|
 ປີ 2005 ແມ່ນປີລະລຶກການແຕ່ງມະຫາກາບກອນເຈົ້າເກີຊາ ວິລະຊົນຜູ່ຍິ່ງໃຫຍ່ຂອງປະຊາຊົນເຜົ່າຕິເບດຄົບຮອບ 50 ປີທີ່ອົງການຢູເນັສໂກ ສະຫະປະຊາຊາດກຳນົດໄວ້.
ມະຫາກາບຊີວະປະຫວັດເຈົ້າເກີຊາແມ່ນມະຫາກາບປະຫວັດຂອງວິລະຊົນເຜົ່າຕິເບດ ແລະກໍແມ່ນກາບເລົ່າເລື່ອງທີ່ຍາວກວ່າຫມູ່ໃນໂລກ ປັດຈຸບັນ ເຜົ່າລືກັນຢູ່ເຂດຕິເບດຫຼາຍກວ່າຫມູ່ ຍັງເຜີຍແຜ່ຢູ່ໃນເຜົ່າມົງໂກນ ເຜົ່າຖູ ເຜົ່າ ເຜົ່ານາຊີແລະບາງເຂດໃນປະເທດບູຕານແລະເນປານເປັນຕົ້ນ.
 ຊີວະປະຫວັດເຈົ້າເກີຊາແມ່ນມະຫາກາບວີວະປະຫວັດວິລະຊົນທີ່ບໍ່ເສົ້າ ສູນສິ້ນ ເລື່ອງຫນຶ່ງທີ່ປະຊາຊົນເຜົ່າຕິເບດຂອງຈີນແຕ່ງຂຶ້ນຕາມວັນນະຄະດີພື້ນເມືອງເຊັ່ນ ເທບນິຍາຍສະໄຫມບູຮານ ນິທານປະລຳປະລາ ກາບກອນແລະຄຳພັງເພີຍເປັນຕົ້ນ,ຕາງຫນ້າໃຫ້ແກ່ຜົນສຳເລັດສູງສຸດຂອງວັດທະນະທຳເຜົ່າຕິເບດໃນສະໄຫມບູຮານ.ແມ່ນສາລານຸກົມຄົບຊຸດສຳລັບຄົ້ນຄວ້າບັນຫາຕ່າງໆເຊັ່ນ:ປະຫວັດສາດສັງຄົມ ການພົວພັນຊົນຊັ້ນ ການໄປມາຫາສູ່ກັນລະຫວ່າງຊົນເຜົ່າ ທັດສະນະຈະລິຍະທຳແລະຮີດຄອງປະເພນີຂອງເຜົ່າຕິເບດສະໄຫມບູຮານ,ພ້ອມກັນນັ້ນ ກໍແມ່ນປະຫວັດສາດເຜົ່າຕິເບດບູຮານທີ່ເປັນໂຕຢົ້ງໆ ຖືກຍ້ອງເປັນມະຫາກາບຂອງຝ່າຍຕາເວັນອອກ
ມະຫາກາບຊີວະປະຫວັດເຈົ້າເກີຊາແມ່ນສິລະປະຄະດີຍອດຢ້ຽມທີ່ພີ່ນ້ອງຮ່ວມຊາດເຜົ່າຕິເບດປະເທດເຮົາທຸກເຊັ່ນຄົນເປັນຜູ່ແຕ່ງ.ມະຫາກາບນີ້ 100 ກວ່າເຫັຼ້ມ ຫນຶ່ງລ້ານກວ່າແຖວ,ຕອນສຳຄັນມີປະມານ 30 ກວ່າເຫຼັ້ມ ມະຫາກາບເລື່ອງນີ້ໄດ້ບັນລະຍາຍຄຸນງາມຄວາມດີອັນຍິ່ງໃຫຍ່ໃນຕະຫຼອດຊີວິດຂອງເຈົ້າເກີຊາເທບພະບຸດອົງຫນຶ່ງ ,ຍ້ອນພວກຜີສາງມານຮ້າຍກໍກຳທຳເຂັນໃນເມືອງຄົນ ທຳຮ້າຍໄພຟ້າລາສະດອນ,ສະນັ້ນ ເພິ່ນຈຶ່ງລົງມາເກີດໃນຄອບຄົວທຸກຍາກ,ໃນເວລາເພິ່ນອາຍຸ15 ປີ ເພິ່ນໄດ້ເຂົ້າຮ່ວມຊ່ວງນມ້າ ແລ້ວໄດ້ຮັບໄຊຊະນະ ກາຍເປັນເຈົ້າຊີວິດຂອງເມືອງຫຼິງ.ພາຍຫຼັງມາ ໄດ້ເລີ່ມປາບມານຮ້າຍຕ່າງໆ ຕ້ານຢັນຂ້າເສິກທີ່ມາ,ໃນທີ່ສຸດໄດ້ຕີເຂົ້າຫມໍ້ນາຣົກຕໍ່ສູ້ກັບຈ່າຍົມພິບານ,ປົດປ່ອຍກອບກູ້ເອົາຜູ່ຖືກທໍລະມານທັງຫຼາຍອອກ ຈາກຫມໍ້ນາຣົກ,ຫຼັງຈາກເພິ່ນໄດ້ສຳເລັດພາລະກິດອັນຍິ່ງໃຫຍ່ແລ້ວ ກໍ່ຂຶ້ນເມືອເມືອງສະຫວັນຄືນໃຫມ່.ໃນມະຫາກາບສອດຮ້ອຍໄປດ້ວຍແນວຄຶດປາບມານຮ້າຍແລະຄົນຊົ່ວ ປ້ອງກັນຮັກສາປະຊາຊົນ ຄັດຄ້ານແນວຄິດຮຸກຮານ, ໃນເລື່ອງນີ້ມີພາບອັນໃຫຍ່ໂຕມະໂຫລານ ມີຈິນຕະນາການອຸດົມສົມບູນ ຈັບຈຶດຈັບໃຈຄົນ ພາສາກໍມ່ວນຫນ້າຟັງແລະເຕັມໄປດ້ວຍຄວາມຫມາຍອັນດີງາມ
1 2
|
