|
|
 |
| (GMT+08:00)
2005-03-29 17:08:18
|
 |
|
ແຜ່ນດິນໄຫວຢູ່ອິນໂດເນເຊຍໄດ້ພາໃຫ້ນັບເປັນພັນຄົນເສຍຊີວິດ
cri
ຕາມຂ່າວcri: ວັນທີ 29 ມີນາ,ໃນເວລາໃຫ້ສຳພາດຕໍ່ສື່ມວນຊົນອິນໂດເນເຊຍ,ທ່ານຢຸຊູຟການລາ ຮອງປະທານາທິບໍດີອິນໂດເນເຊຍເວົ້າວ່າ,ແຜ່ນດິນໄຫວທີ່ເກີດຂຶ້ນຢູ່ເຂດທະເລພາກຕາເວັນຕົກຂອງເກາະຊູມັດຕຼາໃນວັນທີ 28 ມີນາໄດ້ພາໃຫ້ຫນຶ່ງພັນຫາສອງພັນຄົນ ຢູ່ເກາະນີອາສເສຍຊີວິດ.
ຕາມຊາບວ່າ,ຜູ້ປະສົບເຄາະຮ້າຍສ່ວນຫລາຍຢູ່ເກາະນີອາສແມ່ນຕາຍຍ້ອນເຮືອນພັງລົງ.
ນອກນີ້,ວັນທີ 29 ມີນາ,ກົມອະນຸລັກສິ່ງແວດລ້ອມແຫ່ງຊາດສິງກະໂປກ່າວວ່າ,ແຜ່ນດິນໄຫວເທື່ອນີ້ບໍ່ຫ່ອນຈະມີຜົນກະທົບກະເທຶອນທີ່ມີລັກສະນະທາດແທ້ຕໍ່ສິງຫະໂປ.ຕອນຮຸ່ງເຊົ້າວັນທີ 29 ມີນາ,ລັດຖະບານສີລັງກາໄດ້ຍົກເລີກຄຳຕັກເຕືອນຄຶ້ນຊູນາມີທີ່ປະກາດເມື່ອຕອນຄ່ຳວັນທີ 28 ມີນາ.
ວັນທີ 28 ມີນາ,ຢູ່ສຳນັກງານໃຫຍ່ສະຫະປະຊາຊາດທີ່ນີວຢອກ,ທ່ານເອັກລານ ຮອງເລຂາທິການໃຫຍ່ສະຫະປະຊາຊາດທີ່ຮັບຜິດຊອບວຽກງານມະນຸດສະທຳໄດ້ເວົ້າວ່າ, ຝ່າຍສະຫະປະຊາຊາດຈະໃຫ້ການຊ່ອຍເຫືຼອແກ່ມວນຊົນໃນເຂດປະສົບໄພແຜ່ນດິນໄຫວເທື່ອນີ້.ວັນທີ 28 ມີນາ,ທ່ານເອເຣລີ ຮອງໂຄສົກກະຊວງການຕ່າງປະເທດອາເມລິກາກກໍ່ກ່າວຢູ່ວໍຊິງຕັນວ່າ,ອາເມລິກາຍິນດີໃຫ້ການຊ່ອຍເຫືຼອແກ່ປະເທດປະສົບໄພແຜ່ນດິນໄຫວເຊັ່ນອິນໂດເນເຊຍເປັນຕົ້ນ.
ເວລາ 23 ໂມງ 9 ນາທີຂອງວັນທີ 28 ມີນາ ເວລາອິນໂດເນເຊຍ,ຢູ່ເຂດທະເລມໍ່ເກາະຊູມັດຕຼາແຫ່ງອິນໂດເນເຊຍໄດ້ເກີດແຜ່ນດິນໄຫວແຮງ 8 ຂັ້ນລິກເຕີຂຶ້ນໄປ,ປະເທດຈຳນວນຫນຶ່ງທີ່ຢູ່ອ້ອມຂ້າງໄດ້ປະກາດຄຳຕັກເຕືອນຄຶ້ນຊູນາມີໃນທັນທີ.
|
|
|
