ຕາມ​ຂ່າວສານ​ຊິນ​ຮວາ: ວັນ​ທີ 29 ມີນາ, ກົມ​ໃຫຍ່ຕິດຕາມ​ກວດກາ​ຄຸນ​ນະພາ​ບ​ແລະ​​ພະຍາດ​ແຫ່ງ​ຊາດ​ຈີນ​ໄດ້​ປະກາດ​ມາດຖານ​ແຫ່ງ​ລັດກ່ຽວ​ກັບ "ວິທີ​ວັດ​ແທກ​ສານຍ້ອມ​ຊູ​ດັງ 1​ (SUDAN 1 ) ໃນ​ອາຫານ", ມາດຖານ​ດັ່ງກ່າວ​ຈະ​ເກີດ​ຜົນ​ບັງຄັບ​ໃຊ້​ແຕ່​ມື້​ປະກາດ​ເປັນຕົ້ນ​ໄປ.

ຕາມ​ສະ​ເໜີ​ວ່າ, ມາດຖານ​ດັ່ງກ່າວ​ໄດ້​ກຳ​ນົດວິທີ​ວັດ​ແທກ​ສານຍ້ອມ​ຊູ​ດັງ 1, ​ໃຊ້​ວິທີ​​ທົ່ວ​ໄປ​ກໍ່​ສາມາດ​ວັດ​ແທກ​ສານຍ້ອມ​ຊູ​ດັງ 1 ​​ໃນ​ອາຫານຢ່າງ​ແມ່ນ​ຢຳ​ໄດ້.

ຜູ່​ຮັບຜິດຊອບ​ຜູ່​ນີ້​ກ່າວ​ວ່າ, ​ເພື່ອ​ຮັບປະກັນ​ຄວາມ​ປອດ​ໄພ​ດ້ານ​ອາຫານ, ປົກ​ປ້ອງ​ສິດ​ປະ​ໂຫຍດ​ຂອງ​ຜູ່​ບໍລິ​ໂພ​ກ, ກົມ​ໃຫຍ່​ຕິດຕາມ​ກວດກາ​ຄຸນ​ນະພາ​ບ​ແລະ​​ພະຍາດ​ແຫ່ງ​ຊາດ​ຈີນ​ຈະ​ສຳຫຼວດ​ແລະ​ລົ​ງ​ໂທດ​ວິ​ສາ​ຫະກິດ​ທີ່​ໃຊ້​ສານ​ຍ້ອມ​ຊູ​ດັງ 1 ​ໃນ​ການ​ຜະລິດອາຫານ.