|
|
 |
| (GMT+08:00)
2005-03-23 13:46:08
|
 |
|
ຄວາມເຂົ້າໃຈກັນແລະຕ່າງຝ່າຍຕ່າງມີຜົນປະໂຫຍດລະຫວ່າງຈີນ ອາຊຊຽນໄດ້ຮັບຄວາມຄືບຫນ້າ
cri
Author: sayvanny
ໃນໄລຍະຕົ້ນແຫ່ງການສ້າງສາເຂດການຄ້າເສລີຈີນອາຊຽນ (CAFTA),ຄວາມເຂົ້າໃຈກັນແລະຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບບັນດາປະເທດອາຊຽນໄດ້ມີຄວາມຄືບຫນ້າແລ້ວ.ໂດຍປະເຊີນກັບ ຄວາມຫລາກຫລາຍຢູ່ໃນພາກພື້ນນີ້, ຜູ່ນຳ 11 ປະເທດບໍ່ໄດ້ຖືກຈຳກັດ, ຫາກເລີ່ມຈາກຄວາມຕ້ອງການຕົວຈິງ ແລະເປົ້າຫມາຍຍາວນານແຫ່ງການພັດທະນາເສດຖະກິດ,ໄດ້ທຳການຕົກລົງທາງຍຸດທະສາດສຳຄັນກ່ຽວກັບການສ້າງສາ CAFTA , ຈາກນີ້ເຫັນໄດ້ວ່າ, ກ່ອນອື່ນ,ລັດຖະບານແລະຜູ່ນຳຂອງບັນດາປະເທດໄດ້ມີຄວາມຮັບຮູ້ຄືກັນຄັ້ງປະຫວັດສາດບົນພື້ນຖານເຂົ້າໃຈກັນແລະຕ່າງຝ່າຍຕ່າງມີຜົນປະໂຫຍດ.ພວກຂ້າພະເຈົາໄດ້ເຫັນວ່າ, ລັດ ຖະບານຈີນໄດ້ວາງແລະປະຕິບັດນະໂຍບາຍການຕ່າງປະເທດທີ່ຖືປະເທດໃກ້ຄຽງເປັນເພື່ອນ,ມີໄມຕີຈິດຕໍ່ປະເທດໃກ້ຄຽງແລະເປັນບ້ານໃກ້ເຮືອນຄຽງ ທີ່ດີຕໍ່ກັນ,ຢູ່ຮ່ວມກັນກັບປະເທດໃກ້ຄຽງຢ່າງສະຫງົບ, ແລະຮັ່ງມີນຳກັນກັບ ປະເທດໃກ້ຄຽງ; ການຄ້າລະຫວ່າງຈີນກັບອາຊຽນໃນປີ 2003, ຈີນຂາດດຸນ 16,8 ຕື້ໂດລາສະຫະລັດ;ໃນດ້ານການລົງທຶນຢູ່ຕ່າງປະເທດ, ລັດຖະບານຈີນໄດ້ຖືບັນດາປະເທດອາຊຽນເປັນເຂດຈຸດຫນັກທີ່ໃຫ້ວິສາຫະກິດຈີນເຂົ້າສູ່ຕະຫລາດໂລກ.ເດືອນກັນຍາປີ 2004 ປະເທດອາຊຽນເປັນເອກະສັນກັນຮັບຮອງຖານະເສດຖະກິດຕະຫລາດສົມບູນຂອງຈີນ,ໄດ້ລົບລ້າງອຸປະສັກໃຫຍ່ກວ່າຫມູ່ໃຫ້ແກ່ການເຈລະຈາການຄ້າສິນຄ້າ.ທັງຫມົດເຫລົ່ານີ້ລ້ວນແຕ່ ສະແດງຢ່າງຕັ້ງຫນ້າເຖິງຄວາມເຂົ້າກັນເຊິ່ງກັນແລະກັນແລະຊຸກຍູ້ໃຫ້ຕ່າງຝ່າຍຕ່າງມີຜົນປະໂຫຍດ.
ໃນຫລາຍປີມານີ້,ຈີນກັບບັນດາປະເທດອາຊຽນ, ໄດ້ຈັດບັນດາກອງປະຊຸມບັນດາພາກສ່ວນລັດຖະບານແລະອົງການຈັດຕັ້ງທີ່ບໍ່ແມ່ນລັດຖະ ບານເຊິ່ງລວມທັງ:ກອງປະຊຸມຮ່ວມມືບັນດາພາກສ່ວນລັດຖະບານ, ກອງປະ ຊຸມຮ່ວມມືລະຫວ່າງສະພາການຄ້າ, ກອງປະຊຸມຮ່ວມມືດ້ານເສດຖະກິດຢູ່ອະນຸພາກພື້ນ,ບັນດາກອງປະຊຸມເວທີປາໄສແລະງານສຳມະນາສາກົນ, ພ້ອມກັບງານຊັກຊວນການລົງທຶນ,ງານສັງສັນຕະຫລາດນັດແລະງານວາງ ສະແດງເປັນຕົ້ນ,ການຈັດການເຄື່ອນໄຫວເຫລົ່ານີ້ໄດ້ຫລາຍກວ່າກ່ອນສ້າງ CAFTA ຢ່າງຫລວງຫລາຍ.ການສ້າງສະພາມົນຕີການຄ້າຈີນອາຊຽນແລະການສ້າງສະພາມົນຕີການຄ້າສອງຕຕໍ່ສອງລະຫວ່າງຈີນກັບບາງປະເທດ ອາຊຽນ,ລ້ວນແຕ່ແມ່ນເພື່ອໃຫ້ວິສາຫະກິດລະຫວ່າງບັນດາປະເທດເພີ່ມຄວາມເຂົ້າໃຈກັນແລະບັນລຸການຕ່າງຝ່າຍຕ່າງມີຜົນປະໂຫຍດ.
ເວົ້າລວມແລ້ວ,ໃນຫລາຍປີມານີ້, ຢູ່ CAFTA, ການແລກປ່ຽນແລະການຮ່ວມມືລະຫວ່າງຈີນກັບບັນດາປະເທດອາຊຽນໃນຂົງເຂດການຄ້າ ການລົງ ທຶນ ການທະນາຄານ ວິທະຍາສາດເຕັກນິກ ກະສິກຳ ການທ່ອງທ່ຽວ ການສຶກສາ ແລະການພັດທະນາຊັບພະຍາກອນມະນຸດເປັນຕົ້ນພວມຂະຫຍາຍ ຕົວຢ່າງຟົດຟື້ນ, ຄ່ອຍໆປະກອບເປັນສະານະພາບດີທີ່ມີຂົງເຂດກວ້າງຫລາຍລະດັບ, ຝ່າຍລັດຖະບານແລະຝ່າຍເອກະຊົນພ້ອມກັນຊຸກຍູ້, ທັງຄ່ອຍໆປະກອບເປັນສະຖາ ນະພາບໃຫມ່ແຫ່ງການຮ່ວມມືໃນພາກພື້ນທີ່ສະເຫມີພາບ ມີຫລາຍເຄົ້າ ເປີດປະຕູແລະຕ່າງຝ່າຍຕ່ງໄດ້ຜົນປະໂຫຍດ.ການຮ່ວມມືລະຫວ່າງຈີນກັບບັນດາປະເທດອາຊຽນໄດ້ກາຍເປັນກຳລັງສຳຄັນທີ່ໃຫ້ອາຊີທີ່ເກົ່າແກ່ຟື້ນຕົວຄືນໃຫມ່ແລະໃຫ້ອາຊີທີ່ຈະເລີນໃຫມ່ໂປໂລຂຶ້ນຢ່າງມີຊີວິດຊີວາ.
|
|
|
