|
|
 |
| (GMT+08:00)
2005-03-29 18:53:12
|
 |
|
ແຜ່ນດິນໄຫວແຮງເປັນຫຍັງຈຶ່ງບໍ່ມີຄື້ນທະເລຊູນາມີ?
cri
Author: da
 ເວລາປັກກິ່ງ ສູນໂມງ 9 ນາທີ ວັນທີ 29 ມີນາ, ຢູ່ພູມທະເລແປະກັບເກາະຊູມາຕຼາຂອງອິນໂດເນເຊຍໄດ້ເກີດແຜ່ນດິນໄຫວແຮງເຖິງຂັ້ນ 8 ລິກເຕີຂຶ້ນໄປອີກເທື່ອຫນຶ່ງ,ສູນສັນຍານໄພຄື້ນຊູນາມີມະຫາສະຫມຸດປາຊິຟິກທີ່ຕັ້ງຢູ່ເກາະຮາວາຍຈຶ່ງໄດ້ສົ່ງສັນຍານໄພຄື້ນຊູນາມີໃນທັນທີ.ແຕ່ຫລັງຈາກນັ້ນຫຼາຍຊົ່ວໂມງ,ຫຼາຍປະເທດເຊັ່ນ:ສີລັງກາ ອິນເດຍເປັນຕົ້ນກໍ່ໄດ້ຍົກເລີກສັນຍານໄພຄື້ນຊູນາມີ.
ເກືອບຢູ່ໃນພູມທະເລດຽວກັນ, ເກີດແຜ່ນດິນໄຫວແຮງຂັ້ນ 8 ລິກເຕີຂຶ້ນໄປຄືກັນ,ເປັນຫຍັງສົ່ງສັນຍານໄພແລ້ວກໍປົດອອກອີກ?ຄື້ນຊູນາມີໄດ້ເກີດຂຶ້ນຫຼືບໍ່?ນາງເຢ້ລິນນັກຄົ້ນຄວ້ານັກພະຍາກອນຜູ່ທີຫນຶ່ງທີ່ຂ້ຽວໄປຫາຫ້ອງພະຍາກອນອາກາດສິ່ງແວດລ້ອມທະເລໃນສູນພະຍາກອນສິ່ງແວດລ້ອມທະເລຂອງກົມທະເລແຫ່ງຊາດໃນເວລາ ສູນໂມງປາຍມື້ດຽວກັນໄດ້ອະທິບາຍວ່າ:
ເມື່ອໄດ້ຮັບຂ່າວຈາກຜູ່ຢູ່ເວນແລ້ວ,ຂ້າພະເຈົ້າກໍຟ້າວມາ,ນັກຄົ້ນຄວ້າເຢ້ລິນເວົ້າວ່າ,ເວລາ 12 ໂມງ 39 ນາທີ ວັນທີ 29 ມີນາ,ລະບົບ ສັນຍານໄພໃນຫ້ອງພະຍາກອນໄດ້ຮັບຂໍ້ມູນສັນຍານໄພທີ່ສົ່ງມາຈາກສູນພະຍາກອນຄື້ນທະເລຊູນາມີມະຫາສະຫມຸດປາຊິຟິກ,ຈຶ່ງສົ່ງສັນຍານໄພໃນທັນທີ,ພາຍຫລັງເກີດຄື້ນທະເລຊູນາມີຫລັງແຜ່ນດິນໄຫວມະຫາສະຫມຸດອິນເດຍໃນປີກາຍແລ້ວ,ກົມທະເລແຫ່ງຊາດກໍໄດ້ຄົ້ນຄວ້າສ້າງລະບົບສັນຍາໄພແບບອັດຕະໂນມັດຊຸດນີ້ເອົາເອງພາຍໃນເວລາສັ້ນທີ່ສຸດ. ຕິດຕາມກວດກາແລະສົ່ງສັນຍານໄພໄດ້ໃນຕະຫຼອດ 24 ຊົ່ວໂມງ.
ນາງເຢ້ລິນເວົ້າວ່າ,ເນື່ອງຈາກແຜ່ນດິນໄຫວໄດ້ເກີດຢູ່ໃນພູມທະເລເກືອບບ່ອນດຽວກັນ,ຍ້ອນຖືກຜົນສະທ້ອນຈາກພູມມິປະເທດ,ຄື້ນຊູນາມີເທື່ອນີ້ເຖິງຈະເກີດຂຶ້ນກໍສົ່ງຜົນສະທ້ອນມາເຖິງປະເທດຈີນຍາກທີ່ສຸດ.
ທ້າຍປີ 2004,ພາຍຫລັງ ແຜ່ນດິນໄຫວຢູ່ມະຫາສະຫມຸດອິນເດຍເກີດຄື້ນຊູນາມີແລ້ວ,ສະຖານີຕິດຕາມວັດແທກທະເລຂອງຈີນທີ່ຕັ້ງຢູ່ເມືອງຊານຢາໄດ້ຈັບກະແສຄື້ນທະເລຊູນາມີສູງເຖິງ 6 ຫາ 8 ຊັງຕີແມັດ.
ແຜ່ນດິນໄຫວເທື່ອນີ້ໄດ້ທົດສອບລະບົບສັນຍານໄພອັດຕະໂນມັດທີ່ພວກເຮົາຄົ້ນຄວ້າແລະເຮັດເອງ,ນາງເຢ້ລິນນັກຄົ້ນຄວ້າເວົ້າວ່າ,ຕໍ່ໄປພາຍຫນ້າ, ພະນັກງານບໍ່ຕ້ອງນັ່ງຍາມຢູ່ໃນຫ້ອງພະຍາກອນຕະຫຼອດ 24 ຊົ່ວໂມງແລ້ວ, ເຄື່ອງຈັກຄວບຄຸມຍັງສະດຸ້ງໄວກວ່າຄົນຫຼາຍ.ສັນຍານໄພຄື້ນຊູນາມີສົ່ງອອກໄປແລ້ວ,ກໍຕ້ອງຍົກເລີກອີກ,ແມ່ນຍ້ອນສົ່ງຜິດແລ້ວບໍ່?ນາງເຢ້ລິນອະທິບາຍວ່າ,ທຳມະດາແລ້ວ,ສັນຍານໄພຄື້ນທະເລຊູນາມີແບ່ງເປັນ 4 ຂັ້ນ,ເມື່ອບັນລຸເຖິງຂັ້ນສູງສຸດຄື:ຂັ້ນສັນຍານໄພແລ້ວ,ສູນສັນຍານໄພຄື້ນທະເລຊູນາມີໃນມະຫາສະຫມຸດປາຊິຟິກກໍຈະສົ່ງສັນຍານໄພ.
ສູນສັນຍານໄພຄື້ນຊູນາມີມະຫາສະຫມຸດປາຊິຟິກໄດ້ສ້າງລະບົບສະຫມອງກົນສາມາດສົ່ງສັນຍານໄພຄື້ນທະເລຊູນາມີຍ້ອນແຜ່ນດິນໄຫວແບບອັດຕະໂນມັດ,ພາຍຫລັງເກີດແຜ່ນດິນໄຫວຫຼືພູໄຟພື້ນທະເລລະເບີດຂຶ້ນແລ້ວ,ລະບົບຊຸດນີ້ຈະສັນນິຖານຕາມຕົວເລກຕ່າງໆ.
ກັນດີກວ່າແກ້,ການສົ່ງສັນຍານໄພຄື້ນຊູນາມີເທື່ອນີ້ແມ່ນທັນການທີ່ສຸດ, ນາງເຢ້ລິນນັກຄົ້ນຄວ້າສະເຫນີໃຫ້ຮູ້ວ່າ,ແຜ່ນດິນໄຫວໄດ້ເກີດຂຶ້ນຢູ່ພູມທະເລທີ່ເຄີຍເກີດຄື້ນຊູນາມີຂະຫນາດໃຫຍ່ເທື່ອທີ່ແລ້ວ,ສະນັ້ນ,ສູນສັນຍານໄພຈຶ່ງໄດ້ສົ່ງສັນຍານໄພຢ່າງວ່ອງໄວ.
ຄື້ນຊູນາມີແມ່ນບໍ່ສາມາດພະຍາກອນໄດ້, ມີແຕ່ເຕືອນໄພທໍ່ນັ້ນ ຫລັງ 4 ຊົ່ວໂມງແລ້ວ,ຫນ້ານ້ຳທະເລຍັງບໍ່ມີປະກົດການຜິດປົກກະຕິຫຍັງຫຼາຍ,ປະເທດແຄມທະເລຈຳນວນຫນຶ່ງກໍ່ໄດ້ຍົກເລີກສັນຍານໄພ,ຄື້ນຊູນາມີໄດ້ເກີດຂຶ້ນຫຼືບໍ່? ຫນຶ່ງແມ່ນອາໄສເບິ່ງການປ່ຽນແປງຂອງລະດັບຫນ້ານ້ຳທະເລດ້ວຍສາຍຕາ,ສອງແມ່ນເບິ່ງການບັນທຶກຂອງເຄື່ອງວັດແທກ.
ນາງເຢ້ລິນບອກພວກເຮົາວ່າ,ຄື້ນຊູນາມີໄດ້ເກີດຂຶ້ນແທ້ ຕາມຊາບວ່າ:ສະຖານີຕິດຕາມກະແສຟອງທະເລ 3 ແຫ່ງຂອງປະເທດແຄມມະຫາສະຫມຸດປາຊິຟິກໃຕ້ໄດ້ຈັບຖືກຄື້ນທະເລຊູນາມີທີ່ມີລະດັບຕ່າງກັນ,ຄື້ນແຮງທີ່ສຸດສູງເຖິງ 20 ຊັງຕິແມັດ ຄື້ນອ່ອນທີ່ສຸດແມ່ນ 5 ຊັງຕິແມັດ,ຍັງມີອີກຄື້ນແມ່ນສູງ 9 ຊັງຕີແມັດ,ຄື້ນຊູນາມີແນວນີ້ແມ່ນນ້ອຍທີ່ສຸດ,ຄື້ນຊູນາມີຕ່ຳກວ່າ 50 ຊັງຕີແມັດ,ກໍແມ່ນລະດັບອ່ອນຫຼາຍທີ່ສຸດ,ບໍ່ສາມາດເຮັດໃຫ້ເກີດເປັນໄພພິບັດ,ນັກວິທະຍາສາດເອົາໃຈໃສ່ໄດ້,ແຕ່ໃນສາຍຕາຂອງສາທາລະນະຊົນຊ່ຳນີ້ບໍ່ນັບວ່າ ຄື້ນຊູນາມີ.
ເກືອບຢູ່ໃນເຂດດຽວກັນ,ເປັນຫຍັງເທື່ອແລ້ວເກີດຄື້ນຊູນາມີແຮງປານນັ້ນ,ແຕ່ເທື່ອນີ້ພັດຄ່ອຍປານນີ້? ນາງເຢ້ລິນເວົ້າວ່າ ອີງຕາມປະກົດການຕ່າງໆວິນິໄສໄດ້ວ່າ,ແຜ່ນດິນໄຫວເທື່ອນີ້ແມ່ນແຜ່ນດິນໄຫວແບບມືນ ຫາກບໍ່ແມ່ນແບບຕັ້ງ ແຜ່ນດິນໄຫວແບບຕັ້ງເຮັດໃຫ້ລະດັບນ້ຳມີການປ່ຽນແປງຢ່າງດຸເດືອດ,ຈົນເຮັດໃຫ້ມີຄື້ນຊູນາມີແຮງເກີດຂຶ້ນ,ແຕ່ແຜ່ນດິນໄຫວແບບມືນລະດັບນ້ຳຖືກຜົນສະທ້ອນຄ່ອຍແດ່.
|
|
|
