|
|
 |
| (GMT+08:00)
2005-03-28 18:42:38
|
 |
|
ພາລະກຳແລະຄວາມຫມາຍຂອງສະມາຄົມການຄ້າໃນການສ້າງເຂດການຄ້າເສລີຈີນແລະອາຊຽນ
cri
Author: da
ສະມາຄົມການຄ້າແມ່ນສິ່ງກຳເນີດທີ່ຕ້ອງມີຂຶ້ນເມື່ອການແລກປ່ຽນສິນຄ້າພັດທະນາຮອດໄລຍະອັນແນ່ນອນແລ້ວ,ສະມາຄົມການຄ້າຕ້ອງພັດທະນາໄປຕາມການຂະຫຍາຍຕົວຂອງຍຸກສະໄຫມ,ຈີນແລະປະເທດອາຊຽນລ້ວນແຕ່ມີສະມາຄົມການຄ້າຈຳນວນຫຼວງຫຼາຍ,ສະມາຄົມການຄ້າເຫຼົ່ານີ້ຕ່າງໄດ້ເສີມຂະຫຍາຍບົດບາດໃນຊີວິດເສດຖະກິດຂອງປະເທດໃຜລາວ,ໄດ້ກາຍເປັນຂົວ ແລະສາຍພານ ທີ່ເຊື່ອມຕໍ່ລະຫວ່າງລັດຖະບານກັບວິສາຫະກິດ ລະຫວ່າງວິສາຫະກິດດ້ວຍກັນ ແລະວິສາຫະກິດກັບສັງຄົມ,ຄຽງຄູ່ກັບການສ້າງເຂດການຄ້າເສລີຈີນ ອາຊຽນ,ການແລກປ່ຽນສິນຄ້າກໍໄດ້ປະກົດມີການປ່ຽນແປງແບບໃຫມ່, ຈຶ່ງໄດ້ສະເຫນີເນື້ອໃນແລະຄວາມຮຽກຮ້ອງໃຫມ່ຂອງວຽກງານໃຫ້ແກ່ສະມາຄົມການຄ້າ.
ຂະບວນການສ້າງເຂດການຄ້າເສລີຈີນອາຊຽນກໍແມ່ນຂະບວນການທີ່ ຕະຫຼາດຈີນແລະອາຊີອາຄະເນເຊື່ອມໂຍງເຂົ້າກັນການສະຫນອງກັບຄວາມຕ້ອງການມີການປ່ຽນແປງຫຼາຍຢ່າງ,ສະນັ້ນໃນເວລາວິເຄາະສັງລວມຈຶ່ງຕ້ອງການໃຫ້ສະມາຄົມການຄ້າພະຍາກອນການປ່ຽນແປງດັ່ງກ່າວແບບສະດຸ້ງໄວ,ເພື່ອຊັກນຳວິສາຫະກິດທີ່ເປັນສະມາຊິກບຸກເບີກຕະຫຼາດແລະໄດ້ຮັບການພັດທະນາໃຫມ່ໃນຕະຫຼາດໃຫມ່.
ການສ້າງເຂດການຄ້າເສລີຈີນ ອາຊຽນໄດ້ສະແດງໃຫ້ເຫັນວ່າຈີນແລະ 10 ປະເທດອາຊີອາຄະເນຈະສັບຊ້ອນອົງປະກອບການຜະລິດໃນຂົງເຂດອັນກວ້າງຂວາງກວ່າເກົ່າປັບປຸງຊັບພະຍາກອນແລະເສີມທ່າແຮງ,ທັງນີ້ກໍ່ຕ້ອງການໃຫ້ສະມາຄົມການຄ້າໂດຍສະເພາະແມ່ນສະມາຄົມການຄ້າຂະແຫນງການວິເຄາະຈຸດພິເສດແລະທ່າແຮງຂອງອຸດສາຫະກຳບັນດາປະເທດຢ່າງເອົາຈິງເອົາຈັງ ,ສະເຫນີຄວາມເຫັນເພື່ອໃຫ້ລັດຖະບານແລະວິສາຫະກິດພິຈາລະນາໃນເວລາຕົກລົງບັນຫາໃນຂະບວນການເຈລະຈາສ້າງເຂດການຄ້າເສລີແລະຊຸກຍູ້ໃຫ້ປະກອບເປັນເຂດການຄ້າເສລີ,ລວມທັງວາງແລະປະຕິບັດນະໂຍບາຍເສດຖະກິດການຄ້າໃຫມ່ຈຳນວນຫນຶ່ງ,ລັດຖະບານຈະເກັບກຳຂໍ້ມູນຂ່າວສານຂອງວິສາຫະກິດ ຂໍຄວາມເຫັນຂອງວິສາຫະກິດໂດຍຜ່ານສະມາຄົມການຄ້າ, ມາທຳການຕົກລົງອັນຖືກຕ້ອງແລະປະຕິບັດການຕົກລົງຢ່າງໄດ້ຜົນ.
ໃນການສ້າງເຂດການຄ້າເສລີ,ວິສາຫະກິດໄດ້ຫັນຫນ້າໃສ່ຕະຫຼາດທີ່ມີຜູ່ບໍລິໂພກເຖິງ 1 ຕື້ 800 ລ້ານຄົນດຳເນີນການທຸລະກິດສາກົນໃຫມ່ແລະຮ່ວມມືລົງທຶນໃຫມ່,ທັງນີ້ກໍຕ້ອງການພິເສດໃຫ້ສະມາຄົມການຄ້າສະເຫນີຂໍ້ມູນຂ່າວສານແລະຊ່ອຍພະຍາກອນ,ໃນການແກ່ງແຍ່ງໃນຕະຫຼາດປະຈຸບັນນີ້, ຖ້າອາໄສສະມາຄົມການຄ້າ,ວິສາຫະກິດອາດຈະໄດ້ຮັບຜົນງ່າຍກວ່າ.
ຈາກນີ້,ກໍເຫັນໄດ້ວ່າ,ສະພາບຕົວຈິງແລະການພັດທະນາໄດ້ມອບພາລະກຳໃຫມ່ໃຫ້ສະມາຄົມການຄ້າ,ສະມາຄົມການຄ້າຈະມີບົດບາດອັນໃຫຍ່ຫຼວງໃນການຮ່ວມມືເສດຖະກິດການຄ້າລະຫວ່າງຈີນກັບອາຊຽນແລະມີຄວາມຫມາຍເລິກເຊິ່ງຍາວໄກ.
ການຮ່ວມມືລະຫວ່າງສະມາຄົມການຄ້າ,ແມ່ນຫນຶ່ງໃນພາກສ່ວນປະກອບຂອງການຮ່ວມມືເສດຖະກິດການຄ້າລະຫວ່າງປະເທດກັບປະເທດ,ແລະແມ່ນກຳລັງສະຫນັບສະຫນູນຂອງການຮ່ວມມືລະຫວ່າງລັດຖະບານ,ແມ່ນຊ່ອງທາງສຳຄັນທີ່ເປີກກວ້າງການຮ່ວມມືລະຫວ່າງວິສາຫະກິດ,ແມ່ນການເລືອກເອົາທີ່ຍ່ອມເປັນໄປເພື່ອໃຫ້ສະມາຄົມເອງໄດ້ຮັບການພັດທະນາແລະສະແດງໃຫ້ເຫັນກຳລັງຂອງຕົນ,ລະຫວ່າງສະມາຄົມການຄ້າຈີນແລະບັນດາປະເທດອາຊຽນສ້າງແລະຂະຫຍາຍການພົວພັນຮ່ວມມືອັນສະຫນິດແຫນ້ນແລະມີໄມຕິຈິດຕໍ່ກັນແລະຕ່າງຝ່າຍຕ່າງມີຜົນປະໂຫຍດນັ້ນແມ່ນການຄ້ຳປະກັນຢ່າງແຂງແຮງແລະແມ່ນເງື່ອນໄຂຈຳເປັນທີ່ຈະສ້າງເຂດການຄ້າເສລີຈີນ ອາຊຽນໃຫ້ສຳເລັດ,ແລະແມ່ນປັດໃຈອັນຕັ້ງຫນ້າທີ່ຊຸກຍູ້ໃຫ້ວິສາຫະກິດຮ່ວມມືແລະຂະຫຍາຍຕົວນຳກັນ.ອາດເວົ້າໄດ້ວ່າໃນປະຈຸບັນ,ໄດ້ສະແດງໃຫ້ເຫັນ,ຄວາມສຳຄັນແລະຄວາມຮີບດ່ວນຂອງການຮ່ວມມືລະຫວ່າງສະມາຄົມການຄ້າຈີນແລະອາຊຽນຍິ່ງກວ່າຍາມໃດຫມົດ.
|
|
|
