|
ທ່ານຜູ່ຟັງທີ່ໂຄລົບ,ນາງອູຢູເຊ່ຍໄດ້ດີດກະຈັບປີ່ຢ່າງແນບນຽນແລະໄພເລາະເພາະຫູ ເຮັດໃຫ້ຄົນມີຄວາມຮູ້ສຶກກອດຊົມທຳມະຊາດອັນກວ້າງໃຫຍ່ໄພສານ.
ນາງອູຢູເຊ່ຍແມ່ນຮຽນຈົບຈາກມະຫາວິທະຍາໄລດົນຕີສູນກາງຈີນ,ປະຈຸບັນເປັນຫົວຫນ້າດີດກະຈັບປີຂອງວົງດົນຕີສູນກາງຈີນ,ທັງເປັນນັກສະແດງແຫ່ງຊາດຂັ້ນຫນຶ່ງ,ນອກນີ້,ເພ່ິນຍັງດຳລົງຫຼາຍຕ່ຳແຫນ່ງໃນສັງຄົມ,ຄືເປັນກຳມະການສະພາເປີກສາການເມືອງແຫ່ງຊາດແລະກຳມະການສະຫະພັນຊາວຫນຸ່ມແຫ່ງຊາດຈີນເປັນຕົ້ນ,ແຕ່ເຖິງວ່າເພິ່ນເປັນຜູ່ມີຊື່ສຽງຮຽງນາມກໍຕາມ,ແຕ່ພັດເປັນຄົນບໍ່ຖືຕົວ.
ນາງອູຢູເຊ່ຍເກີດຢູ່ຊຽງໄຮ້ຂອງຈີນເມື່ອປີ 1969 ,ພໍ່ແມ່ລ້ວນແຕ່ເປັນກຳມະກອນທຳມະດາສາມັນ,ໃນຄອບຄົວນາງເປັນລູກກົກ,ຍັງມີນ້ອງຊາຍສອງຄົນແລະນ້ອງສາວຜູ່ຫນຶ່ງ,ຊີວິດການເປັນຢູ່ແມ່ນອີງໃສ່ແຕ່ເງິນເດືອນບໍ່ຫຼາຍປານໃດຂອງພໍ່ແມ່,ເຖິງວ່າຄອບຄົວທຸກຈົນແຕ່ພັດມີບັນຍາກາດອົບອຸ່ນດີ,ພໍ່ແມ່ໄດ້ອົບຮົມສັ່ງສອນພວກເຂົາເຈົ້າຕ້ອງມີມານະຈິດມາແຕ່ຍາມຍັງນ້ອຍ.
ເມື່ອປີ 1971,ເພ່ິນໄດ້ເສັງເຂົ້າເປັນສະມາຊິກວົງດົນຕີຂອງຄະນະເຍົາວະຊົນຮ້ອງລວມຫມູ່ວິທະຍຸກະຈາຍສຽງປະຊາຊົນຊຽງໄຮ້ໂດຍສະດວກ,ເມື່ອຫວນຄຶດຄືນຊີວິດໃນຍາມຍັງນ້ອຍ,ຈົນຮອດປະຈຸບັນ,ນາງອູຢູເຊ່ຍກໍຍັງຈື່ໄດ້ຢ່າງຄັກແນ່,
ນາງເວົ້າວ່າ:ແຕ່ໃດມາ,ພໍ່ກໍໄດ້ບອກພວກເຮົາວ່າ,ຄົນເຮົາບໍ່ຢ້ານທຸກ,ຢ້ານແຕ່ບໍ່ມີ ມານະຈິດທໍ່ນັ້ນ,ສ່ວນເສດຖະກິດຂອງຄອບຄົວພວກເຮົາແມ່ນບໍ່ຮັ່ງປານໃດ,ແຕ່ພວກເຮົາກໍເບີກບານມ່ວນຊື່ນທີ່ສຸດ,ເຮືອນພວກເຮົາມີແຕ່ສຽງຫົວຊົມຊ້ອຍຊື່ນແລະຖືກຕ້ອງປອງດອງກັນທີ່ສຸດ,ພໍ່ແມ່ນໄດ້ໃຊ້ແບບຢ່າງໃນການກະທຳຂອງພວກເພິ່ນມາສັ່ງສອນພວກເຮົາຢ່າງບໍ່ຮູ້ເມື່ອ ຂ້າພະເຈົ້າຮູ້ສຶກວ່າອັນນີ້ແມ່ນສຳຄັນທີ່ສຸດ,ເຖິງວ່າລະດັບວັດທະນະທຳຂອງພໍ່ແມ່ບໍ່ສູງປານໃດ,ແຕ່ພວກເພ່ິນໄດ້ບອກສອນໃຫ້ພວກເຮົາເປັນຄົນຊື່ສັດມັດທະຍັດ.
ທ່ານນາງອູຢູເຊ່ຍເຄີຍໄປຮຽນນຳອາຈານສອນດີດກະຈັບປີ່ທີ່ມີຊື່ສຽງຫຼາຍໆຄົນ,ນາງສາມາດຮຽນເອົາຄວາມຊຳນິຊຳນານຂອງຜູ່ອື່ນຢ່າງກວ້າງຂວາງ,ຈໍ່ຕົວຂຶ້ນເປັນເອກະລັກສິນລະປະທີ່ເບັ່ງບານແລະເຊື່ອງອາລົມເຂັ້ມແຂງແລະອ່ອນໂຍນຂອງຕົນໂດຍຈຳເພາະ.
ໃນຫຼາຍປີທີ່ຜ່ານມາ,ຢູ່ຫໍຄຳກຸງວຽນແຫ່ງໂອຕຼິດ ຫໍດົນຕີຄາເນີກີຂອງອາເມລິກາແລະສູນດົນຕີປະສານສຽງຂອງຊີກາໂກລ້ວນແຕ່ໄດ້ມີສຽງກະຈັບປີ່ທີ່ຈັບໃຈຄົນຂອງນາງອູຢູເຊ່ຍ,ນາງອູຢູເຊ່ຍຍັງໄດ້ຮັບເຊີນໄປຈັດງານດົນຕີເສບດ່ຽວຢູ່ຍີ່ປຸ່ນຕັ້ງຫຼາຍເທື່ອ,ເຄີຍເຮັດໃຫ້ທ້ອງຖິ່ນເຫຼົ່ານັ້ນເຫ່ີກັນນິຍົມດີດກະຈັບປີ່ຢ່າງເປັນຂະບວນ,ຢູ່ຕ່າງປະເທດ,ດົນຕີພື້ນເມືອງຂອງຈີນໄດ້ຮັບຄວາມນິຍົມຊົມເຊີຍຢ່າງຟົດຟື້ນ.
ໃນນາມເປັນນັກດົນຕີຜູ່ຫນຶ່ງ,ທ່ານນາງອູຢູເຊ່ຍເວົ້າວ່າ,ຕົນມີຫນ້າທີ່ຮັບຜິດຊອບຢ່າງຫນຶ່ງຕໍ່ສັງຄົມ.ທ່ານາງອູຢູເຊ່ຍຍັງເປັນກຳມະການສະພາເປີກສາການເມືອງປະຊາຊົນແຫ່ງຊາດ,ເພິ່ນຈິ່ງເອົາໃຈໃສ່ນຳສັງຄົມຈາກແງ່ສ້າງສາອາລະຍະທຳຂອງຊາດຢູ່ສະເຫມີ.
ນອກຈາກດີດກະຈັບປີ່ແລ້ວ,ຊີວິດຂອງນາງອູຢູເຊ່ຍກໍຍັງມີຫຼາຍສີຫຼາຍສັນທີ່ສຸດ,ນາງມີຄວາມມັກຄວາມນິຍົມຢ່າງກວ້າງຂວາງ,ມັກກາບກອນລະບາຍອາລົມ,ກໍແຕ່ງບົດຮ້ອຍແກ້ວແລະບົດບັນທຶກເລື່ອງຈິງ,ບົດບັນທຶກການໄປດີດກະຈັບປ່ີຢູ່ຍ່ີປຸ່ນທີ່ນາງແຕ່ງນັ້ນກໍໄດ້ພິມຕໍ່ໆກັນຫຼາຍມື້ໃນຫນ້າຫນັງສືພິມ,ອັນໄດ້ມີສຽງກະທົບຄືນແຮງ,ເຮັດໃຫ້ຄົນທັງຫຼາຍຮູ້ເລື້ອງນັກດີດກະຈັບປີ່ຜູ່ນີ້ຈາກແງ່ຫນຶ່ງອີກນາງອຖູຢູເຊ່ຍເວົ້າວ່າໃນນາມເປັນດີດກະຈັບປີ່ຜູ່ຫນຶ່ງຂ້າພະເຈົ້າຢາກຝາກສະເຫນີສີລະປະທີ່ຕ່າງຫມູ່ໄວ້ກັບຜູ່ຊົມ,ຢູ່ໃນຂະບວນວິວັດສະແດງອອກໃນດົນຕີຂອງຂ້າພະເຈົ້າ,ການປະພຶດຂອງຂ້າພະເຈົ້າແລະແຕ່ລະດ້ານຂອງຂ້າພະເຈົ້າ,ຄວາມປາຖະຫນາຂອງຂ້າພະເຈົ້າແມ່ນຕ້ອງມີສິລະປະສູງແລະມີຄຸນສົມບັດສູງ,ເມື່ອສີລະປະສູງຂຶ້ນຮອດລະດັບອັນແນ່ນອນນັ້ນ,ໃນຂະນະທີ່ເນັ້ນຫນັກລະດັບສີລະປະຂຶ້ນສູ່ຍອດສູງນັ້ນ,ຄຸນສົມບັດຂອງຕົນກໍຍິ່ງສຳຄັນທີ່ສຸດ,ຂະວນວິວັດສຳນຶກຮູ້ສີລະປະອັນແທ້ຈິງແລະກາຍເປັນສີລະປິນອັນແທ້ຈິງນັ້ນແມ່ນຈຸດຫມາຍຕະຫຼອດຊີວິດຂອງຂ້າພະເຈົ້າ.
|
