໃນ.
ວັນທີ 30 ພະຈິກປີ 2004, ໃນໄລຍະເຂົ້າຮ່ວມບັນດາກອງປະຊຸມສຸດຍອດອາຊຽນຢູ່ວຽງຈັນ ນະຄອນຫລວງສປປລາວ ທ່ານເວິນເຈ່ຍປາວ ນາຍົກລັດຖະມົນຕີຈີນໄດ້ພົບປະສົມເດັດຮາຊັນນາຣ໌ ຊູນຕານບຼູໃນ.ທ່ານເວິນເຈ່ຍປາວໄດ້ວາງສີ່ຂໍ້ສະເຫນີກ່ຽວກັບການຮ່ວມມືລະຫວ່າງຈີນກັບບຼູໃນູຄື:
ຫນຶ່ງ:ເພີ່ມທະວີການຄ້າສອງຝ່າຍຢ່າງບໍ່ຢຸດຢັ້ງ, ຍາດແຍ່ງໃຫ້ການຄ້າລະຫວ່າງສອງຝ່າຍບັນລຸ 1 ຕື້ໂດລາສະຫະລັດຂຶ້ນໄປໂດຍໄວ;
ສອງ: ລົງເລິກການຮ່ວມມືດ້ານພະລັງງານ, ສະຫນັບສະຫນູນບໍລິສັດ ຈີນເຂົ້າຮ່ວມການບຸກເບີກຢັ່ງແທກຊັບພະຍາກອນນ້ຳມັນເຊື້ອໄຟແລະອາຍແກສທຳມະຊາດຂອງບຼູໃນ;
ສາມ:ເປີດກວ້າງການຮ່ວມມືໃນການກໍ່ສ້າງພື້ນຖານໂຄງລ່າງ, ຈະສືບຕໍ່ສົ່ງເສີມວິສາຫະກິດຈີນເຂົ້າຮ່ວມການກໍ່ສ້າງໂທລະຄົມ ຂົວທາງແລະທ່າກ່ຳປັ່ນເປັນຕົ້ນ.
ສີ່:ເພີ່ມທະວີການຮ່ວມມືໃນດ້ານຄວາມປອດໄພ, ພ້ອມກັນປົກປັກຮັກສາສັນຕິພາບແລະສະຖຽນລະພາບຂອງພາກພື້ນແຫ່ງນີ້.
ສົມເດັດຮາຊັນນາຣ໌ເຫັນດີນຳຂໍ້ສະເຫນີຂອງທ່ານເວິນເຈ່ຍປາວ.ສົມເດັດຊົງກ່າວວ່າ, ການຮ່ວມມືລະຫວ່າງບຼູໃນກັບຈີນໃນຂົງເຂດນ້ຳມັນເຊື້ອໄຟແລະອາຍແກສທຳມະຊາດມີອະນາຄົດອັນກວ້າງຂວາງ,ຝ່າຍບຼູໃນຍິນດີຫາລືກັບຝ່າຍຈີນກ່ຽວກັບການຮ່ວມມືໃນຂົງເຂດນີ້ແລະຂົງເຂດພື້ນຖານໂຄງລ່າງ ຢ່າງຕັ້ງຫນ້າ.ສົມເດັດເຫັນວ່າການຮ່ວມມືລະຫວ່າງສອງຝ່າຍໃນຂົງເຂດເຫລົ່ານີ້ຍ່ອມຈະເພີ່ມທະວີການຮ່ວມມືເສດຖະກິດການຄ້າລະຫວ່າງສອງປະເທດ.
|
|
|
