|
ກິນອາຫານບໍ່ຖືກຈະພາໃຫ້ນອນບໍ່ດີ
cri
Author: li
ໃນສັງຄົມປັດຈຸບັນ ຈັງຫວະຊີວິດການເປັນຢູ່ແມ່ນໄວ,ມີກຳລັງກົດໜີບແຮງ,ບວກກັບຜົນສະທ້ອນຂອງຄວາມຊີນເຄີຍທີ່ບໍ່ດີເຊັ່ນຫຼິ້ນເລີ້ນລືງໃນຍາມລາຕີແລະກິນເຫຼົ້າເປັນຕົ້ນ,ໃນໝູ່ຄົນທີ່ມັກນອນບໍ່ດີນັ້ນກໍມີຜູ້ໜຸ່ມຜູ້ນ້ອຍຫຼາຍຂຶ້ນນຳຄູ່ປີ,ແລະສ່ວນຫຼາຍແມ່ນຜູ້ອອກແຮງງານດ້ວຍມັນສະໝອງ. ບັນຫານອນນັບມື້ນັບໄດ້ຮັບຄວາມເອົາໃຈໃສ່.
ຕາມການສຳຫຼວດຂອງອົງການອະນາໄມໂລກ,ໃນທົ່ວໂລກມີຄົນ 27% ມີບັນຫາກ່ຽວກັບການນອນ. ຕາມສະຖິຕິທີ່ບໍ່ແມ່ນທາງການ,ພຽງແຕ່ນະຄອນຊຽງໄຮ້ກໍມີຄົນ 15% ນອນບໍ່ຫຼັບ,ໃນນັ້ນ 56% ແມ່ນຜູ້ຍິງ. ຜູ້ຊ່ຽວຊານດ້ານໂພຊະນາການຊີ້ອອກວ່າ,ການນອນບໍ່ຫຼັບມີຫຼາຍມູນເຫດ,ແຕ່ມີບໍ່ໜ້ອຍແມ່ນຍ້ອນກິນອາຫານທີ່ບໍ່ເໝາະສົມໃນເວລາກ່ອນນອນຫຼືໃນຍາມກາງເວັນ.
ການນອນກັບການກິນມີການພົວພັນຢ່າງແໜ້ນແຟ້ນ. ຖ້າອາຫານຄ່ຳກິນເມືອກມັນຫຼາຍ ທັງກິນຫຼາຍໂພດແລະກິນຫົວຄ່ຳໂພດ,ປະໃຫ້ກະເພາະເປົ່າຫວ່າງໄວ້ດົນຫຼາຍ,ອະໄວຍະວະຕ່າງໆເຊັ່ນກະເພາະ,ລຳໄສ້,ຕັບ,ບີແລະມ້າມຂຸ້ນຂ້ຽວເຮັດວຽກພາຍຫຼັງອາຫານຈະສົ່ງສັນຍານໃຫ້ສະໝອງ,ພາໃຫ້ສະໝອງຊື່ນ,ແລະຂະຫຍາຍໄປຮອດຊັ້ນຜິວຂອງສະໝອງແລະພາກສ່ວນອື່ນໆ,ຈຶ່ງພາໃຫ້ນອນບໍ່ຫຼັບໃນຍາມກາງຄືນ.
ຫຼາຍຄົນຄຶດວ່າກິນເຫຼົ້າຈະພາໃຫ້ຕົນນອນຫຼັບດີ. ແຕ່ເຂົາອາດຈະບໍ່ນຶກເລີຍວ່າກິນເຫຼົ້າຈອກນ້ອຍໆກ່ອນນອນອາດຈະຕື່ນຫຼາຍເທື່ອໃນກາງຄືນ,ຈະເສຍຄຸນນະພາບການນອນຢ່າງໜັກໜ່ວງ,ນີ້ອາດຈະມີການພົວພັນກັບທາດອານໂກນໃນເຫຼົ້າ,ພາໃຫ້ໄລຍະຫຼັບສະໜິດສັ້ນຫຼາຍຫຼືເກືອບບໍ່ມີ. ນີ້ກໍແມ່ນມູນເຫດທີ່ພາໃຫ້ຄົນຂີ້ເຫຼົ້າຕ້ອງເສຍເວລາພິກໄປພິກມາຢູ່ເທິງຕຽງ,ແຕ່ຄຸນນະພາບການນອນພັດບໍ່ດີຈັກເມັດ.
ນອກນີ້ ກິນອາຫານທີ່ພາໃຫ້ມີລົມຫຼາຍເກີນໄປກໍອາດຈະພາໃຫ້ນອນບໍ່ຫຼັບຄືກັນ; ສ່ວນອາຫານເຜັດກໍລົບກວນການນອນ,ອາຫານເຜັດແລະຮຶນເຊັ່ນໝາກເຜັດ,ຜັກທຽມແລະຜັກບົວໃຫຍ່ດິບຈະເຮັດໃຫ້ຮ້ອນທ້ອງແລະອາຫານບໍ່ຍ່ອຍງ່າຍ,ແລ້ວລົບກວນການນອນ. ກິນເຄື່ອງດື່ມຫຼືອາຫານທີ່ມີກາເຟອິນຫຼາຍຍິ່ງແມ່ນມູນເຫດທີ່ພາໃຫ້ນອນບໍ່ຫຼັບ,ໂດຍສະເພາະແມ່ນຄົນທີ່ສະດຸ້ງໄວຕໍ່ກາເຟອິນ,ເຖິງວ່າກິນກາກາວຮ້ອນຈອກໜຶ່ງຫຼັງອາຫານທ່ຽງ ກໍອາດຈະເຮັດໃຫ້ນອນບໍ່ຫຼັບ. ນອກນີ້,ການເຟອິນຍັງມີບົດບາດຂັບຖ່າຍປັດສາວະ,ຈະພາໃຫ້ຕື່ນດຸ,ຈຶ່ງເຮັດໃຫ້ນອນບໍ່ອີ່ມ.
ຄັນຊັ້ນ ກ່ອນນອນຄວນກິນຫຍັງແດ່?
ໜຶ່ງ,ອາຫານຄ່ຳຕ້ອງກິນໜ້ອຍແດ່,ໃຫ້ເລືອກກິນອາຫານທີ່ມີໄຂມັນໜ້ອຍ,ແຕ່ມີໂປຼຕິນແລະຍ່ອຍງ່າຍ,ຕົວຢ່າງຄືປາ,ຊີ້ນໄກ່ຫຼືຊີ້ນໝູທີ່ບໍ່ມັນ. ກິນອາຫານທາດແປ້ງຈັກໜ່ອຍເຊັ່ນເຂົ້າຈ້າວແລະເຂົ້າຈີ່ເປັນຕົ້ນ,ຈະຊ່ອຍລະງັບປະສາດ,ມີຜົນດີສຳລັບຜູ້ນອນບໍ່ຫຼັບ. ຕໍ່ຜູ້ທີ່ຕ້ອງກິນອາຫານເດິກຍ້ອນຕ້ອງເຮັດວຽກການຄືນນັ້ນ,ຄວນເລືອກກິນເບົາທ້ອງ,ອາຫານຈາງ,ມີນ້ຳຫຼາຍແລະຍ່ອຍງ່າຍ. ກິນອາຫານຄ່ຳໃນເວລາ 6 ໂມງແລງ,ນອນໃນເວລາ 10 ໂມງກາງຄືນແມ່ນການຈັດວາງເວລາທີ່ຖືກຫຼັກວິທະຍາສາດກວ່າໝູ່.
ສອງ,ອາຫານຄ່ຳຢ່າກິນອາຫານທີ່ມັກພາໃຫ້ຍື່ງທ້ອງເຊັ່ນໝາກຖົ່ວ,ຜັກກາດຂາວ,ຜັກບົວໃຫຍ່,ໝາກເຜັດໃຫຍ່,ມັນຝຣັ່ງ,ເຂົ້າສາລີ,ໝາກກ້ວຍ,ເຂົ້າຈີ່,ນ້ຳອັດລົມແລະຂອງຫວານເປັນຕົ້ນ.
ສາມ,ໃຫ້ກິນອາຫານທີ່ຊ່ອຍນອນຫຼັບ,ເຊັ່ນນ້ຳນົມງົວ,ໄນ,ໝາກບົວ,ຝຸ່ນໄຂ່ມຸກ,ໝາກທັນພາກໃຕ້ເປັນຕົ້ນທີ່ມີບົດບາດຊ່ອຍໃຫ້ສະຫງົບຈິດ.
|
|
