|
|
 |
| (GMT+08:00)
2005-03-30 10:33:29
|
 |
|
ການເຈລະຈາລະຫວ່າງບັນດາຝ່າຍອີຣັກກ່ຽວກັບການປະກອບລັດຖະບານໃກ້ຈະສິ້ນສຸດລົງ
cri
ຕາມຂ່າວCRI, ກອງປະຊຸມຄັ້ງທີສອງສະພາແຫ່ງຊາດຂ້າມຜ່ານອີຣັກຄັ້ງທີສອງບໍ່ໄດ້ຈັດຂຶ້ນກ່ອນວັນທີ27ຕາມເວລາກຳນົດ, ແຕ່ວັນທີ27ມີນາ, ທ່ານຈາຟາລີ ຜູ້ສະໝັກຮັບເລືອກຕັ້ງນາຍົກລັດຖະມົນຕີຂອງສະຫະພັນສາມັກຄີອີຣັກນິກາຍຊີອິດເຊິ່ງເປັນສະຫະພັນພັກການເມືອງໃຫຍ່ທີໜຶ່ງໃນສະພາຂ້າມຜ່ານນັ້ນກ່າວວ່າ, ການເຈລະຈາລະຫວ່າງບັນດາຝ່າຍກ່ຽວກັບການປະກອບລັດຖະບານໃກ້ຈະສິ້ນສຸດລົງແລ້ວ, ລັດຖະບານໃໝ່ມີຫວັງຈະສ້າງຕັ້ງຂຶ້ນໃນບໍ່ເທົ່າໃດມື້ຂ້າງໜ້າ.
ຜູ້ແທນຂອງສະຫະພັນສາມັກຄີອີຣັກແລະສະຫະພັນພັກການເມືອງຄຸດ ທີ່ເຂົ້າຮ່ວມການເຈລະຈາເຜີຍໃຫ້ຮູ້ວ່າ, ສອງຝ່າຍໄດ້ກ້າວເຖິງຂັ້ນມີຄວາມຮັບຮູ້ຄືກັນໃນບັນຫາແບ່ງປັນສິດອຳນາດສ່ວນຫຼາຍ: ຈະໃຫ້ຜູ້ນຳມູສລິມນິກາຍຊຸນນີເປັນປະທານສະພາຂ້າມຜ່ານ, ອາດຈະແມ່ນທ່ານອານ ຢາວານ ປະທານາທິບໍດີລັດຖະບານຊົ່ວຄາວຮັບຕຳແໜ່ງນີ້, ຮອງປະທານສະພາສອງຄົນຈະເລືອກຈາກນິກາຍຊີອິດແລະຊາວຄຸດ; ຈະໃຫ້ທ່ານຕາລາບານີ ຜູ້ນຳສະຫະພັນຮັກຊາດຄຸດດີສຕັນປະທານາທິບໍດີ, ຮອງປະທານາທິບໍດີສອງທ່ານຈະໃຫ້ຜູ້ສະໝັກຮັບເລືອກຕັ້ງຂອງນິກາຍຊີອິດແລະນິກາຍຊຸນນີຮັບຕຳແໜ່ງ; ທ່ານຈາຟາລີ ເຊິ່ງເປັນຜູ້ສະໝັກຮັບເລືອກຕັ້ງຂອງສະຫະພັນສາມັກຄີນິກາຍຊີອິດຈະຮັບຕຳແໜ່ງນາຍົກລັດຖະມົນຕີ; ນິກາຍຊີອິດໄດ້ລັດຖະມົນຕີ16ຫາ17ຕຳແໜ່ງເຊິ່ງລວມທັງລັດຖະມົນຕີກະຊວງພາຍໃນແລະກະຊວງການເງິນ; ຊາວຄຸດໄດ້ຕຳແໜ່ງລັດຖະມົນຕີການຕ່າງປະເທດ; ນິກາຍຊຸນນີໄດ້ລັດຖະມົນຕີ4ຫາ6ຕຳແໜ່ງ; ກຸ່ມສາສະໜາຄຼີສຕຽນແລະກຸ່ມພັກຕວກແມນຕ່າງໄດ້ລັດຖະມົນຕີ1ຕຳແໜ່ງ.
ຄວາມເຫັນຂັດກັນໃຫຍ່ລະຫວ່າງບັນດາຝ່າຍໃນປະຈຸບັນແມ່ນ: ສະຫະພັນສາມັກຄີອີຣັກແລະສະຫະພັນພັກການເມືອງຄຸດລ້ວນແຕ່ຢາກໄດ້ລັດຖະມົນຕີກະຊວງນ້ຳມັນເຊື້ອໄຟເຊິ່ງເປັນຕຳແໜ່ງສຳຄັນທີ່ສຸດ. ພ້ອມກັນນັ້ນ, ພວກເຂົາເຈົ້າລ້ວນແຕ່ຫວັງຊຸກຕຳແໜ່ງລັດຖະມົນຕີກະຊວງປ້ອງກັນປະເທດທີ່ຮັບຜິດຊອບໂຈມຕີກອງປະກອບອາວຸດ ນິກາຍຊຸນນີທີ່ຕ້ານອາເມລິກາໃຫ້ນິກາຍຊຸນນີ, ແຕ່ນິກາຍຊຸນນີຍັງບໍ່ທັນໄດ້ຕອບຢ່າງເປັນທາງການເທື່ອ. ນອກນີ້, ທ່ານອາລາວີ
ນາຍົກລັດຖະມົນຕີລັດຖະບານຊົ່ວຄາວອີຣັກ, ຜູ້ຕາງໜ້າມູສລິມນິກາຍຊີອິດປະເພນີໂລກຍັງຄົງມີຄວາມສົງໄສຕໍ່ການທີ່ໃຫ້ສະຫະພັນສາມັກຄີອີຣັກເຊິ່ງເປັນທ່ານຊີສທານີ ຜູ້ນຳສາສະໜານິກາຍຊີອິດສະໜັບສະໜູນນັ້ນຂຶ້ນຄອງອຳນາດ, ວັນທີ26ມີນາ, ທ່ານໄດ້ກ່າວໂຈມຕີອິດທິກຳລັງສາສະໜາແຊກແຊງວຽກບ້ານການເມືອງຢ່າງເປີດເຜີຍເປັນຄັ້ງທຳອິດ, ຄັດຄ້ານສາສະໜາສົ່ງຜົນສະທ້ອນຕໍ່ການໝູນເດີນຂອງລັດຖະບານໃນອະນາຄົດ.
ບຸກຄົນວິເຄາະຊີ້ອອກວ່າ, ບັນດາຝ່າຍຂອງອີຣັກຄວນໄຂກອງປະຊຸມສະພາຂ້າມຜ່ານຄັ້ງທີສອງໂດຍໄວ, ສືບຕໍ່ຫາລືບັນຫາປະກອບລັດຖະບານຊຸດໃໝ່ໃນຂອບສະພາ. ມີແຕ່ເຮັດແນວນີ້, ປະຊາຊົນອີຣັກຈິ່ງຈະສາມາດຟື້ນຟູຄວາມໝັ້ນໃຈຕໍ່ຂະບວນການສ້າງສາຄືນໃໝ່, ແລະເຂົ້າຮ່ວມວຽກງານສ້າງບ້ານແປງເມືອງຄືນໃໝ່.
|
|
|
