ຕາມຂ່າວCRI: ນັກຂ່າວໄດ້ຊາບຈາກກົມທະເລແຫ່ງຊາດຈີນວ່າ, ແຕ່ມະຫາສະໝຸດອິນເດຍເກີດຄື້ນຊູນາມີໃນທ້າຍປີກາຍເປັນຕົ້ນມາ, ເມື່ອໄດ້ພະຍາຍາມມາເປັນເວລາ 3 ເດືອນກວ່າແລ້ວ, ຈີນໄດ້ສ້າງກົນໄກເຕືອນໄພແຜ່ນດິນໄຫວແລະຄື້ນຊູນາມີໃນເບື້ອງຕົ້ນ, ແລະເລີ່ມເສີມຂະຫຍາຍບົດບາດໃນການຢັ່ງແທກແຜ່ນດິນໄຫວທີ່ເກີດຂຶ້ນຢູ່ອິນໂດເນເຊຍໃນຫວ່າງມໍ່ໆນີ້.
ຕາມໄດ້ຊາບ, ປະຈຸບັນ, ຈີນໄດ້ສ້າງສະຖານີຕິດຕາມຄື້ນທະເລ 50 ກວ່າແຫ່ງຢູ່ແຄມທະເລ, ຕິດຕາມຢັ່ງແທກສະພາບການປ່ຽນແປງຂອງລະດັບນ້ຳທະເລໃນ 24 ຊົ່ວໂມງຢ່າງບໍ່ຂາດສາຍ. ນອກນີ້, ສູນພະຍາກອນສະພາບທະເລແຫ່ງຊາດຈີນກໍ່ຕໍ່ກັບສູນພະຍາກອນຄື້ນຊູນາມີມະຫາສະໝຸດປາຊີຟິກ, ສ້າງເປັນລະບົບເຕືອນໄພແຜ່ນດິນໄຫວຄື້ນຊູນາມີໂດຍອັດຕະໂນມັດ.
|