|
ວັນນະໂຣກຍັງຄົງຂົ່ມຂູ່ສຸຂະພາບຂອງປະຊາກອນຂອງພາກພື້ນອາຊີປາຊີຟິກຢ່າງໜັກໜ່ວງ
cri
Author: MO
ຕາມຂ່າວສານຊີນຮວາ: ວັນທີ 22 ມີນາ, ອົງການອະນາໄມໂລກສາຂາພາກພື້ນປາຊີຟີກຕາເວັນຕົກກ່າວວ່າ, ວັນນະໂຣກຍັງຄົງຂົ່ມຂູ່ສຸຂະພາບຂອງປະຊາກອນນັບເປັນລ້ານຄົນຂອງພາກພື້ນອາຊີປາຊີຟິກຢ່າງໜັກໜ່ວງ, ແຕ່ລະປີ, ໃນພາກພື້ນແຫ່ງນີ້ມີ 2 ລ້ານຄົນຕິດເຊື້ອວັນນະໂຣກ, ໃນນັ້ນ, ມີເຄີ່ງໜຶ່ງບໍ່ສາມາດຮັບການປິ່ນປົວຢ່າງທັນການ.
ວັນທີ 24 ມີນາ, ກ່ອນວັນປ້ອງກັນວັນນະໂຣກຂອງໂລກວຽນມາເຖິງນີ້, ອົງການອະນາໄມໂລກເຕືອນໃຫ້ຄົນທັງຫລາຍວ່າ, ວັນນະໂຣກໄດ້ກາຍເປັນພະຍາດຕິດແປດທີ່ມີຜົນຮ້າຍແຮງກວ່າໝູ່ຕໍ່ມວນມະນຸດ, ຄວາມອັນຕະລາຍຂອງມັນແຮງກວ່າໂຣກເອດ, ໃນໜຶ່ງນາທີຈະເຮັດໃຫ້ 4 ຄົນຕາຍໃນຂອບເຂດທົ່ວໂລກ, ພ້ອມກັນນັ້ນ, ຂອບເຂດແຜ່ລາມຂອງມັນມີທ່ວງທ່າຂະຫຍາຍກວ້າງອອກ. ອົງການດັ່ງກ່າວເຫັນວ່າ, ຢູ່ພາກພື້ນອາຊີປາຊີຟິກ, ມວນຊົນມີຄວາມຮັບຮູ້ຕໍ່ຄວາມອັນຕະລາຍຂອງວັນນະໂຣກບໍ່ພຽງພໍ, ການບໍລິການປ້ອງກັນຍັງຄອຍຖ້າດັດແປງໃຫ້ດີຂຶ້ນູ, ວຽກງານຄົ້ນຄວ້າວິທະຍາສາດຕໍ່ພະຍາດດັ່ງກ່າວຍັງຄອຍຖ້າເພີ່ມທະວີຂຶ້ນ.
|
|
