|
ໂລກຍ່ຽວຫວານແມ່ນພະຍາດຊະນິດຫນຶ່ງທີ່ຄຸກຄາມສຸກຂະພາບຂອງມະນຸດເຮົາໃນປະຈຸບັນ,ມັນສາມາດເຮັດໃຫ້ຜູ່ກ່ຽວຕາບອດກ້າມເນື້ອ,ແຂນຂາຕາຍດ້ານແລະເກີດພະຍາດອື່ນໆຂຶ້ນທົ່ວໂຕຄືສາຍເລືອດແດງໃນສະຫມອງດ້ານ,ພະຍາດສາຍເລືອດຫົວໃຈແລະພະຍາດຫມາກໄຂ່ຫລັງເປັນຕົ້ນ.ຊີວິດຢ່າງຮ້າຍແຮງ.
ອັນວ່າໂລກຍ່ຽວຫວານມັນແມ່ນໂລກແນວໃດ?ມັນມີອາການແນວແດ່,ຄົນເຮົາເປັນຫຍັງຈິ່ງເປັນໂລກຍ່ຽວຫວານ? ຄົນແນວໃດຈິ່ງມັກເປັນໂລກຊະນິດນີ້?ແລະຄວນປ້ອງກັນແນວໃດ?ຕໍ່ໄປເຮົາຈະເລົ່າບາງບັນຫາໃນດ້ານນີ້ສູ່ທ່ານຟັງ.
ຄົນເຮົາມີຊີວິດຢູ່ໄດ້ໂດຍອາໃສທາດກຼູກົສຄືທາດຫວານທີ່ສະສົມໄວ້ໃນຮ່າງກາຍໄຫມ້ຢ່າງຫມົດສ່ວນແລ້ວກາຍເປັນພະລັງງານໃນຮ່າງກາຍ,ທາດກຼູກົສໃນຮ່າງກາຍຂອງຄົນກໍເຫມືອນກັນນ້ຳມັນແອດຊັງທີ່ໃສ່ໃນເຄື່ອງຈັກລົດຍົນ,ເພື່ອໃຫ້ທາດກຼູກົສກາຍເປັນພະລັງງານຄຸນນະພາບດີ,ອະໄວຍະວະມ້ານກໍ່ຕ້ອງຜະລິດທາດແອງຊູລິນຢ່າງບໍ່ຢຸດຢັ້ງ,ໃນເວລາທາດແດງຊູລິນສະຫມອງໃຫ້ບໍ່ພຽງພໍຫຼືວ່າບົດບາດຂອງທາດແອງຊູລິນອ່ອນລົງນັ້ນ,ທາດກຼູກົສກໍ່ຈະໄຫມ້ບໍ່ຫມົດສ່ວນໃນເລືອດກໍ່ຈະມີທາດກຼູກົສຫຼາຍຂຶ້ນແລ້ວລະລາຍອອກໄປຕາມຍ່ຽວຢ່າງຫຼວງຫຼາຍ,ອາການແນວນີ້ເພິ່ນເອີ້ນວ່າໂລກຍ່ຽວຫວານ.
ໃນຫົວທີໂລກຍ່ຽວຫວານແມ່ນບໍ່ມີອາການອີຫຍັງເລີຍ,ເມື່ອມັນເປັນແຮງຂຶ້ນເຖິງຂັ້ນໃດຂັ້ນຫນຶ່ງແລ້ວ,ຜູ່ປ່ວຍກໍ່ຈະຮູ້ສຶກຄໍແຫ້ງ,ເມື່ອຄໍແຫ້ງຫຼາຍ,ກໍ່ຈະກິນນ້ຳຫຼາຍ,ແລ້ວກໍ່ຈະໄປຖ່າຍເບົາເລື້ອຍໆແລະຍ່ຽວກໍ່ຫຼາຍຂຶ້ນ,ທາດກຼູກົສໃນຍ່ຽວກໍ່ເພິ່ມຂຶ້ນຢ່າງໄວວາແລະຍ່ຽວຝອດຫຼາຍ,ກິນໄດ້ຫຼາຍແຕ່ຫິວໄວກິນດຸແລະມັກກິນແຕ່ຂອງຫວານ,ແຕ່ເຖິງວ່າກິນຫຼາຍປານໃດ,ນ້ຳຫນັກກໍ່ບໍ່ຂຶ້ນ,ກົງກັນຂ້າມພັດຈ່ອຍຜອມລົງຊ້ຳ,ແລະຍັງອ່ອນເພຍບໍ່ມີເຫື່ອມີແຮງ.ຂາດກຳລັງວັງຊາ,ເກີດຄວາມຂີ້ຄ້ານນຳວຽກນຳງານ,ນອກນີ້ຍັງມັກເປັນຕຸ່ມເປັນຝີ,ຕີນມືມືນຊາ,ເສັ້ນປະສາດເຈັບປວດນານເຊົາຕາກໍ່ມົວນຳອີກ.
ໂລກຍ່ຽວຫວານມີສອງປະເພດ,ປະເພດທີຫນຶ່ງ ແມ່ນຕົ້ນພະຍາດທີ່ເປັນຂຶ້ນຍ້ອນມີເຊື້ອກຳມະພັນປະເພດທີສອງແມ່ນເກີດຂຶ້ນຍ້ອນໂລກອື່ນໆ.
ຜູ່ເປັນໂລກຍ່ຽວຫວານມີ 95% ແມ່ນຕົ້ນພະຍາດ,ໂລກຍ່ຽວຫວານແມ່ນອາດສືບເຊື້ອ,ກຳະພັນກັນໄດ້,ສະນັ້ນ,ຜູ່ມີເຊື້ອກຳມະພັນໂລກຍ່ຽວຫວານ,ຕ້ອງລະວັງຢ່າໃຫ້ມີສະພາບດັ່ງລຸ່ມນີ້ຄື:ເກີດຂຶ້ນອ້ວນເກີນໄປ,ກິນຫຼາຍໂພດ,ຖືພາຖີ່ໂພດ,ຈິດໃຈຕຶງຄຽດ,ເປັນພະຍາດຕິດແປດເປັນຕົ້ນ,ຖ້າມີອາການເຫຼົ່ານີ້ມັກພາໃຫ້ເປັນໂລກຍ່ຽວຫວານ.
ພະຍາດທີ່ມັກພາໃຫ້ເກີດໂລກຍ່ຽວຫວານນັ້ນມີພະຍາດຕັບແຂງ ສະມັດທະພາບຕ່ອມຄໍແຮງຜິດປົກກະຕິ,ຮອກໂມນໃນຕ່ອມຫມາກໄຂ່ຫລັງ ເຫຼືອເຟືອແລະອື່ນໆ.
ໂລກຍ່ຽວຫວານແມ່ນໂລກອັນຕະລາຍ,ຍ້ອນທາດກຼູກົສໃນຮ່າງກາຍບໍ່ໄດ້ຖືກນຳໃຊ້ເປັນຢ່າງດີ,ແລ້ວພາໃຫ້ທາດໄຂມັນ ທາດໂປຼຕິນແລະນ້ຳເປັນຕົ້ນບໍ່ໄດ້ນຳໃຊ້ເປັນຢ່າງດີຄືກັນ,ຖ້າບໍ່ປົວ,ປະໃຫ້ມັນເປັນໄປແລ້ວ,ກາໂລລີໃນຮ່າງກາຍກໍ່ຈະນັບມື້ນັບບໍ່ພຽງພໍຂາດເຂີນ,ແຮງກາຍກໍ່ຈະຄ່ອຍໆຫມົດໄປ,ໃນທີ່ສຸດກໍ່ຈະມີອາການສະຫຼົບແລ້ວຕາຍໄປ.
ຄັນຊັ້ນ,ຄົນປະເທດໃດຈິ່ງມັກເປັນໂລກຍ່ຽວຫວານ?ຜູ່ມັກເປັນໂລກຍ່ຽວຫວານມີດັ່ງນີ້ຄື:ຜູ່ທີ່ຄົນໃນຄອບຄົວເຄີຍເປັນໂລກຍ່ຽວຫວານ,ຄົນອ້ວນພິ ຄົນທີ່ມັກກິນດື່ມຫຼາຍໂພດ,ຄົນທີ່ຈິດໃຈຕຶງຄຽດຍາວນານ,ຄົນທີ່ເຄີຍເກີດລູກມີນ້ຳຫນັກເກີນສ່ວນແລະອື່ນໆ.
ສະນັ້ນ,ຜູ່ທີ່ມີເຊື້ອສາຍເຄີຍເປັນຍ່ຽວຫວານກ່ອນອື່ນຕ້ອງຮູ້ວ່າຕົນອາດເປັນໂລກຍ່ຽວຫວານໄດ້ງ່າຍ,ຈິ່ງຕ້ອງເອົາໃຈໃສ່ເປັນພິເສດຢ່າໃຫ້ມີປັດໃຈທີ່ພາໃຫ້ເກີດໂລກຍ່ຽວຫວານເກີດຂຶ້ນນັ້ນ,ແຕ່ກໍບໍ່ແມ່ນວ່າ,ຜູ່ທີ່ມີເຊື້ອກຳເປັນໂລກຍ່ຽວຫວານນັ້ນ,ຈະເປັນໂລກນີ້ຫມົດທີ່ວ່າທຸກຄົນດອກ.ແລະຜູ່ທີ່ໃນເຊື້ອສາຍບໍ່ເຄີຍມີ,ໃຜເປັນໂລກນີ້ນັ້ນ,ກໍ່ບໍ່ແມ່ນຮັບປະກັນບໍ່ເປັນໂລກດັ່ງກ່າວນີ້ໄດ້.ສຳຄັນທີ່ສຸດແມ່ນຕ້ອງພະຍາຍາມຫຼີກເວັ້ນບໍ່ໃຫ້ສາເຫດທີ່ພາໃຫ້ເປັນໂລກດັ່ງກ່າວເກີດຂຶ້ນ,ຄືຄວາມອ້ວນພິ,ກິນດື່ມຫຼາຍໂພດ,ຖືພາດຸໆ ຈິດໃຈຕຶງຄຽດແລະອື່ນໆ.
ສຳລັບຜູ່ເປັນໂລກຍ່ຽວຫວານອັນສຳຄັນກວ່າເພິ່ນແມ່ນຕ້ອງຄວບຄຸມທາດກຼູກົສໃນເລືອດໃຕ້ການຊີ້ນຳຂອງທ່ານຫມໍ ວິທີພື້ນຖານໃນການປົວໂລກຍ່ຽວຫວານແມ່ນວິທີປົວດ້ວຍອາຫານການກິນ,ຄົນຄະລຳອາຫານການກິນບໍ່ໄດ້ແລ້ວ,ອາການປ່ວຍແມ່ນຈະຕ້ອງຫນັກເຂົ້າໂລດ.
ຜູ່ເປັນໂລກຍ່ຽວຫວານບໍ່ຄວນກິນນ້ຳຕານແລະອາຫານທີ່ມີທາດຫວານຫຼາຍ,ແລະບໍ່ຄວນກິນອາຫານທາດໂປຼຕີນທີ່ມີກໍເລັສເຕລອນຫຼາຍ,ຄື:ເຄື່ອງໃນແລະສະຫມອງຂອງສັດລ້ຽງເປັນຕົ້ນ,ຕ້ອງກິນຜັກແລະຫມາກໄມ້ທີ່ທາດຫວານຫນ້ອຍນັ້ນໃຫ້ຫຼາຍ
ເພື່ອຕື່ມວີຕາມິນ ເກືອອະອິນຊີ ຈຸນລະສານແລະທາດໄຍ ນອກນີ້,ທ່ານອາດຈະຍັງຈື່ໄດ້ວ່າ,ພວກເຮົາເຄີຍສະເຫນີມາແລ້ວວ່າ,ຫມາກອຶມີບົດບາດໃນການລົງທາດຫວານໃນເລືອດແລະປ້ອງກັນໂລກຍ່ຽວຫວານ,ກິນຫມາກອຶເລື້ອຽໆຄຶດວ່າອາດຈະມີຜົນດີຕໍ່ທ່ານທັງຫຼາຍ.
|
