|
|
 |
| (GMT+08:00)
2005-03-22 21:11:40
|
 |
|
ການພົວພັນເສດຖະກິດການຄ້າແລະການຮ່ວມມືດ້ານເສດຖະກິດເຕັກນິກລະຫວ່າງຈີນກັບຫວຽດນາມ
cri
Author: q
ປະຈຸບັນນີ້, ຈີນແມ່ນຄູ່ການຄ້າໃຫຍ່ທີສອງຂອງຫວຽດນາມ,ໃນປີ 2002,ມູນຄ່າການຄ້າສອງຕໍ່ສອງໄດ້ບັນລຸເຖິງ 3 ຕື້ 264 ລ້ານໂດລາສະຫະລັດ,ເພີ່ມຂຶ້ນຫຼາຍກວ່າປີ 2001, 15,8%,ສິນຄ້າຂາອອກຂອງຈີນຕົ້ນຕໍແມ່ນລົດຈັກກົນຈັກ ນ້ຳມັນສຳເລັດຮູບແລະຜະລິດຕະພັນອຸດສາຫະກຳເບົາ,ຊື້ຈາກຫວຽດນາມຕົ້ນຕໍແມ່ນນ້ຳມັນດິບ ຫີນແຮ່ ຜະລິດຕະພັນກະສິກຳ,ໃນຫຼາຍປີມານີ້,ມູນຄ່າການຄ້າຊາວແດນຂອງສອງປະເທດສະເລ່ຍຕໍ່ປີປະມານ 400 ລ້ານໂດລາສະຫະລັດ.
ນັບມາຮອດທ້າຍປີ 2002 ,ໂຄງການທີ່ຈີນລົງທຶນຢູ່ຫວຽດນາມລວມມີ 233 ໂຄງການ,ມູນຄ່າໃນສັນຍາລື່ນກາຍ 370 ລ້ານໂດລາສະຫະລັດ,ການລົງທຶນຕົ້ນຕໍຢູ່ນຳຂະແຫນງການປະກອບເຄື່ອງໄຟຟ້າກົນຈັກ,ການປຸງແຕ່ງເຄື່ອງກິນ ອະສັງຫາລິມະຊັບເປັນຕົ້ນ,ໃນປີ 2002, ການລົງທຶນໂດຍກົງຂອງຈີນຢູ່ຫວຽດນາມໄດ້ເພີ່ມຫຼາຍຂຶ້ນ,ໂຄງການທີ່ຮັບອະນຸມັດໃຫມ່ມີ 60 ໂຄງການ,ມູນຄ່າໃນສັນຍາ 70 ລ້ານ 8 ແສນ 3 ຫມື່ນໂດລາສະຫະລັດ,ເພີ່ມຂຶ້ນຫຼາຍກວ່າປີ 2001 39,5% ຫາ 17%.ຈຳນວນໂຄງການແລະມູນຄ່າໃນສັນຍາຕ່າງເປັນທີ 3 ແລະລະດັບທີ 7 ຂອງບັນດາປະເທດແລະເຂດແຄວ້ນໃນໂລກທີ່ລົງທຶນຢູ່ຫວຽດນາມ.ນອກນີ້,ແຕ່ປີ 1991 ມານີ້,ຈີນ ຫວຽດນາມໄດ້ເຊັນຂໍ້ຜູກພັນທີ່ຮັບເຫມົາໂຄງການ ການຮ່ວມມືດ້ານແຮງງານແລະທີ່ປືກສາອອກແບບລວມ 2700 ສະບັບ,ມູນຄ່າໃນຂໍ້ຜູກພັນລື່ນກາຍ 1 ຕື້ 400 ລ້ານໂດລາສະຫະລັດ.
ໃນຫຼາຍປີມານນີ້,ຈີນ ຫວຽດ ໄດ້ເຊັນສັນຍາເສດຖະກິດການຄ້າທີ່ກ່ຽວຂ້ອງມີດັ່ງນນີ້:ສັນຍາການຄ້າ(ວັນທີ 7 ພະຈິກ ປີ 1991)ສັນຍາການຮ່ວມມືເສດຖະກິດ( ວັນທີ 14 ກຸມພາ ປີ 1992 ) ສັນຍາສົ່ງເສີມແລະປົກປ້ອງການລົງທຶນ(ວັນທີ 2 ທັນວາ ປີ 1992 ),ສັນຍາກ່ຽວກັບການງົບບັນຊີແລະການຮ່ວມມືລະຫວ່າງທະນາຄານປະຊາຊົນຈີນກັບທະນາຄານແຫ່ງຊາດຫວຽດນາມ (ວັນທີ 26 ພຶດສະພາ ປີ 1993 )ສັນຍາກ່ຽວກັບສິນຄ້າຂ້າມແດນ (ວັນທີ 9 ເມສາ ປີ 1994) ສັນຍາການຮ່ວມມືກ່ຽວກັບຮັບປະກັນຄຸນນະພາບສິນຄ້າຂາເຂົ້າຂາອອກແລະຮັບຮອງເຊິ່ງກັນແລະກັນ(ວັນທີ 22 ພະຈິກ ປີ 1994 ) ສັນຍາກ່ຽວກັບສ້າງຕັ້ງຄະນະກຳມາທິການຮ່ວມມືເສດຖະກິດການຄ້າ (ວັນທີ 22 ພະຈິກ ປີ 1994 )ສັນຍາກ່ຽວກັບຫຼີກເວັ້ນເກັບພາສີຊ້ອນກັນແລະປ້ອງກັນບໍ່ໃຫ້ຫນີພາສີ (ວັນທີ 17 ພຶດສະພາ ປີ 1995 ) ສັນຍາການຄ້າຊາຍແດນ(ວັນທີ 19 ຕຸລາ ປີ 1998 )
|
|
|
