|
|
 |
| (GMT+08:00)
2005-03-22 13:19:38
|
 |
|
ຊອກດານີກັບອີຣັກໄດ້ເກີດວິກິດການການທູດອີກ
cri
Author: q
ຕາມຂ່າວCRI,ວັນທີ21ມີນາ,ຢູ່ທີ່ອຳມານ,ທ່ານນາງຮຸດເດີ ໂຄສົກລັດຖະບານຊອກດານີກ່າວວ່າ,ເຖິງວ່າຊອກດານີໄດ້ຮຽກອຸປະທູດປະຈຳອີຣັກກັບຄືນປະເທດກໍຕາມ,ແຕ່ຊອກດານີຍັງຄົງຫວັງເຮັດໃຫ້ວິກິດການທາງການທູດກັບອີຣັກສະຫງົບລົງໂດຍໄວເທົ່າທີ່ຈະໄວໄດ້.
ການພົວພັນລະຫວ່າງຊອກດານີກັບອີຣັກໄດ້ເຄັ່ງຕຶງຂຶ້ນຕົ້ນຕໍແມ່ນຍ້ອນເຫດການລະເບີດແບບສະຫຼະຊີບລາຍໜຶ່ງເກີດຂຶ້ນຢູ່ອີຣັກໃນຫວ່າງກ່ອນນີ້ບໍ່ດົນ.ວັນທີ28ກຸມພາ,ຢູ່ເມືອງອາຮີລາ ທີ່ ຈາກແບກແດດໄປໃຕ້60ກິໂລແມັດໄດ້ເກີດເຫດການຫຼອນໂຈມຕີແບບສະຫຼະຊີບ,ເຮັດໃຫ້25ຄົນເສຍຊີວິດ.ນີ້ແມ່ນຄະດີລະເບີດລາຍດຽວທີ່ມີຄົນຕາຍຫຼາຍກວ່າທຸກເທື່ອແຕ່ເກີດສົງຄາມອີຣັກມານີ້,ຜູ້ປະສົບເຄາະຮ້າຍເກືອບທຸກຄົນແມ່ນຊາວໜຸ່ມມຸສລິມນິກາຍຊີອິດທີ່ກອງທະຫານຕຳຫຼວດອີຣັກຫາກໍ່ປະກາດຮັບສະໝັກ.
ພາຍຫຼັງຄະດີລະເບີດທີ່ເມືອງອາຮີລາເກີດຂຶ້ນແລ້ວ, ສື່ມວນຊົນຂອງຊອກດານີກ່າວວ່າ,ຊາວຊອກດານີຜູ້ໜຶ່ງໄດ້ຖືກສົງໄສກໍ່ເຫດການນີ້.ເລື່ອງນີ້ໄດ້ພາໃຫ້ມຸສລິມນິກາຍຊີອິດຂອງອີຣັກໂມໂຫຂຶ້ນຢ່າງຮຸນແຮງ.ລັດຖະບານຊົ່ວຄາວຂອງອີຣັກກໍໄດ້ສະແດງຄວາມບໍ່ພໍໃຈຕໍ່ຝ່າຍຊອກດານີ.ພາຍໃນອາທິດ ຜ່ານມາ,ມຸສລິມນິກາຍຊີອິດໄດ້ຈັດການແຫ່ຂະບວນກ່າວປະທ້ວງຢ່າງຂະໜາດໃຫຍ່ຫຼາຍເທື່ອ,ພ້ອມທັງໄດ້ໂຈມຕີສະຖານທູດຊອກດານີປະຈຳອີຣັກ.
ຕໍ່ການກ່າວຕິຕຽນຂອງຝ່າຍອີຣັກ,ຊອກດານີປະຕິເສດບໍ່ຮັບຮູ້,ແລະໄດ້ປະກາດໃນວັນທີ20ມີນາວ່າ,ຕົກລົງຮຽກເຈົ້າໜ້າທີ່ການທູດສູງສຸດຂອງຊອກດານີປະຈຳອີຣັກນັ້ນຄືນປະເທດ.ພາຍຫຼັງຊອກດານີປະກາດການຕົກລົງດັ່ງກ່າວແລ້ວ,ຝ່າຍອີຣັກກໍໄດ້ທຳປະຕິກິລິຍາໃນທັນທີ,ຕົກລົງຮຽກເອກອັກຄະລັດຖະທູດອີຣັກປະຈຳອຳມານກັບຄືນເພື່ອປຶກສາຫາລືສະຖານະການ.
ຢູ່ລະຫວ່າງຊອກດານີກັບອີຣັກປະກົດມີວິກິດການທາງການທູດບໍ່ແມ່ນເລື່ອງແປກປະຫຼາດ.ກ່ອນແລະຫຼັງສົງຄາມອີຣັກເກີດຂຶ້ນ,ການພົວພັນລະຫວ່າງຊອກດານີກັບອີຣັກໄດ້ປະກົດມີການຂັດສີກັນຕັ້ງຫຼາຍເທື່ອ.ຊອກດານີແມ່ນພັນທະມິດດັ້ງເດີມປະເທດໜຶ່ງຂອງອາເມລິກາໃນໂລກປະເທດອາລັບ,ເຖິງວ່າຊອກດານີບໍ່ເຫັນດີນຳອາເມລິກາໃຊ້ກຳລັງອາວຸດຕໍ່ອີຣັກກໍຕາມ,ແຕ່ພັດອະນຸຍາດໃຫ້ກອງທະຫານອາເມລິກາຈັດວາງທະຫານ6000ຄົນບົນູດິນແດນຊອກດານີ.ການກະທຳດັ່ງກ່າວໄດ້ພາໃຫ້ຊາວອີຣັກຈຳນວນໜຶ່ງທີ່ສະໜັບສະໜູນອຳນາດການປົກຄອງ ຊັດດາມນັ້ນບໍ່ພໍໃຈນຳ.ພາຍຫຼັງອຳນາດການປົກຄອງຊັດດາມຖືກໂຄ່ນລົ້ມແລ້ວ,ຊອກດານີໄດ້ຮັບເອົາລູກສາວສອງຄົນຂອງຊັດດາມ,ທັງນີ້ໄດ້ນີ້ພາໃຫ້ມຸສລິມນິກາຍຊີອິດຂອງອີຣັກທີ່ຖືກອຳນາດການປົກຄອງຊັດດາມກົດໜ່ວງມາເປັນເວລາດົນນານມານີ້ໂມໂຫຂຶ້ນອີກ.
ຊອກດານີກັບອີຣັກມີການພົວພັນແໜ້ນແຟ້ນໃນດ້ານເສດຖະກິດແລະການເມືອງ,ມັນເດັ່ນຊັດແລ້ວວ່າ,ລັດຖະບານທັງສອງປະເທດລ້ວນແຕ່ບໍ່ຫວັງໃຫ້ເຫດ ການຫຼອນໂຈມຕີດັ່ງກ່າວທຳລາຍຜົນປະໂຫຍດຮ່ວມຂອງສອງປະເທດ.ຄົນທັງຫຼາຍໄດ້ໃສ່ໃຈວ່າ,ໃນຂະນະທີ່ປະກາດຮຽກຜູ້ແທນການທູດສູງສຸດປະຈຳປະເທດຝ່າຍກົງກັນຂ້າມນັ້ນ,ທັງສອງປະເທດລ້ວນແຕ່ໄດ້ກ່າວເນັ້ນວ່າແມ່ນເພື່ອປຶກສາຫາລືສະຖານະການໃນປັດຈຸບັນ.ທັງນີ້ສະແດງໃຫ້ເຫັນວ່າທັງສອງຝ່າຍລ້ວນແຕ່ບໍ່ຢາກເຮັດໃຫ້ສະຖານະການສຸດຮ້າຍລົງ,ແລະຈົ່ງຊ່ອງຫວ່າງແກ້ໄຂວິກິດການຢ່າງເໝາະສົມ.
|
|
|
