|
ການພົວພັນດ້ານເສດຖະກິດການຄ້າແລະການຮ່ວມມືດ້ານເສດຖະກິດ ເຕັກນິກລະຫວ່າງຈີນສິງກະໂປ
cri
Author: q
ໃນຫຼາຍປີມານີ້,ການຮ່ວມມືດ້ານເສດຖະກິດການຄ້າລະຫວ່າງຈີນແລະສິງກະໂປໄດ້ພັດທະນາຢ່າງວ່ອງໄວ,ນັບມາຮອດທ້າຍປີ 2001,ສິງກະໂປແມ່ນຕະຫຼາດແຮງງານຢູ່ຕ່າງປະເທດໃຫຍ່ທີຫນຶ່ງແລະຕະຫຼາດຮັບເຫມົາກິດຈະການໃຫຍ່ທີສອງຂອງຈີນ,ການຄ້າແລະການລົງທຶນຢູ່ປະເທດຈີນລ້ວນແຕ່ເປັນ ທີຫນຶ່ງໃນບັນດາປະເທດອາຊຽນ,ຈີນແມ່ນຄູ່ການຄ້າໃຫຍ່ທີ 4 ຂອງສິງກະໂປ.
ເດືອນຕຸລາ ປີ1999 ,ຈີນ ສິງກະໂປໄດ້ເຊັນບົດບັນທຶກຊ່ອຍຈຳກ່ຽວກັບການຮ່ວມມືດ້ານເສດຖະກິດແລະສົ່ງເສີມການຄ້າແລະການລົງທຶນທັງສອງປະເທດ,ໄດ້ສ້າງກົນໄກຫາລືດ້ານເສດຖະກິດການຄ້າ,ປະຈຸບັນນີ້,ໂຄງການຮ່ວມມືສຳຄັນລະຫວ່າງສອງຝ່າຍມີດັ່ງນີ້:ເຂດອຸດສາຫະກຳຊູໂຈວ ເຂດອຸດສາຫະກຳອູຊີ ໂຄງການພັດທະນາເຮືອນຢູ່ຊານລິນຊຽງໄຮ້ແລະທ່າຕູ້ຄອນເທເນີເມືອງຕ້າລຽນເປັນຕົ້ນ,ເຂດອຸດສາຫະກຳຊູໂຈວແມ່ນໂຄງການຮ່ວມມືດ້ານເສດຖະກິດໃຫຍ່ກວ່າຫມູ່ລະຫວ່າງລັດຖະບານຈີນແລະສິງກະໂປ,ໂຄງການດັ່ງກ່າວນີ້ແມ່ນເລີ່ມສ້າງເມື່ອປີ 1994,ການພັດທະນາແມ່ນສະດວກໃນດ້ານກວມລວມ,ນັບມາຮອດທ້າຍປີ 2002 ,ໂຄງການທີ່ສິງກະໂປລົງທຶນຢູ່ປະເທດຈີນມີ 10727 ໂຄງການ,ມູນຄ່າທຶນຕ່າງປະເທດໃນຂໍ້ຜູກພັນ 40 ຕື້ 150 ລ້ານໂດລາສະຫະລັດ,ມູນຄ່າການລົງທຶນຕົວຈິງ 21 ຕື້ 473 ລ້ານໂດລາສະຫະລັດ,ແຕ່ເດືອນມັງກອນ ຫາ ເດືອນ ພຶດສະພາ ປີ 2003,ໂຄງການລົງທຶນຂອງສິງກະໂປຢູ່ຈີນມີ 440 ໂຄງການ,ມູນຄ່າໃນຂໍ້ຜູກພັນ 12 ຕື້ 960 ລ້ານໂດລາສະຫະລັດ,ນັບມາຮອດ ເດືອນພຶດສະພາ ປີ 2003, ວິສາຫະກິດທີ່ລົງທຶນຢູ່ສິງກະໂປມີ 173 ແຫ່ງ, ລົງທຶນ 71 ລ້ານ 6 ແສນ 5 ຫມື່ນໂດລາສະຫະລັດ,ນັບລວມເຂົ້າກັນແລ້ວ,ຈີນແລະສິງກະໂປໄດ້ເຊັນຂໍ້ຜູກພັນຮັບເຫມົາແຮງງານມີມູນຄ່າ8 ຕື້ 932 ລ້ານໂດລາສະຫະລັດ,ສຳເລັດໂຄງການ7 ຕື້ 723 ລ້ານໂດລາສະຫະລັດ.
ຕາມສະຖິຕິຂອງດ່ານພາສີຈີນ,ໃນປີ 2002 , ມູນຄ່າການຄ້າລະຫວ່າງຈີນສິງກະໂປ 14 ຕື້ 20 ລ້ານໂດລາສະຫະລັດ,ເພີ່ມຂຶ້ນ28,4%,ໃນນັ້ນ,ສິນຄ້າຂາອອກຂອງຝ່າຍຈີນ 6 ຕື້ 970 ລ້ານໂດລາສະຫະລັດ,ສິນຄ້າຂາເຂົ້າ 7 ຕື້ 50 ລ້ານໂດລາສະຫະລັດ,ຈີນແມ່ນຄູ່ການຄ້າໃຫຍ່ທີ 4 ຂອງສິງກະໂປ,ສິງກະໂປແມ່ນຄູ່ການຄ້າໃຫຍ່ທີ 8 ຂອງຈີນ,ແຕ່ເດືອນມັງກອນ ຫາ ເດືນພຶດສະພາ ປີ 2003,ມູນຄ່າການຄ້າລະຫວ່າງສອງຝ່າຍໄດ້ບັນລຸ6 ຕື້ 957 ລ້ານໂດລາສະຫະລັດ,ເພີ່ມຂຶ້ນຫຼາຍກວ່າເວລາດຽວກັນ 41,3%.
ຈີນແລະສິງກະໂປຍັງໄດ້ເຊັນສັນຍາການຮ່ວມມືດ້ານເສດຖະກິດຫຼາຍສະບັບເຊັ່ນ:ສັນຍາສົ່ງເສີມແລະປົກປ້ອງ ການລົງທຶນ ສັນຍາກ່ຽວກັບການຫຼີກເວັ້ນເກັບພາສີຊ້ອນກັນແລະປ້ອງກັນການຫນີພາສີ ສັນຍາກ່ຽວກັບການຂົນສົ່ງທາງທະເລ ສັນຍາກ່ຽວກັບການຮ່ວມມືດ້ານໄປສະນີແລະໂທລະຄົມສື່ສານເປັນຕົ້ນ,ທັງນີ້ໄດ້ສະເຫນີການຄ້ຳປະກັນໃຫ້ແກ່ການຮ່ວມມືດ້ານເສດຖະກິດຂອງສອງປະເທດຂະຫຍາຍຕົວຢ່າງສະດວກ.
|
|
