ຕາມຂ່າວສານຊິນຮວາ: ວັນທີ 29 ມີນາ, ເຈົ້າໜ້າທີ່ຄະນະກຳມະການວິຊາການທະເລສາກົນທີ່ສັງກັດອົງການຢູເນັສໂກສະຫະປະຊາຊາດກ່າວວ່າ, ກາງຄືນວັນທີ 28 ມີນາຢູ່ພູມທະເລມໍ່ເກາະຊູມາຕຼາອິນໂດເນເຊຍໄດ້ເກີດແຜ່ນດິນໄຫວແຮງນັ້ນ ສະແດງໃຫ້ເຫັນວ່າ, ການສ້າງລະບົບເຕືອນໄພຄື້ນຊູນາມີແມ່ນມີຄວາມຈຳເປັນ.
ເຈົ້າໜ້າທີ່ຄະນະກຳມະການດັ່ງກ່າວໄດ້ໃຫ້ສຳພາດຕໍ່ນັກຂ່າວວ່າ, ເຂດມະຫາສະໝຸດອິນເດຍບໍ່ມີລະບົບເຕືອນໄພຄື້ນຊູນາມີຢ່າງແມ່ນຢຳໃນຊົ່ວຄາວ, ນີ້ຈະເຮັດໃຫ້ການປ້ອງກັນຄື້ນຊູນາມີປະສົບຄວາມຫຍຸ້ງຍາກຫຼາຍກວ່າເກົ່າ. ເທື່ອນີ້ມະຫາສະໝຸດອິນເດຍໄດ້ເກີດແຜ່ນດິນໄຫວແຮງອີກ, ຜູ່ຊ່ຽວຊານຄະນະກຳມະການດັ່ງກ່າວເຫັນວ່າ, ຕ້ອງເຮັດວຽກສອງລາຍດັ່ງລຸ່ມນີ້ຢ່າງວ່ອງໄວ, ນັ້ນກໍ່ຄື ເພີ່ມທະວີການສຶກສາຄວາມຮູ້ປ້ອງກັນໄພແລະວຽກງານສ້າງລະບົບເຕືອນໄພຄື້ນຊູນາມີ.
|