|
|
 |
| (GMT+08:00)
2005-03-21 16:05:16
|
 |
|
ຫວນຄືນການພົວພັນດ້ານການເມືອງລະຫວ່າງຈີນກັບສິງກະໂປ
cri
Author: q
ຈີນ ສິງກະໂປ ສ້າງສາຍສຳພັນທາງການທູດເມື່ອວັນທີ 3 ຕຸລາ ປີ 1990ກ່ອນນີ້,ປະຊາຊົນທັງສອງປະເທດຈີນສິງກະໂປກໍມີການໄປມາຫາສູ່ກັນຢ່າງໃກ້ຊິດແລ້ວ,ພາຍຫລັງສ້າງສາຍສຳພັນທາງການທູດມານີ້,ການພົວພັນລະຫວ່າງສອງປະເທດໄດ້ຂະຫຍາຍຕົວຢ່າງສະດວກ,ການແລກປ່ຽນແລະການຮ່ວມມືກັນລະຫວ່າງສອງຝ່າຍໃນຂົງເຂດການເມືອງ ເສດຖະກິດການຄ້າ ການສຶກສາ ວັດທະນະທຳເປັນຕົ້ນຂະຫຍາຍຕົວຢ່າງບໍ່ຢຸດຢັ້ງ.ຜູ້ນຳທັງສອງປະເທດຢ້ຽມຢາມເຊິ່ງກັນແລະກັນຢ່າງລຽນຕິດ,ຜູ້ນຳຕົ້ນຕໍ ຂອງສອງຝ່າຍສ່ວນຫຼາຍໄດ້ຢ້ຽມຢາມກັນຝ່າຍກົງກັນຂ້າມ.
ວັນທີ 12 ຫາ ວັນທີ 17 ພຶດສະພາ ປີ 2004,ໃນໄລຍະທ່ານລີເຊັນລົງ ຮອງນາຍົກລັດຖະມົນຕີສິງກະໂປໃນຄາວນັ້ນຢ້ຽມຢາມຈີນນັ້ນ, ທ່ານນາງອູອີ ຮອງນາຍົກລັດຖະມົນຕີຈີນກັບທ່ານລີເຊັນລົງຮ່ວມກັນເປັນປະທານ ກອງປະຊຸມຂອງຄະນະກຳມະການປະສົມຮ່ວມມືລະຫວ່າງຈີນແລະສິງກະໂປຄັ້ງປະຖົມມະເລີກແລະກອງປະຊຸມຄັ້ງທີ7ຂອງສະພາມົນຕີປະສານງານຮ່ວມ ຈີນ ສິງກະໂປກ່ຽວກັບເຂດອຸດສາຫະກຳຊູໂຈວ,ວັນທີ 14 ພຶດສະພາຢູ່ປັກກິ່ງ,ທ່ານຫູຈີນທາວ ປະທານປະເທດ ທ່ານອຸນເຈຍປາວ ນາຍົກລັດຖະມົນຕີຈີນຕ່າງໄດ້ພົບປະທ່ານລີເຊັນລົງ ຢູ່ປັກກິ່ງ.
ວັນທີ 19 ພະຈິກ ປີ 2004,ທ່ານຫູຈີນທາວ ປະທານປະເທດຈີນໄດ້ພົບປະທ່ານລີເຊັນລົງ ນາຍົກລັດຖະມົນຕີສິງກະໂປຢູ່ຊັງຕີອາໂກຂອງຈີເລ,ເມື່ອເວົ້າເຖິງການພົວພັນສອງຕໍ່ສອງ,ທ່ານຫູເຈີນທາວຊີ້ອອກວ່າ,ມິດຕະພາບລະຫວ່າງຈີນ ສິງກະໂປແມ່ນຫມາກຜົນທີ່ຜູ່ນຳຫຼາຍເຊັ່ນຄົນຂອງສອງປະເທດບົ່ມເພາະຢ່າງພຽນໃຈ,ແມ່ນຊັບສົມບັດ ລ້ຳຄ່າຮ່ວມຂອງປະຊາຊົນທັງສອງປະເທດ, ຕ້ອງທະນຸຖະຫນອມກັນທີ່ສຸດ,ແຕ່ຈີນສິງກະໂປ ສ້າງສາຍສຳພັນທາງການທູດ14 ປີ ມານີ້ການພົວພັນທັງສອງປະເທດໄດ້ຂະຫຍາຍຕົວຢ່າງວ່ອງໄວ,ຮັບຜົນຫຼາຍ,ການພົວພັນລະຫວ່າງຈີນ ສິງກະໂປໄດ້ຂະຫຍາຍຕົວຢ່າງສະດວກນັ້ນ,ບໍ່ພຽງແຕ່ໄດ້ ນຳເອົາຜົນປະໂຫຍດຕົວຈິງໃຫ້ແກ່ປະຊາຊົນທັງສອງປະເທດທໍ່ນັ້ນ,ຫາກຍັງຊຸກຍູ້ສັນຕິພາບ ສະຖຽນລະພາບແລະການພັດທະນາໃນພາກພື້ນອາຊີອີກດ້ວຍ,ຜູ້ນຳຊຸດໃຫມ່ຂອງຈີນແລະສິງກະໂປຕ້ອງກຳທິດໃຫຍ່ແຫ່ງການພົວພັນທັງສອງປະເທດໃຫ້ແຫນ້ນ,ພະຍາຍາມຊຸກຍູ້ການພັວພັນທັງສອງປະເທດຂະຫຍາຍຕົວຢ່າງຫນັກແຫນ້ນຢູ່ບົນພື້ນຖານຫລັກ 5 ປະການ ຢູ່ຮ່ວມກັນໂດຍສັນຕິ.
ກ່ຽວກັບບັນຫາໄຕ້ຫວັນ,ທ່ານຫູຈີນທາວຊົມເຊີຍຫລັກຫມັ້ນຂອງລັດຖະບານສິງກະໂປທີ່ກ່າວລື້ມຫຼາຍເທື່ອວ່າຍຶດຫມັ້ນນະໂຍບາຍຈີນດຽວ,ຄັດຄ້ານການແຍກໄຕ້ຫວັນເປັນເອກະລາດ,ທ່ານເວົ້າວ່າເນື່ອງຈາກຫລັກຫມັ້ນຂອງຝ່າຍສິງກະໂປ,ໂດຍສະເພາະແມ່ນຄວາມປາຖະຫນາດ້ວຍຄວາມຈິງໃຈທີ່ປົກປັກຮັກສາມິດຕະພາບຂອງປະຊາຊົນຈິນແລະສິງກະໂປ,ພວກຂ້າພະເຈົ້າຍິນດີທຳຄວາມພະຍາຍາມ,ເຮັດໃຫ້ການພົວພັນລະຫວ່າງຈີນແລະສິງກະໂປກ້າວຂຶ້ນສູ່ເສັ້ນທາງຂະຫຍາຍຕົວຢ່າງສືບເນື່ອງແລະປອດໄສ,ທ່ານຊີ້ອອກວ່າ,ບັນຫາໄຕ້ຫວັນກ່ຽວພັນເຖິງຜົນປະໂຫຍດແກນກາງຂອງຈີນ,ສະນັ້ນ,ຕ້ອງແກ້ໄຂໃຫ້ຕົກຢ່າງສຸຂຸມຮອບຄອບ.ຈະທຳລາຍອາລົມຈິດຂອງປະຊາຊົນຈີນ 1 ຕື້ 300 ລ້ານຄົນບໍ່ໄດ້,ທຳລາຍມະຫາພາກແຫ່ງການພົວພັນສອງຕໍ່ສອງບໍ່ໄດ້,ອະທິປະໄຕແລະຜົນປະໂຫຍດແກນກາງຂອງຈີນຈະຕ້ອງໄດ້ຮັບໂຄລົບ,ນີ້ແມ່ນມະຫາພາກແລະເຫດຜົນໃຫຍ່.
ກ່ຽວກັບການພົວພັນດ້ານເສດຖະກິດການຄ້າລະຫວ່າງທັງສອງປະເທດ,ທ່ານຫູຈິນທາວເວົ້າວ່າ,ຈີນແລະສິງກະໂປເປັນຄູ່ຮ່ວມມືສຳຄັນດ້ານເສດຖະກິດການຄ້າ,ນັບແຕ່ຈີນ ສິງກະໂປສ້າງສາຍສຳພັນທາງການທູດມານີ້,ການຮ່ວມມືເສດຖະກິດການຄ້າສອງຕໍ່ສອງໄດ້ຮັບຜົນອັນເດັ່ນຊັດ,ມູນຄ່າການຄ້າໄດ້ເພີ່ມຂຶ້ນເກືອບ 10 ເທົ່າ,ໃນຫຼາຍປີມານີ້,ສອງຝ່າຍໄດ້ຮັບຜົນຂ້ອນຂ້າງດີໃນຂົງເຂດສຳຄັນເຊັ່ນ:ການພັດທະນາເຕັກນິກສູງແລະໃຫມ່,ການພັດທະນາພາກຕາເວັນຕົກຂອງຈີນ ສ້າງທີ່ຫມັ້ນ ອຸດສາຫະກຳເກົ່າຢູ່ພາກຕາເວັນອອກສຽງເຫນືອໃຫ້ຈະເລີນແລະວິສາຫະກິດທັງສອງປະເທດຮ່ວມມືກັນໄປລົງທຶນຢູ່ຕ່າງປະເທດເປັນຕົ້ນ,ພວກຂ້າພະເຈົ້າຍິນດີພ້ອມກັບຝ່າຍສິງກະໂປຊຸກຍູ້ການພັດທະນາການຮ່ວມມືດ້ານເສດຖະກິດການຄ້າລະຫວ່າງຈີນແລະສິງກະໂປຕາມຈິດໃຈຕ່າງຝ່າຍຕ່າງມີຜົນປະໂຫຍດເພື່ອສ້າງຄວາມສຸກໃຫ້ແກ່ປະຊາຊົນທັງສອງປະເທດ.
ທ່ານລີເຊັນລົງຮູ້ສຶກການຢ້ຽມຢາມໄຕ້ຫວັນຂອງທ່ານໃນເດືອນກໍລະກົດໄດ້ນຳເອົາຜົນສະທ້ອນແລະສ້າງປະສົບຄວາມຫຍຸ້ງຍາກໃຫ້ແກ່ການພົວພັນ ລະຫວ່າງຈີນແລະສິງກະໂປ,ທ່ານເວົ້າວ່າ,ຫລັກຫມັ້ນກົກຮາກຂອງລັດຖະບານສິງກະໂປແມ່ນຍຶດຫມັ້ນນະໂຍບາຍຈີນດຽວ,ນີ້ແມ່ນຫລັກຫມັ້ນທີ່ຕ້ອງຍຶດຫມັ້ນຍາວນານ,ບໍ່ມີການປ່ຽນແປງ,ຫລັກຫມັ້ນຂອງສິງກະໂປທີ່ຄັດຄ້ານການແຍກໄຕ້ຫວັນເປັນເອກະລາດແມ່ນຈະແຈ້ງ,ທ່ານເວົ້າວ່າ ການຮ່ວມມືລະຫວ່າງຈີນ ສິງກະໂປເກີດຫມາກອອກຜົນ,ແຕ່ການພັດທະນາຍັງມີຄວາມສາມາດບົ່ມຊ້ອນຕື່ມອີກ,ຝ່າຍສິງກະໂປຫວັງ ປັບປຸງແລະ ຂະຫຍາຍການພົວພັນກັບຈີນຢ່າງບໍ່ຢຸດຢັ້ງ.
|
|
|
