|
ເມື່ອເວົ້າເຖິງຄວາມແຂງແຮງຂອງຮ່າງກາຍແລ້ວບໍ່ສະເພາະແຕ່ຫມາຍເຖິງມີສຸຂະພາບດີແລະບໍ່ເຈັບບໍ່ເປັນທໍ່ນັ້ນ,ຫາກຍັງຕ້ອງນັບລວມທັງອົງປະກອບຂອງຮ່າງກາຍ,ສະມັດທະພາບການຫັນປ່ຽນທາງຊີວະແລະເຄມີຂອງຮ່າງກາຍ,ສະມັດທະພາບຂອງອະໄວຍະວະທຸກພາກສ່ວນ,ປັດໄຈທາງຈິດແລະຄວາມສາມາດສອດຄ່ອງກັບສິ່ງແວດລ້ອມແລະອື່ນໆ,ດັ່ງນັ້ນ,ຈະເຮັດໃຫ້ຮ່າງກາຍມີຄວາມແຂງແຮງຈະຕ້ອງເອົາໃຈໃສ່ໃນບາງດ້ານຕົ້ນຕໍດັ່ງນີ້ຄື:ກ່ອນອື່ນແມ່ນຕ້ອງຫັດເຫື່ອຫັດແຮງດ້ວຍການຫຼິ້ນກິລາ,ການຫຼິ້ນກິລາແມ່ນວິທີຫນຶ່ງທີ່ງ່າຍດາຍແລະໄດ້ຜົນດີໃນການເຮັດໃຫ້ຮ່າງກາຍຂອງຄົນເຮົາແຂງແຮງຂຶ້ນເປັນປົກກະຕິ,ເຮັດໃຫ້ຮ່າງກາຍມີຄຸນນະທາດດີຂຶ້ນ,ປົວແປງປັດໄຈທາງຈິດໃຫ້ປອດໂປ່ງແລະໃຫ້ມີຄວາມສາມາດສອດຄ່ອງກັບສິ່ງແວດລ້ອມສູງຂຶ້ນ.
ການເລືອກຫຼິ້ນກິລາເພື່ອເຮັດໃຫ້ຮ່າງກາຍແຂງແຮງຂຶ້ນນັ້ນຕ້ອງເລືອກຕາມສະ
ພາບຮ່າງກາຍແຕ່ລະຄົນທີ່ຕ່າງກັນ,ຊອກຫາວິທີຫັດແຮງອັນເຫມາະສົມ,ເວົ້າສຳລັບຄົນທົ່ວໆໄປແລ້ວແມ່ນຕ້ອງລະວັງຢ່າຫຼິ້ນເມື່ອຍໂພດ,ສອງແມ່ນຫັດແຮງດ້ວຍກຳລັງທຳມະຊາດ ກຳລັງທຳມະຊາດແມ່ນຫມາຍເຖິງແສງແດດ,ອາກາດນ້ຳແລະອື່ນໆ,ຫັດແຮງດ້ວຍກຳລັງທຳມະຊາດກໍແມ່ນວິທີຫນຶ່ງສຳລັບເຮັດໃຫ້ຮ່າງກາຍແຂງແຮງ.
ການອາບແດດຢ່າງເຫມາະສົມນັ້ນສາມາດປົວແປງການຫມູນວຽນຂອງເລືອດ,ຊຸກຍູ້ຂະບວນວິວັດຂັບຖ່າຍທາງວັດຖຸ ເຮັດໃຫ້ກະດູກໃຫຍ່ຂຶ້ນເປັນປົກກະຕິ,ຍົກຄວາມສາມາດຜະລິດເລືອດໃນຮ່າງກາຍໃຫ້ສູງຂຶ້ນ.
ແຕ່ທ່ານຕ້ອງລະວັງວ່າ,ການອາບແດດນັ້ນ,ກໍບໍ່ແມ່ນວ່າຈະຕາກໃນຍາມໃດກໍຈະໄດ້ຮັບຜົນດີຫມົດ,ຕາມການຄົ້ນຄວ້າຂອງບັນດານັກວິທະຍາສາດຊີ້ອອກວ່າ,ແສງແດດກ້າໂພດຈະພາໃຫ້ເປັນມະເຮັງຜິວຫນັງ,ຖ້າຕາກແດດແຕ່ 10 ໂມງເຊົ້າໄປຫາບ່າຍ 2 ໂມງນັ້ນແມ່ນບໍ່ດີທີ່ສຸດ,ຖ້າຕາກແດດແຕ່ບ່າຍ 3 ໂມງໄປຈະມີຜົນດີຕໍ່ຮ່າງກາຍຂອງຄົນເຮົາ,ມັນເປັນເວລາອາບແດດທີ່ເຫມາະສົມທີ່ສຸດ,ນອກນີ້ຍັງຕ້ອງລະວັງວ່າ,ການຕາກແດດນັ້ນບໍ່ເຫມາະສຳລັບຜູ່ທີ່ເປັນໂລກຫົວໃຈຫນັກເປັນປອດແຫ້ງຫຼືຖືຄີງໄຂ້ແຮງ.
ການຫັດແຮງໃນນ້ຳ ສາມາດເຮັດໃຫ້ຄວາມຮ້ອນໃນກະໂຕຄົນລະເຫີຍໄປ,ມັນມີບົດບາດສ່ຳກັນກັບການບິບນວດ,ເພີ່ມອິນຊີລະບົບປະສາດ ແລະດັດສົມຕ່ອມນ້ຳໃນຮ່າງກາຍໃຫ້ສົມບູນ,ທັງເປັນສະມັດທະພາບຂອງລະບົບຫາຍໃຈ,ລະບົບຫມູນ
ວຽນແລະລະບົບຍ່ອຍອາຫານໃນຮ່າງກາຍນຳອີກ,ວິທີຫັດກາຍໃນນ້ຳນັ້ນ,ກໍມີຢູ່ຫຼາຍຢ່າງ,ເຊັ່ນໃຊ້ນ້ຳອຸ່ນຮຸກຕີນ ອາບນ້ຳອຸ່ນ ລອຍນ້ຳໃນນ້ຳອຸນຫະພູມປົກກະຕິ,ລ້າງຫນ້າດ້ວຍນ້ຳເຢັນລ້າງຕີນດ້ວຍນ້ຳເຢັນ ເຊັດໂຕດ້ວຍນ້ຳເຢັນ ແຊ່ນ້ຳເຢັນແລະລອຍນ້ຳໃນລະດູຫນາວເປັນຕົ້ນ.
ຂໍ້ທີ 3 ທີ່ຈະຕ້ອງລະວັງໃນການເຮັດໃຫ້ຮ່າງກາຍແຂງແຮງນັ້ນແມ່ນຕ້ອງສ້າງຕົນໃຫ້ມີຄວາມຊິນເຄີຍອັນດີໃນຊີວິດ.ແຕ່ລະມື້ ຄົນຜູ່ຫນຶ່ງຈະຕ້ອງມີການເຄື່ອນໄຫວຫຼາຍຢ່າງເຊັ່ນ:ຮ່ຳຮຽນ ເຮັດວຽກ ອອກແຮງງານ ພັກຜ່ອນ ກິນເຂົ້າກິນນ້ຳ ລ້າງສ່ວຍ ຫັດແຮງ ຫຼິ້ນລຶ້ງເລິງນອນແລະອື່ນໆ,ການເຄື່ອນໄຫວເຫຼົ້ານີ້,ຖ້າຈັດວາງໃຫ້ຖືກກັບຄວາມຕ້ອງການຂອງຮ່າງກາຍ,ມັນກໍ່ຈະມີຜົນດີຕໍ່ສຸກຂະພາບ ຖ້າບໍ່ດັ່ງນັ້ນ,ກໍຈະບໍ່ມີຜົນດີຕໍ່ຮ່າງກາຍ,ຂໍ້ທີ 4 ທີ່ຕ້ອງລະວັງໃນການເຮັດໃຫ້ຮ່າງກາຍແຂງແຮງນັ້ນແມ່ນອາຫານການກິນ,ອາຫານການກິນແມ່ນຊ່ອງສຳລັບຮັບເອົາທາດບຳລຸງຕ່າງໆເຂົ້າຫຼໍ່ລ້ຽງຮ່າງກາຍ, ທາດບຳລຸງເຫຼົ່ານີ້ ສ່ວນຫນຶ່ງແມ່ນໃຊ້ເຂົ້າຫຼໍ່ລ້ຽງຄວາມຕ້ອງການໃນການອອກແຮງງານ ການຮ່ຳຮຽນແລະເຮັດວຽກ.
ປະລິມານແລະຄຸນນະພາບຂອງທາດບຳລຸງໃນອາຫານການກິນນັ້ນຖ້າພຽງພໍກັບຄວາມຕ້ອງການຂອງຮ່າງກາຍ,ມັນກໍຈະເຮັດໃຫ້ສຸກຂະພາບເຂັ້ມແຂງ,ຖ້າບໍ່ໄດ້ຕາມຄວາມຕ້ອງການຂອງຮ່າງກາຍໃນຮ່າງກາຍກໍຈະມີການຜັນແປທາງດ້ານເຄມີແລະຊີວະເກີດຂຶ້ນເປັນພວງກັບໄປຫຼືຈະພາໃຫ້ອິນຊີປ່ຽນແປງຫຼືເປັນພະຍາດ ຂາດທາດບຳລຸງ ຖ້າຫນັກໄປກວ່ານັ້ນກໍຈະມີອັນຕະລາຍເຖິງແກ່ຊີວິດກໍເປັນໄດ້,ດັ່ງນັ້ນຈິ່ງຕ້ອງເອົາໃຈໃສ່ນຳທາດບຳລຸງທີ່ຮ່າງກາຍຕ້ອງການ,ການກິນຈະຕ້ອງໃຫ້ຖືກກົດຖືກເກນ.ຢ່າໄດ້ກິນຫມ່ຳໆບໍ່ຄະລຳຫາທ້ອງຄືບູຮານເພິ່ນວ່ານັ້ນ.
ຂໍ້ທີ 5 ທີ່ຕ້ອງລະວັງໃນການເຮັດໃຫ້ຮ່າງກາຍແຂງແຮງຂຶ້ນນັ້ນແມ່ນທາງດ້ານອະນາໄມແລະການປິ່ນປົວ.ອະນາໄມແລະການປິ່ນປົວມີບົດບາດທີ່ປະຫມາດບໍ່ໄດ້ຕໍ່ສຸກຂະພາບຂອງຄົນ,ອະນາໄມລວມທັງອະນາໄມສ່ວນຕົວແລະອະນາໄມສັງຄົມ ອະນາໄມສ່ວນຕົວແມ່ນຫມາຍເຖິງການຫມັ່ນລ້າງມື ຫມັ່ນອາບນ້ຳ ຖຸແຂ້ວທຸກເຊົ້າຄ່ຳ,ຕັດຜົມສະຜົມເປັນປະຈຳ ຫມັ່ນຕັດເລັບມື ບໍ່ກິນນ້ຳດິບ ບໍ່ກິນຂອງທີ່ບໍ່ສະອາດ,ບ່ອນອ່ານຫນັງສືຕ້ອງມີແສງແຈ້ງແລະອື່ນໆ.ອະນາໄມສັງຄົມແມ່ນຫມາຍເຖິງການຮັບປະກັນໃຫ້ມີນ້ຳກິນສະອາດ ເຄື່ອງກິນທີ່ວາງຂາຍນັ້ນຕ້ອງໃຫ້ໄດ້ຕາມມາດຖານອະນາໄມ,ອາກາດກໍຕ້ອງສະອາດ ຄຸ້ມເຮືອນຢູ່ກໍບໍ່ມີສຽງເນືອງນັນເຫຼົ່ານີ້ເປັນຕົ້ນ,ຖ້າເປັນພະຍາດກໍຕ້ອງໄປຫາຫມໍປົວໃຫ້ຢ່າງທັນການ ບໍ່ຄວນປ່ອຍປະລະເລີຍ,ເຮັດໃຫ້ພະຍາດທີ່ບໍ່ແຮງປານໃດກັບກາຍເປັນພະຍາດຫນັກ.
|
