|
ໃນການສ້າງສາ CAFTA, ຄວາມເຂົ້າໃຈກັນແມ່ນພື້ນຖານ, ຕ່າງຝ່າຍຕ່າງມີຜົນປະໂຫຍດແມ່ນພະລັງແມ່ແຮງ
cri
Author: sayvanny
ເຂດການຄ້າເສລີຈີນອາຊຽນ(CAFTA)ເຮັດໃຫ້ການພົວພັນເສດຖະກິດລະຫວ່າງຈີນກັບບັນດາປະເທດອາຊຽນໄດ້ມີການຂະຫຍາຍຕົວຢ່າງແຫນ້ນແຟ້ນທີ່ບໍ່ເຄີຍມີມາກ່ອນໃນປະຫວັດສາດ,ຜ່ານການເປີດຕະຫລາດ,ເສດຖະ ກິດລະຫວ່າງສອງຝ່າຍນັບມື້ນັບເຊື່ອມໂຍງເຂົ້າແລະຕ່າງອີງອາໃສກັນຢ່າງແຫນ້ນແຟ້ນກວ່າເກົ່າ,ເຮັດໃຫ້ຜົນປະໂຫຍດເສດຖະກິດຮ່ວມພົ້ນເດັ່ນອອກ. ພ້ອມກັນນັ້ນ,ຈີນກັບອາຊຽນກໍ່ຕ້ອງປະເຊີນກັບສະພາບຕົວຈິງດັ່ງລຸ່ມນີ້:ຄື ໃນພາກພື້ນນີ້ 11 ປະເທດມີລະບອບການເມືອງເສດຖະກິດ ການເຊື່ອຖືສາສະ ຫນາວັດທະນະທຳແລະລະດັບພັດທະນາເສດຖະກິດຕ່າງກັນ, ເຮັດແນວໃດຈິ່ງຮ່ວມມືກັນໄດ້ໃຕ້ສະພາບຕົວຈິງດັ່ງກ່າວ? ອາດເວົ້າໄດ້ວ່າ, ການສ້າງສາ CAFTA ໄດ້ຈັດເອົາຄວາມເຂົ້າໃຈກັນແລະໃຫ້ຕ່າງຝ່າຍຕ່າງມີຜົນປະໂຫຍດເຂົ້າສູ່ວາລະປະຊຸມ.ຄວາມເຂົ້າໃຈກັນແລະຕ່າງຝ່າຍຕ່າງມີຜົນປະໂຫຍດໄດ້ກະທົບກະເທື່ອນຈົນວ່າຊີ້ຂາດການສ້າງສາ CAFTA ໃນຕໍ່ໄປພາຍຫນ້າ ແລະການບັນລຸເປົ້າຫມາຍທີ່ຄາດໄວ້ໂດຍກົງແລ້ວ.
ຄົນທັງຫລາຍດີໃຈທີ່ໄດ້ເຫັນວ່າ, ຈາກການສະເຫນີການສ້າງສາ CAFTA ຈົນຮອດການປະຕິບັດແຜນການໄດ້ຜົນໃນໄລຍະຕົ້ນ,ເວົ້າລວມແລ້ວແມ່ນຂ້ອນຂ້າງສະດວກ,ພ້ອມກັນນັ້ນກໍ່ຄວນຮັບຮູ້ຢ່າງມີສະຫມອງເຢັນ ວ່າ, ການສ້າງສາເຂດການຄ້າເສລີໃຫຍ່ໂຕ ເຊິ່ງອາດຖືກຖືເປັນອົງກອນເສດຖະກິດໃຫຍ່ທີສາມໃນໂລກໃນອະນາຄົດ,ແມ່ນສັບສົນທີ່ສຸດແລະຫນັກຫນ່ວງຫລາຍ,ຈີນກັບອາຊຽນກຳລັງແລະຈະປະເຊີນກັບສະພາບໃຫມ່ ບັນຫາໃຫມ່ແລະການປ່ຽນແປງໃຫມ່ຢູ່ພາຍໃນແລະຢູ່ນອກພາກພື້ນນີ້, ສະນັ້ນ, ຕ້ອງການຈີນກັບອາຊຽນເພີ່ມຄວາມໄວ້ເນື້ອເຊື່ອໃຈກັນ ຄວາມເຂົ້າໃຈກັນແລະແລກປ່ຽນກັນເປັນພິເສດ, ເພື່ອເຮັດໃຫ້ມີຄວາມຫມັ້ນໃຈໃນການຮ່ວມມືຫລາຍຂຶ້ນ,ພ້ອມກັນແກ້ໄຂບັນຫາຍາກໃນການຮ່ວມມື, ອອກແຮງຍົກສະ ມັດຖະພາບການຮ່ວມມືໃຫ້ສູງຂຶ້ນ, ບັນລຸເປົ້າຫມາຍທີ່ຕ່າງຝ່າຍຕ່າງມີຜົນປະໂຫຍດ.ເມື່ອໄດ້ຜົນປະໂຫຍດແລ້ວກໍ່ຈະຮັກແພງກັນ,ເມື່ອທຳລາຍຜົນປະໂຫຍດເຊິ່ງກັນແລະກັນແລ້ວກໍ່ຈະຫ່າງເຫີນກັນ.ມີແຕ່ອຳນວຍຄວາມສະດວກແກ່ກັນຕ່າງຝ່າຍຕ່າງມີຜົນປະໂຫຍດແລ້ວ, ການພົວພັນລະຫວ່າງສອງຝ່າຍຈິ່ງຫມັ້ນຄົງຖາວອນໄດ້.
CAFTA ແມ່ນເຮັດໃຫ້ສອງຕະຫລາດຄື ຈີນກັບອາຊຽນເຊື່ອມໂຍງເຂົ້າເປັນຕະຫລາດໃຫຍ່ທີ່ເປັນເອກະພາບ,ອັດຕະພາບຂອງຕະຫລາດແມ່ນວິສາຫະກິດ. ການສ້າງສາ CAFTA ກໍ່ຕ້ອງສ່ອງແສງເຖິງການພັດທະນາຂອງວິສາຫະກິດ.ສະນັ້ນ, ຄວາມເຂົ້າໃຈກັນແລະຕ່າງຝ່າຍຕ່າງມີຜົນປະໂຫຍດ ຂອງວິສາຫະກິດຂອງສອງຝ່າຍແມ່ນສຳຄັນທີ່ສຸດ. ວິສາຫະກິດຈີນແລະວິສາຫະກິດອາຊຽນບໍ່ແມ່ນຄູ່ການຄ້າຕົ້ນຕໍໃນເວລາດົນນານມານີ້, ປະຈຸບັນ, ລະດັບຄວາມເຂົ້າໃຈກັນລະຫວ່າງວິສາຫະກິດກັບຄວາມຕ້ອງການຂອງການສ້າງສາ CAFTA ຍັງໂຕນກັນຫລາຍ.ເຖິງວ່າດຽວນີ້ວິສາຫະກິດນັບມື້ນັບຫລາຍໄດ້ຮັບຮອງວ່າ ການສ້າງສາ CAFTA ຈະນຳເອົາໂອກາດໃຫມ່,ແຕ່ຈະສັງເກດເບິ່ງການປ່ຽນແປງໃຫມ່ແລະການທ້າທາຍໃຫມ່ແນວໃດ, ຫັນການສ້າງສາ CAFTA ເປັນການພັດທະນາໃຫມ່ຂອງວິສາຫະກິດເອງແນວໃດນັ້ນ,ຍັງຄົງແມ່ນບັນຫາທີ່ຕ້ອງພິຈາລະນາແລະແກ້ໄຂໃຫ້ຕົກ,ນີ້ກໍ່ຕ້ອງການຈີນກັບອາຊຽນແລກປ່ຽນຄຳຄິດຄຳເຫັນກັນ, ຫາລືກັນເພື່ອຊອກຫາຊ່ອງທາງດີທີ່ສຸດໃຫ້ຕ່າງຝ່າຍຕ່າງໄດ້ຮັບຜົນປະ ໂຫຍດ.
|
|
