|
ວັນທີ 22 ມີນາ, ກອງປະຊຸມສຸດຍອດສັນນິບາດປະເທດອາລັບຄັ້ງທີ 17 ໄດ້ໄຂຂຶ້ນຢູ່ ອານເຊ ນະຄອນຫຼວງຂອງອານເຊລີ, ປະມຸກລັດຫຼືຜູ່ຕາງໜ້າປະມຸກລັດທີ່ມາຈາກ 22 ປະເທດສະມາຊິກໄດ້ເຂົ້າຮ່ວມກອງປະຊຸມ.
ສັນນິບາດປະເທດອາລັບແມ່ນອົງການທີ່ມີ ລັກສະນະຕົວແທນແລະມີອິທິພົນທີ່ສຸດຂອງໂລກອາລັບ, ກໍຄືອົງການໜຶ່ງໃນອົງການພາກພື້ນທີ່ສ້າງຕັ້ງຂຶ້ນກ່ອນ ໝູ່ໃນໂລກ.
ວັນທີ 22 ມີນາປີ 1945, ຍ້ອນມີເອຢິບເປັນຜູ່ລີເລີ່ມ, ຜູ່ແທນ 7 ປະເທດອາລັບເຊັ່ນ: ເອຢິບ ຊີເລຍ ອີຣັກ ລີບັງ ອາລາບີຊາອູດິດ ອີເອເມນແລະ ຊອກດານີໄດ້ຈັດກອງປະຊຸມຢູ່ເລີແກ ນະຄອນຫຼວງເອຢິບ, ໄດ້ຜ່ານ"ກົດບັດສັນນິບາດປະເທດອາລັບ" ປະກາດວ່າສັນນິບາດປະເທດອາລັບໄດ້ສ້າງຕັ້ງຂຶ້ນຢ່າງເປັນທາງການ, ສຳນັກງານໃຫຍ່ຂອງມັນຕັ້ງຢູ່ ເລີແກ.
ວັດຖຸປະສົງຂອງສັນນິບາດປະເທດອາລັບແມ່ນ: ຮັດແໜ້ນການພົວພັນຮ່ວມມືກັນລະຫວ່າງປະເທດສະມາຊິກ, ປະສານງານການເຄື່ອນໄຫວການເມືອງລະຫວ່າງປະເທດສະມາຊິກ, ປົກປັກຮັກສາເອກະລາດແລະອະທິປະໄຕຂອງປະເທດອາລັບ, ພິຈາລະນາວຽກງານແລະຜົນປະໂຫຍດຂອງປະເທດອາລັບຢ່າງຮອບດ້ານ, ປະເທດສະມາຊິກຮ່ວມມືຢ່າງແໜ້ນແຟ້ນໃນດ້ານຕ່າງໆເຊັ່ນເສດຖະກິດ ການເງິນ ຄົມມະນາຄົມ ວັນທະນະທຳ ສາທາລະນະສຸກ ສະຫວັດດີການສັງຄົມ ສັນຊາດ ປາສປໍ ການວີຊາ ການປະຕິບັດຕັດສິນແລະສົ່ງນັກໂທດຄືນໃຫ້ເປັນຕົ້ນ; ປະເທດສະມາຊິກຄວນຕ່າງເຄົາລົບລະບອບການເມືອງຂອງກັນ, ຫ້າມບໍ່ໃຫ້ແກ້ໄຂການວິວາດກັນດ້ວຍກຳລັງອາວຸດ, ສັນທິສັນຍາແລະສັນຍາທີ່ປະເທດສະມາຊິກເຊັນກັນກັບປະເທດອື່ນໆຜູກມັດປະເທດສະມາຊິກອື່ນໆ.
ກອງປະຊຸມສຸດຍອດສັນນິບາດປະເທດອາລັບແມ່ນກອງປະຊຸມຂັ້ນສູງສຸດຂອງສັນນິບາດປະເທດອາລັບປະເທດອາລັບ, ໂດຍຕົ້ນຕໍຫາລືບັນຫາສຳຄັນຂອງພາກພື້ນ. ແຕ່ສັນນິບາດປະເທດອາລັບສ້າງຕັ້ງຂຶ້ນເປັນຕົ້ນມາ, ໄດ້ຈັດກອງປະຊຸມສຸດຍອດ 16 ຄັ້ງແລະກອງປະຊຸມສຸດຍອດວິສາມັນ 11 ຄັ້ງ.
ກອງປະຊຸມສຸດຍອດຄັ້ງທຳອິດໄດ້ຈັດຂຶ້ນທີ່ເລີແກເມື່ອ ເດືອນມັງກອນ ປີ 1964. ໃນກອງປະຊຸມສຸດຍອດຄັ້ງທີ 9 ທີ່ຈັດຂຶ້ນເມື່ອປີ 1978, ສັນນິບາດປະເທດອາລັບຕົກລົງຈັດກອງປະຊຸມສຸດຍອດໃນເດືອນພະຈິກທຸກປີ, ພ້ອມທັງສາມາດຈັດກອງປະຊຸມສຸດຍອດວິສາມັນຕາມຄວາມຮຽກຮ້ອງຂອງປະເທດສະມາຊິກ. ແຕ່ຍ້ອນພາຍໃນປະເທດອາລັບມີຄວາມເຫັນຂັດກັນ , ກອງປະຊຸມສຸດຍອດບໍ່ໄດ້ຈັດຂຶ້ນແຕ່ປີ 1982ຫາປີ 2000. ເດືອນຕຸລາປີ 2000, ປະເທດອາລັບໄດ້ຈັດກອງປະຊຸມສຸດຍອດວິສາມັນທີ່ເລີແກ. ກຳນົດກົນໄກທີ່ຈັດການພົບປະລະຫວ່າງຜູ່ນຳສຸດຍອດປີລະເທື່ອໜຶ່ງ, ພ້ອມທັງຈັດເອົາກົນໄກດັ່ງກ່າວເຂົ້າໃນ" ກົດບັດສັນນິບາດປະເທດອາລັບ" ໃນງານເປັນຂໍ້ດັດແກ້
|
