|
|
 |
| (GMT+08:00)
2005-03-30 13:23:11
|
 |
|
ນະຄອນປັກກິ່ງເພີ່ມທະວີການປົກປັກຮັກສາເມືອງທີ່ມີຊື່ສຽງທາງປະຫວັດສາດວັດທະນະທຳ
cri
Author: li
ຫວ່າງມໍ່ໆນີ້ ຄະນະປະຈຳສະພາປະຊາຊົນນະຄອນປັກກິ່ງໄດ້ຜ່ານກົດຂໍ້ກຳນົດປົກປັກຮັກສາເມືອງຊື່ດັງທາງປະຫວັດສາດວັດທະນະທຳ,ແລະເລີ່ມປະຕິບັດຢ່າງເປັນທາງການໃນເຂດປັກກິ່ງແຕ່ວັນທີ 1ພຶດສະພາປີນີ້ເປັນຕົ້ນໄປ.
ປັກກິ່ງໃນຖານເປັນນະຄອນຫຼວງບູຮານທາງປະຫວັດສາດວັດທະນະທຳທີ່ມີຊື່ສຽງໃນໂລກ ປະຈຸບັນມີຫົວໜ່ວຍຮັກສາວັດຖຸບູຮານ 1ພັນກວ່າແຫ່ງ.ການຮັກສາມໍລະດົກປະຫວັດສາດວັດທະນະທຳຫຼາຍປານນີ້ ແມ່ນບັນຫາຍາກທີ່ພົ້ນເດັ່ນໃນການສ້າງສາແລະພັດທະນານະຄອນປັກກິ່ງໂດຍຕະຫລອດ.
ແຕ່ຊູມປີ 80ສະຕະວັດແລ້ວນີ້ເປັນຕົ້ນມາ ການກໍສ້າງນະຄອນປັກກິ່ງໄດ້ພັດທະນາຢ່າງວ່ອງໄວ,ແຕ່ວ່າການກະທຳຫັນເປັນການຄ້າເກີນໄປໃນການພັດທະນາ ພາໃຫ້ໂສມໜ້ານະຄອນບູຮານຂອງປັກກິ່ງຖືກທຳລາຍຢ່າງໜັກ,ເອກກະລັກກໍສ້າງກໍເສຍສິສັນຝ່າຍຕາເວັນອອກດັ້ງເດີມ.ການນຳອອກກົດຂໍ້ກຳນົດກໍແມ່ນບັງຄັບຮັກສານະຄອນບູຮານແລະເຄຫະສະຖານບູຮານທີ່ເປ່ເພດ້ວຍຮູບການກົດໝາຍ.ກົດຂໍ້ກຳນົດໄດ້ກຳນົດຢ່າງແຈ່ມແຈ້ງຕໍ່ເນື້ອໃນຮັກສາເມືອງປະຫວັດສາດວັດທະນະທຳ,ຄືການຮັກສາເມືອງເກົ່າສັງລວມ ການຮັກສາຖະໜົນປະຫວັດສາດວັດທະນະທຳ ການຮັກສາຫົວໜ່ວຍຮັກສາວັດຖຸບູຮານ ການຮັກສາສິ່ງກໍ່ສ້າງທີ່ມີຄຸນຄ່າໃນການຮັກສາເປັນຕົ້ນ,ແລະຈັດເຂົ້າໃນແຜນຜັງລວມຂອງການສ້າງຕົວເມືອງປັກກິ່ງ,ໂດຍສະເພາະແມ່ນໄດ້ຜ່ານຈາກຮູບການກົດບັນຍັດທ້ອງຖິ່ນ,ກຳນົດຫນ້າທີ່ຮັບຜິດຊອບອັນລະອຽດຂອງອົງການປົກຄອງນະຄອນປັກກິ່ງໃນດ້ານຮັກສາວັດຖຸບູຮານ ການຄົມມະນາຄົມເທດສະບານ ໂຄງລ່າງເທດສະບານແລະການກໍ່ສ້າງການອະນຸລັກສິ່ງແວດລ້ອມເປັນຕົ້ນ,ເຊິ່ງສາມາດປະຕິບັດໄດ້.
ທາງຮ່ອມແລະເຮືອນຊື້ເຫີຢ້ວນໃນທາງຮ່ອມໄດ້ສະແດງໃຫ້ເຫັນໂສມຫນ້າແລະແບບແຜນສິ່ງກໍ່ສ້າງຕົວເມືອງທີ່ດັ້ງເດີມແລະມີເອກະລັກຂອງປັກກິ່ງ,ສ່ວນກົດຂໍ້ກຳນົດໄດ້ເອິ້ນຖະຫນົນ ຈຸ້ມສິ່ງກໍ່ສ້າງແລະຫມູ່ບ້ານເປັນຕົ້ນທີ່ມີໂສມຫນ້າດັ້ງເດີມໃນຍຸກສະໄຫມປະຫວັດສາດພິເສດຫລືມີສີສັນທ້ອງຖິ່ນຊົນເຜົ່າເປັນເຂດຖະຫນົນປະຫວັດສາດວັດທະນະທຳ,ໄດ້ພົ້ນເດັ່ນການເພີ່ມທະວີການຮັກສາເມືອງເກົ່າທາງປະຫວັດສາດວັດທະນະທຳໂດຍສັງລວມ.
ແຜນຜັງລວມຂອງຕົວເມືອງປັກກິ່ງທີ່ຄະນະລັດຖະບານຈີນຜ່ານຮັບຮອງໃນເດືອນມັງກອນປີ 2005 ໄດ້ສະເໜີອອກມາເປັນເທື່ອທຳອິດວ່າ,ໄດ້ກຳນົດທິດພັດທະນາຕົວເມືອງຂອງປັກກິ່ງເປັນ"ຕົວເມືອງທີ່ເຫມາະແກ່ການດຳລົງຊີວິດ".ເວົ້າສຳລັບປັກກິ່ງແລ້ວ,ເມືອງເກົ່າປັກກິ່ງທີ່ກວ້າງ 60 ກວ່າກິໂລແມັດມົນທົນທີ່ຖືເມືອງພະລາຊະວັງເປັນໃຈກາງແມ່ນທີ່ຕັ້ງຂອງເມືອງຫລວງເກົ່າທີ່ມີປະຫວັດ 800 ກວ່າປີ,ແຕ່ລະກິໂລແມັດມົນທົນມີປະຊາກອນເກືອບ 2 ຫມື່ນ 7 ພັນຄົນ.ພາລະບົດບາດຂອງເມືອງເກົ່າໄດ້ເພີ່ມຂຶ້ນເລື້ອຍໆ,ຄວາມສູງຂອງສິ່ງກໍ່ສ້າງເສຍການຄວບຄຸມ ມີຈຳນວນສິ່ງກໍ່ສ້າງຢ່າງມະຫາສານ,ໄດ້ພາໃຫ້ການຄົມມະນາຄົມແລະສະພາບແວດລ້ອມຊີວະພາບນັບມື້ນັບຊຸດຮ້າຍລົງ.ເພື່ອເລື່ອງນີ້,ກົດຂໍ້ກຳນົດໄດ້ເພີ່ມເນື້ອໃນທີ່ສົມຄູ່ກັນໃນການສ້າງຕົວເມືອງທີ່ເຫມາະແກ່ການດຳລົງຊີວິດ,ໄດ້ກຳນົດບົດບາດນຳທາງຂອງລັດຖະບານໃນດ້ານສິ່ງກໍ່ສ້າງ,ແລະໄດ້ຂຽນເນື້ອໃນກ່ຽວກັບຫລຸດຄວາມຫນາແຫນ້ນຂອງປະຊາກອນໃນເມືອງເກົ່າ"ເຂົ້າໃນກົດບັນຍັດເປັນເທື່ອທຳອິດ,ຮຽກຮ້ອງໃຫ້ລັດຖະບານວາງ"ນະໂຍບາຍແລະມາດຕະການທີ່ສັບຊ້ອນພາລະບົດບາດຂອງເມືອງເກົ່າແລະຍົກຍ້າຍປະຊາກອນທີ່ອາໄສຢູ່ເມືອງເກົ່າ".
ທ່ານລີສຽວຈວນ ກຳມະການຄະນະປະຈຳສະພາປະຊາຊົນນະຄອນປັກກິ່ງກ່າວວ່າ,ການປະກາດປະຕິບັດກົດຂໍ້ກຳນົດດັ່ງກ່າວຈະມີຜົນດີຕໍ່ການຍົກສະຕິອະນຸລັກຕົວເມືອງຂອງທົ່ວສັງຄົມໃຫ້ສູງຂຶ້ນແລະເພີ່ມຄວາມແຮງໃນການອະນຸລັກ,ເຮັດໃຫ້ວຽກງານອະນຸລັກໄດ້ຮັບການປະຕິບັດ.
|
|
|
