|
ຕາມຂ່າວCRI: ວັນທີ 23 ມີນາ, ກອງປະຊຸມສຸດຍອດສັນນິບາດປະເທດອາລັບຄັ້ງທີ 17 ທີ່ຈັດຂຶ້ນຢູ່ອານເຊເປັນເວລາສອງມື້ໄດ້ອັດລົງ, "ຖະແຫຼງການອານເຊ"ທີ່ປະກາດພາຍຫຼັງກອງປະຊຸມໄດ້ປະຕິເສດຂໍ້ສະເໜີຂອງຊອກດານີກ່ຽວກັບເຮັດໃຫ້ການພົວພັນລະຫວ່າງອາລັບແລະອິສຣາແອນເປັນປົກກະຕິດໂດຍໄວ, ກ່າວລື້ມວ່າຈະສຸນກຳລັງເຂົ້າໃນການປະຕິບັດຕົວຈິງຂໍ້ລີເລີ່ມສັນຕິພາບອາລັບທີ່ກອງປະຊຸມສຸດຍອດເບລຸດປີ 2002 ຮັບຮອງເອົາ. ນັກສັງເກດການເຫັນວ່າ, ຜົນການນີ້ສະແດງໃຫ້ເຫັນວ່າການພົວພັນລະຫວ່າງອາລັບແລະອິສຣາແອນແມ່ນຍາກທີ່ຈະມີການປ່ຽນແປງໃນດ້ານທາດແທ້, ເສັ້ນທາງແຫ່ງຄວາມປອງດອງກັນລະຫວ່າງອາລັບແລະອິສຣາແອນຍັງຍາວຢຽດຫຼາຍ.
ເມື່ອ 3 ປີກ່ອນ, ຕາມຂໍ້ສະເໜີຂອງອາລາບີຊາອູດິດ, ປະເທດອາລັບໄດ້ຮັບຮອງເອົາຂໍ້ລິເລີ່ມສັນຕິພາບອາລັບໃນກອງປະຊຸມສຸດຍອດເບລຸດ, ທວງໃຫ້ອິສຣາແອນປະຕິບັດຕາມມະຕິທີ່ກ່ຽວຂ້ອງຂອງສະຫະປະຊາຊາດ, ຖອນທະຫານອອກຈາກດິນແດນທັງໝົດຂອງອາລັບທີ່ອິສຣາແອນຍຶດຄອງແຕ່ປີ 1967 ມານີ້, ແກ້ໄຂບັນຫາຊາວອົບພະຍົບປາເລັສຕິນຢ່າງທ່ຽງທຳ, ພ້ອມທັງສ້າງປະເທດປາເລັສຕິນທີ່ເອກະລາດເຊິ່ງເອົາເຢລູຊາເລັມເປັນນະຄອນຫຼວງ, ບົນພື້ນຖານໄດ້ຕອບສະໜອງເງື່ອນໄຂດັ່ງກ່າວນັ້ນ, ປະເທດອາລັບເຫັນດີເຊັນສັນຍາສັນຕິພາບກັບອິສຣາແອນ, ເຮັດໃຫ້ການພົວພັນເປັນປົກກະຕິ.
ກ່ອນກອງປະຊຸມສຸດຍອດສັນນິບາດປະເທດອາລັບເທື່ອນີ້, ຊອກດານີໄດ້ວາງຂໍ້ສະເໜີໃໝ່, ໃນນັ້ນເອົາ" ຄຳທີ່ວ່າປະເທດອາລັບຍິນດີກັນການພົວພັນກັບອິສຣາແອນເປັນປົກກະຕິ"ໄວ້ຢູ່ທາງໜ້າຂອງເງື່ອນໄຂທີ່ຝ່າຍອິສຣາແອນຕ້ອງປະຕິບັດ. ແຕ່ຂໍ້ສະເໜີຂໍ້ນີ້ຖືກປາເລັສຕິນ ຊີເລຍແລະ ລີບັງເປັນຕົ້ນຄັດຄ້ານ. ພວກເຂົາເຈົ້າເຫັນວ່າ, ທາດແທ້ຂອງການປະທະກັນລະຫວ່າງອາລັບແລະອິສຣາແອນແມ່ນອິສຣາແອນຍັດເອົາດີນແດນຂອງອາລັບ. ໃນຖານະປັດຈຸບບັນສົ່ງເສີມໃຫ້ປະເທດອາລັບບັນລຸການພົວພັນເປັນປົກກະຕິກັບອິສຣາແອນໄດ້ທຳລາຍຜົນປະໂຫຍດລວມຂອງປະເທດອາລັບ.
ນັກສັງເກດການເຫັນວ່າ, ເຖິງແມ່ນວ່າຂໍ້ສະເໜີສັນຕິພາບທີ່ຊອກດານີສະເໜີໃຫ້ກອງປະຊຸມສຸດຍອດຄັ້ງນີ້ບໍ່ໄດ້ຖືກຮັບເອົາກໍ່ຕາມ, ແຕ່ເລື່ອງນີ້ໄດ້ສ່ອງແສງໃຫ້ກັນເຈຕະນາຂອງໂລກອາລັບທີ່ປັບຍຸດໂທບາຍສູ້ລົບໃນບັນຫາການພົວພັນກັບອິສຣາແອນຢ່າງບໍ່ຢຸດຢັ້ງ, ໃຊ້ເພາຫະນະຄ່ອງແຄ້ວແລະດິດແທດຕົວຈິງກວ່າເກົ່າມາປົກປັກຮັກສາສິດປະໂຫຍດເຊື້ອຊາດອາລັບ.
ການວິວາດກັລະຫວ່າງນອາລັບແລະອິສຣາແອນມີເບື້ອງຫຼັງດ້ານຊົນເຜົ່າປະຫວັດສາດສາສະໜາທີ່ສັບສົນຫຼາຍ, ອັນນີ້ໄດ້ເຮັດໃຫ້ເສັ້ນທາງແຫ່ງຄວາມປອງດອງກັນລະຫວ່າງອາລັບແລະອິສຣາແອນບໍ່ແມ່ນເສັ້ນທາງຮາບພຽງ. ການທົດຖຽງກັນໃນບັນຫາການພົວພັນຂອງປະເທດອາລັບຕໍ່ອິສຣາແອນທີ່ສ່ອງແສງໃຫ້ເຫັນໃນກອງປະຊຸມສຸດຍອດອານເຊເທື່ອນີ້, ສະແດງໃຫ້ເຫັນວ່າກຳລັງອົບອຸ່ນພາຍໃນປະເທດອາລັບພວມເພີ່ມຂຶ້ນຢູ່. ໂລກອາລັບມີແຕ່ສຸນກຳລັງໃສ່ແກ້ໄຂການແກ່ງແຍ່ງກັນ, ເພີ່ມທະວີປອງດອງກັນພາຍໃນ, ເພີ່ມຄວາມແຮງກົນໄກການເຄື່ອນໄຫວເອກະພົບກັນໃນຂອບເຂດສັນນິບາດປະເທດອາລັບ, ຈິ່ງຮັກສາສິດປະໂຫຍດຊອບກົດໝາຍຂອງຊົນເຜົ່າອາລັບຢ່າງມີປະສິດທິຜົນ, ເພີ່ມກຳລັງສັງລວມຂອງປະເທດອາລັບ.
|
