|
|
 |
| (GMT+08:00)
2005-03-29 15:19:51
|
 |
|
ການສ້າງເຂດການຄ້າເສລີຈີນອາຊຽນຈະພາໃຫ້ມີທ່ວງທ່າປ່ຽນແປງໃຫຍ່ 10 ຢ່າງ(ພາກຕົ້ນ)
cri
Author: sayvnany
ຫນຶ່ງ:ການພົວພັນໄມຕີຈິດລະຫວ່າງຈີນກັບກຸ່ມອາຊຽນແລະບັນດາປະເທດອາຊຽນພວມຂະຫຍາຍໄປສູ່ໄລຍະຂະຫຍາຍຕົວໃຫມ່.ການໄວ້ເນື້ອເຊື່ອໃຈກັນທາງດ້ານການເມືອງ,ການພົວພັນໄມຕີຈິດຫັນເປັນແບບລະບອບ, ມີບົດບາດສຳຄັນກວ່າເພິ່ນຕໍ່ການສ້າງຕັ້ງເຂດການຄ້າເສລີຈີນອາຊຽນ (CAFTA). ຈີນໄດ້ເຂົ້າຮ່ວມສົນທິສັນຍາການພົວພັນໄມຕີຈິດອາຊີອາຄະເນ, ຈີນກັບອາຊຽນໄດ້ຕົກລົງສ້າງການພົວພັນຄູ່ຂາຍຸດທະສາດທີ່ອວ່າຍຫນ້າໄປສູ່ສັນຕິພາບແລະຄວາມຈະເລີນຮຸ່ງເຮືອງ.ການພົວພັນທາງການທູດແບບ ໃຫມ່ລະຫວ່າງຈີນກັບອາຊຽນມີຜົນດີຕໍ່ສະຖຽນລະພາບແລະການພັດທະນາຂອງພາກພື້ນ, ແລະມີຜົນດີຕໍ່ການສ້າງຕັ້ງ CAFTA.
ສອງ:ການສ້າງຕັ້ງ CAFTA ໄດ້ຜ່ານໄລຍະຈາກການນັ່ງຫາລືກັນຂະ ຫຍາຍອອກຮອດການລຸກຂຶ້ນຜັນຂະຫຍາຍປະຕິບັດຕົວຈິງ.ໃນຫລາຍປີມານີ້, ຍີ່ປຸ່ນ ອາເມລິກາ ສະຫະພາບເອີລົບແລະອິນເດຍເປັນຕົ້ນລ້ວນແຕ່ໄດ້ຂ້ຽວເລັ່ງປຶກສາຫາລືກັບອາຊຽນກ່ຽວກັບການສ້າງການພົວພັນການຄ້າເສລີ, ສ່ວນຈີນຍິ່ງໄດ້ໄປກ່ອນກ້າວຫນຶ່ງແລ້ວ, ຄືໄດ້ນຳຫນ້າປະຕິບັດການຍົກເວັ້ນພາສີເຊິ່ງເປັນຜົນໄດ້ຮັບໃນໄລຍະຕົ້ນລະຫວ່າງຈີນກັບອາຊຽນ.ຄຽງຄູ່ກັບຂໍ້ຜູກມັດການຄ້ານັບມື້ນັບຕ່ຳລົງແລະຖືກມ້າງຖິ້ມ, ຈະນຳເອົາການປັບປຸງອຸດສາຫະກຳຮອບໃຫມ່ແລະການຄັດເລືອກໃຫມ່ໃຫ້ແກ່ການບຸກເບີກພັດທະນາຕະຫລາດຂອງວິສາຫະກິດ.
ສາມ:ຄົນທັງຫລາຍຄ່ອຍໆຮູ້ຈັກ CAFTA. ຄົນນັບມື້ນັບຫລາຍໄດ້ເຂົາໃຈສັບທີ່ມີເນື້ອໃນອຸດົມສົມບູນດັ່ງກ່າວ. CAFTA ຈະກາຍເປັນສັບທີ່ນິຍົມກັນຫລາຍ, ເພາະວ່າມັນຈະນຳເອົາການປ່ຽນແປງໃນດ້ານຊີວິດປະຈຳວັນແລະວຽກງານມາຍັງຄົນທັງຫລາຍ,ໂດຍສະເພາະແມ່ນນັກທຸລະກິດ, ການຮຽນຮູ້ ທັດສະນະຄະຕິ CAFTA ແມ່ນຄວາມຕ້ອງການໃນການຮັບມືກັບການທ້າທາຍໃຫມ່. ໃນວົງການຄົ້ນຄວ້າວິຊາການນັ້ນ,ການຄົ້ນຄວ້າ CAFTA ກໍ່ຈະ ນັບມື້ນັບຫລາຍຂຶ້ນ.
ສີ່: CAFTA ທີ່ກຳລັງສ້າງສາຢູ່ນັ້ນ, ພວມປ່ຽນຈາກການເຄື່ອນໄຫວຂອງລັດຖະບານຂະຫຍາຍເປັນການເຄື່ອນໄຫວຂອງວິສາຫະກິດ.ຄຽງຄູ່ກັບການເຈລະຈາລະຫວ່າງລັດຖະບານຈີນກັບລັດຖະບານບັນດາປະເທດອາຊຽນລົງສູ່ລວງເລິກ, ການປະຕິບັດສັນຍາ CAFTA ທີ່ສອງຝ່າຍເຊັນກັນນັ້ນ, ນັບມື້ນັບໄດ້ຮັບຄວາມສົນໃຈຈາກວິສາຫະກິດທັງຫລາຍ, ບໍລິມາດການຄ້າສອງຝ່າຍໄດ້ເພີ່ມຂຶ້ນຢ່າງຫລວງຫລາຍ, ການລົງທຶນສອງທິດມີການເປີດກວ້າງອອກເທື່ອໃຫມ່.ວິສາຫະກິດແມ່ນອັດຕະພາບຂອງການເຄື່ອນໄຫວເສດຖະກິດ, ການເສີມຂະຫຍາຍລັກສະນະເປັນເຈົ້າກີ້ເຈົ້າການແລະຫົວຄິດປະດິດສ້າງຂອງວິສາຫະກິດຢ່າງເຕັມສ່ວນ, ຈະຊຸກຍູ້ການສ້າງຕັ້ງ CAFTA ຢ່າງແຂງແຮງ.
ຫ້າ:ໃນຂົງເຂດເສດຖະກິດການຄ້າສາກົນ, ການແກ່ງແຍ່ງແລະການຮ່ວມມືດ້ານຜະລິດຕະພັນລະຫວ່າງວິສາຫະກິດຈີນແລະອາຊີອາຄະເນພວມ ມີການປ່ຽນແປງໃຫມ່,ໄດ້ເລີ່ມຈາກການແກ່ງແຍ່ງເດີນໄປສູ່ການຮ່ວມມືທີ່ ສອງຝ່າຍໄດ້ຮັບຜົນປະໂຫຍດນຳກັນ. ການຮ່ວມມືແມ່ນພາຫະນະສຳຄັນທີ່ຍົກກຳລັງແກ່ງແຍ່ງໃຫ້ສູງຂຶ້ນ.ການສ້າງ CAFTA ກໍ່ແມ່ນເພື່ອພ້ອມກັນ ພັດທະນາ.ການຮ່ວມມືໃຫມ່ຈະເຮັດໃຫ້ຜະລິດຕະພັນຂອງພາກພື້ນຕົນມີກຳລັງການແກ່ງແຍ່ງແຂງແຮງກວ່າເກົ່າໃນຕະຫລາດສາກົນ,ຈະຊອ່ຍໃຫ້ພາກພື້ນຕົນດຶງດູດເອົາທຶນຕ່າງປະເທດໄດ້ຫລາຍກວ່າເກົ່າ.
|
|
|
