|
|
 |
| (GMT+08:00)
2005-03-22 09:20:19
|
 |
|
ການພົວພັນເສດຖະກິດການຄ້າແລະການຮ່ວມມືດ້ານເສດຖະກິດເຕັກນິກລະຫວ່າງຈີນກັບອິນໂດເນເຊຍ
cri
Author: sayvanny
ການຮ່ວມມືດ້ານເສດຖະກິດການຄ້າລະຫວ່າງຈີນກັບອິນໂດເນເຊຍໄດ້ຂະຫຍາຍຕົວຢ່າງສະດວກ.ພາຍຫລັງໄດ້ຟື້ນຟູສາຍສຳພັນທາງການທູດເປັນ ຕົ້ນມາ, ສອງປະເທດໄດ້ເຊັນສັນຍາກ່ຽວກັບການປົກປ້ອງການລົງທຶນ, ສັນ ຍາກ່ຽວກັບການຂົນສົ່ງທາງທະເລ,ສັນຍາກ່ຽວກັບການຫລີກເວັນການເກັບພາສີຊ້ອນກັນ,ແລະໄດ້ເຊັນບົດບັນທຶກຊ່ອຍຈຳກ່ຽວກັບການຮ່ວມມືໃນຂົງເຂດກະສິກຳ ປ່າໄມ້ ການປະມົງ ບໍ່ແຮ່ ຄົມທະນາຄົມແລະການທະນາຄານເປັນຕົ້ນ. ປີ 1990 ໄດ້ສ້າງຕັ້ງຄະນະກຳມາທິການປະສົມກ່ຽວກັບການຮ່ວມມືເສດຖະກິດ ການຄ້າແລະເຕັກນິກ.ທ້າຍປີ 2001, ສອງຝ່າຍໄດ້ຕົກລົງເອົາກະສິກຳ ພະລັງງານ ການບຸກເບີກຊັບພະຍາກອນແລະການກໍ່ສ້າງພື້ນຖານໂຄງລ່າງເປັນຂົງເຂດຈຸດຫນັກຂອງການຮ່ວມມືດ້ານເສດຖະກິດການຄ້າ.ເດືອນມີນາປີ 2002, ສອງປະເທດໄດ້ສ້າງຕັ້ງເວທີປາໄສພະລັງງານ,ເດືອນກັນຍາໄດ້ຈັດກອງປະຊຸມຄັ້ງປະຖົມມະເລີກ.
ປີ 2002, ມູນຄ່າການຄ້າລະຫວ່າງສອງປະເທດບັນລຸ 7 ຕື້ 928 ລ້ານໂດລາສະຫະລັດ, ເພີ່ມຂຶ້ນຫລາຍກວ່າປີ 2001 17,9%.ໃນນັ້ນ ຂາອອກຂອງຈີນ 3 ຕື້ 427 ລ້ານໂດລາສະຫະລັດ, ຂາເຂົ້າ 4,5 ຕື້ໂດລາສະຫະລັດ,ຕ່າງເພີ່ມຂຶ້ນ 20,8%ແລະ 15,8%.ອິນໂດເນເຊຍກາຍເປັນຄູ່ການຄ້າໃຫຍ່ທີ 17 ຂອງຈີນ.
ການລົງທຶນຢູ່ຝ່າຍກົງກັນຂ້າມກໍ່ດຳເນີນໄປເປັນກ້າວໆ.ນັບມາຮອດເດືອນມີນາປີ 2003,ຝ່າຍຈີນລວມໄດ້ອະນຸມັດໂຄງການທີ່ລົງທຶນໂດຍອິນໂດເນເຊຍລວມ 970 ໂຄງການ, ມູນຄ່າໃນຂໍ້ຜູກພັນບັນລຸ 2 ຕຶ້ 24 ລ້ານໂດລາສະຫະລັດ.ຝ່າຍຈີນໄດ້ຕັ້ງວິສາຫະກິດຮ່ວມທຶນແລະຮ່ວມທຸລະກິດທີ່ບໍ່ແມ່ນການຄ້າຢູ່ອິນໂດເນເຊຍ 60 ຫລັງ, ລວມທັງຫມົດໄດ້ລົງທຶນ 270 ລ້ານໂດລາສະຫະລັດ.ປີ 2002, ພາກສ່ວນທີ່ກ່ຽວຂ້ອງຂອງສອງປະເທດໄດ້ເຊັນສັນ ຍາກ່ຽວກັບຈີນສະຫນອງເງິນກູ້ຂາອອກດອກເບ້ຍຕ່ຳທີ່ມີມູນຄ່າ 400 ລ້ານໂດລາສະຫະລັດໃຫ້ອິນໂດເນເຊຍ,ສັນຍາກ່ຽວກັບແຂວງຟູຈຽນຈີນຊື້ຊັບພະ ຍາກອນຂອງໂຄງການອາຍແກສທຳມະຊາດ.ເດືອນມິຖຸນາປີ 1996 ບໍລິສັດປະກັນໄພປະຊາຊົນຈີນໄດ້ເປີດທຸລະການຢູ່ຢາກາກຕາ.ເດືອນເມສາປີ 2003, ທະນາຄານຈີນຟື້ນຟູທຸລະການຢູ່ຢາກາກຕາ.
|
|
|
