|
ໃນຊີວິດຂອງພວກເຮົາຊູ່ມື້ນີ້,ບໍ່ວ່າທ່ານຈະເຮັດວຽກຫຼືວ່າຮ່ຳຮຽນ,ຖ້າມີຄອມພິວເຕີເຄື່ອງຫນຶ່ງ,ແນ່ນອນຈະນຳເອົາຄວາມສະດວກມາໃຫ້ທ່ານຢ່າງມະຫາສານ,ຈະເຮັດໃຫ້ປະສິດທິພາບເຮັດວຽກແລະຮ່ຳຮຽນຂອງທ່ານສູງຂຶ້ນເປັນເທົ່າໆ.ຄອມພິວເຕີໄດ້ກາຍເປັນເຄື່ອງມືດີທີ່ຂາດບໍ່ໄດ້ຂອງຄົນທັງຫຼາຍໃນວຽກງານ,ການຮ່ຳຮຽນແລະຫຼິ້ນມ່ວນຊື່ນ,ແຕ່ທ່ານຮູ້ບໍ່ວ່າ,ຄອມພິວເຕີເຄື່ອງທຳອິດໃນໂລກແມ່ນໃຜເປັນຜູ່ປະດິດສ້າງໃນເມື່ອໃດ?
ວັນທີ 15 ກຸມພາປີ 1946,ບັນດານັກວິທະຍາສາດຂອງມະຫາວິທະຍາໄລເພັນຊີນເວ ເນຍ ຂອງອາເມລິກາໄດ້ເຮັດຄອມພິວເຕີຕົວເລກເອເລັກໂຕຼນິກໃຊ້ການໄດ້ຫຼາຍຢ່າງ,ເຄື່ອງທຳອິດໃນໂລກສຳເລັດ.ຕັ້ງຊື່ຫຍໍ້ໃຫ້ວ່າເອນິອັກ ນີ້ກໍແມ່ນຄອມພິວເຕີເຄື່ອງທຳອິດໃນໂລກ ການປະດິດສ້າງເອນີອັກ ເປັນສັນວະລັກສະແດງໃຫ້ເຫັນວ່າ,ຍຸກສະໄຫມຄອມພິເຕີໄດ້ເລີ່ມຕົ້ນແລ້ວ.
ເຄື່ອງຄິດໄລ່ເອເລັກໂຕຼນິກແມ່ນສິ່ງປະດິດສ້າງທີ່ຍິ່ງໃຫຍ່ກວ່າຫມູ່ຂອງມວນມະນຸດໃນສັດຕະວັດທີ 20 ຈາກການຄິດໄລ່ດ້ວຍສະຫມອງຄົນຮອດການຄິດໄລ່ດ້ວຍຄອມພິວເຕີແມ່ນການກ້າວກະໂດດອັນມະຫາສານ,ແລະກໍແມ່ນະບວນການພະຈົນໄພອັນຍາວນານເທື່ອຫນຶ່ງ,ໃນແຫຼ່ງອາລະຍະທຳຂອງມວນມະນຸດ,ວິຊາເລກໄດ້ກາຍເປັນພາກສ່ວນຫນຶ່ງຂອງການຜະລິດແລະຊີວິດການເປັນຢູ່ຂອງຄົນທັງຫຼາຍ,ຈາກວິທີທົດເລກທີ່ປະດິດສ້າງໃນສະໄຫມບູຮານຮອດວິທີໄລ່ລູກຄິດທີ່ປະດິດສ້າງໃນສະໄຫມລາຊະວົງຊົ້ງຂອງຈີນ,ໃນຫຼາຍພັນປີມານີ້,ມວນມະນຸດບໍ່ເຄີຍເຊົາຊອກຄົ້ນໃນດ້ານນີ້ຈັກເທື່ອ,ຄວາມໃຝ່ຝັນໃນພັນປີ,ຊອກຄົ້ນມາຮ້ອຍປີ,ໃນທີ່ສຸດ,ໄດ້ບັນລຸເລື່ອງອັດຈະຈັນທີ່ບໍ່ເຄີຍມີມາກ່ອນໃນປະຫວັດວິທະຍາສາດຄື:ສະຫມອງຄົນປະດິດສະຫມອງເອເລັກໂຕຼນິກ,ສະຫມອງເອເລັກໂຕຼນິກຊຸກຍູ້ສະຫມອງຄົນ.
ເມື່ອກ່າວເຖິງການກຳເນີດຂອງຄອມພິວເຕີ ຄົນທັງຫຼາຍມັກຄິດຮອດການກຳເນີດຂອງເອນີອັກ ເຖິງວ່າໃນຄາວນັ້ນ,ມີຄົນເວົ້າຫົວຂວັນວ່າ,ມັນໄດ້ມອດໄຟທັງຫມົດໃນພາກຕາເວັນຕົກຂອງເມືອງຟີລາແດນເຟຍ,ແຕ່ວ່າ,ຄອມພິວເຕີ ເຄື່ອງນີ້ໄດ້ຮັບຜົນສຳເລັດ ໃນດ້ານລັກສະນະເຫມາະໃຊ້ທົ່ວໄປ,ໃຊ້ງ່າຍແລະຈັດເປັນໂປຼແກມໄດ້ນັ້ນໄດ້ເຮັດໃຫ້ຄອມພິວເຕີຍຸກປັດຈຸບັນກາຍເປັນຄວາມຈິງ.
ແຜນການເບື້ອງຕົ້ນຂອງຄອມພິວເຕີເອນີອັກ ແມ່ນທ່ານໂມຊີລີ ນັກວິສະວະກອນອາເມລິກາອາຍຸ 36 ປີສະເຫນີອອກມາໃນປີ 1943,ຫນ້າທີ່ຕົ້ນຕໍແມ່ນວິໄຈວິຖີລູກປືນໃຫຍ່,ວິຖີລູກປືນທີ່ບິນ 60 ວິນາທີ,ຖ້າໃຊ້ເຄື່ອງຄິດໄລ່ແບບຕັ້ງໂຕະມາຄິດໄລ່,ຕ້ອງເຫມື່ອຍຈົນບໍ່ໄວ,ເພາະວ່າຕ້ອງການ 20 ຊົ່ວໂມງຈິ່ງໄລ່ແລ້ວ,ກອງຍຸດໂທປະກອນຂອງອາເມລິກາຕ້ອງການໃຫ້ປະດິດເຄື່ອງຄິດໄລ່ໃຫມ່ຊະນິດຫນຶ່ງໂດຍດ່ວນ,ເລີຍເບີກເງິນໃຫ້ເພື່ອສະຫນັບສະຫນູນວຽກຄົ້ນຄວ້າໃນດ້ານນີ້.ແລະໄດ້ຈັດຕັ້ງຫນ່ວຍຄົ້ນຄວ້າໂດຍຈຳເພາະ,ໃຫ້ທ່ານຟໂມຊີລີ ຮັບຜິດຊອບ,ນັກວິສະວະກອນໃຫຍ່ແມ່ນທ່ານເອເຄີດ ທີ່ຫນຸ່ມນ້ອຍ.
ວັນທີ 15 ກຸມພາປີ 1946,ໄດ້ປະກາດຄົ້ນຄວ້າເຄື່ອງເອນີອັກສຳເລັດ,ແຕ່ວ່າທີ່ຈິງແລ້ວ,ສະຫມອງເອເລັກໂຕຼນິກອັດສະຈັນທີ່ປະກົດອອກຢູ່ຕໍ່ຫນ້າຄົນທັງຫຼາຍນັ້ນບໍ່ແມ່ນເຄື່ອງຈັກເຄື່ອງຫນຶ່ງ,ຫາກແມ່ນເຄື່ອງຈັກເຕັມຫ້ອງ,ປຸ່ມສະວິກລຽນຊ້າຍລ້າຍເປັນພຶງ,ສາຍໄຟຟ້າຊະນິດຕ່າງໆກ້ຽວໄປກ້ຽວມາໄຟສັນຍານແມບມາບ,ຮູ້ສຶກວ່າແມ່ນຫ້ອງຄວບຄຸມຫ້ອງຫນຶ່ງ,ເອນີອັກ ໄດ້ໃຊ້ຫຼອດເອເລັກໂຕຼນິກ 1 ຫມື່ນ 8 ພັນອັນ,ມີບໍລິມາດລວມປະມານ 90 ແມັດກ້ອນ,ຫນັກ 30 ໂຕນ,ຕ້ອງມີຫ້ອງໃຫຍ່ທີ່ກວ້າງ 30 ກິໂລວັດນັ້ນມີຄວາມໄວຄິດໄລ່ບວກ 5 ພັນເທື່ອຕໍ່ວິນາທີຫຼືຄູນ 400 ເທື່ອຕໍ່ວິນາທີ,ພ້ອມທັງຍັງຄິດໄລ່ຍິ່ງສັບສົນກວ່ານີ້ກໍໄດ້,ງົບປະມານໃນການຄົ້ນຄວ້າຜະລິດເຄື່ອງເອນີອັກ ແມ່ນກະໄວ້ 1 ແສນ 5 ຫມື່ນໂດລາສະຫະລັດ,ແຕ່ໃນທີ່ສຸດ,ໄດ້ໃຊ້ໄປ 4 ແສນ 8 ຫມື່ນ 6 ພັນໂດລາສະຫະລັດ.
ໃຊ້ເອນີອັກມາຄິດໄລ່ວິຖີລູກປືນໃຫຍ່ເສັ້ນຫນຶ່ງ, 20 ວິນາທີກໍພໍແລ້ວ,ຍັງໄວກວ່າຄວາມໄວຂອງລູກປືນໃຫຍ່ອີກຊ້ຳ,ດັ່ງນັ້ນ,ພໍມັນກຳເນີດເກີດຂຶ້ນກໍໄດ້ຮັບຄວາມຍ້ອງຍໍຫມົດໂລກ.
ເຄື່ອງເອນີອັກ ໄດ້ເລີ່ມນຳໃຊ້ຢ່າງເປັນທາງການເມື່ອທ້າຍປີ 1946 ຈົນຮອດວັນທີ 2 ຕຸລາ ປີ 1955,ໃນ 10 ປີນີ້ຈຶ່ງພົ້ນຫນ້າທີ່ຂອງມັນ,ການຄິດໄລ່ທັງຫມົດຂອງສະຫມອງເອເລັກໂຕຼນິກເຄື່ອງທຳອິດຂອງມວນມະນຸດດັ່ງກ່າວຍັງຫຼາຍກວ່າການຄິດໄລ່ທັງຫມົດຂອງສະຫມອງມວນມະນຸດແຕ່ມີປະຫວັດສາດມານີ້,ສິ່ງທີ່ເປັນຫນ້າສົນໃຈນັ້ນແມ່ນໃນປີ 1949,ເມື່ອໄດ້ຄິດໄລ່ເປັນເວລາ 70 ຊົ່ວໂມງແລ້ວ,ມັນໄດ້ຄິດໄລ່ອັດຕາຮອບວົງມົນ "ຢວນໂຈ່ວລີ" ພາຍລະອຽດຮອດເລກເສດ 2037 ໂຕຫລັງຈຸດຢ່າງແມ່ນຢຳ,ນີ້ແມ່ນຕົວເລກທີ່ຖືກຕ້ອງກວ່າຫມູ່ທີ່ມວນມະນຸດໃຊ້ສິ່ງປະດິດສ້າງຂອງຕົນຄິດໄລ່ອອກມາເປັນຄັ້ງທຳອິດ.
|
