|
|
 |
| (GMT+08:00)
2005-03-30 17:22:55
|
 |
|
ເມດານຄອງຄອຍໃນທ່າມກາງຄວາມມິດງຽບ
cri
Author: sayvanny
ຕອນເດິກທ່ຽງຄືນວັນທີ 28 ມີນາ ພູມທະເລພາກຕາເວັນຕົກຂອງເກາະຊູມາຕຼາແຫ່ງອິນໂດເນເຊຍໄດ້ເກີດແຜ່ນດິນໄຫວແຮງເຖິງຂັ້ນ 8,5 ລິກເຕີ, ນັກຂ່າວຂ່າວສານຊີນຮວາໄດ້ໄປເອົາຂ່າວຢູ່ເກາະນິອາສທີ່ປະສົບໄພຫນັກກວ່າຫມ່ໃນທັນທີ.
ຕອນບ່າຍວັນທີ 29 ມີນາ, ນັກຂ່າວໄດ້ແວ່ພັກເຊົາຢູ່ເມືອງເມດານ ເທດສະບານແຂວງຊູມາຕຼາເປັນເວລາສັ້ນແລ້ວ,ປະກົດເຫັນວ່າ, ຊີວິດການເປັນຢູ່ຢູ່ແຫ່ງນີ້ໄດ້ຟື້ນຟູລະບຽບທີ່ເປັນປົກກະຕິແລ້ວ, ຕາມຖະຫນົນມີຄົນໄປມາປານສອດກະສວຍ,ພັດຕາຄານແລະຮ້ານຄ້າກໍ່ເປີດບໍລິການເປັນປົກ ກະຕິ. ຮ່ອງຮອຍແຜ່ນດິນໄຫວທີ່ຈົ່ງໄວ້ຢູ່ແຫ່ງນີ້ກໍ່ແມ່ນຮອຍແຕກ 7-8 ບ່ອນຢູ່ໃນຕຶກແສງຕາເວັນ ເຊິ່ງເປັນສິ່ງກໍ່ສ້າງສັນຍະລັກຂອງເມືອງເມດານ,ໃນນັ້ນ ຮອຍແຕກທີ່ຍາວກວ່າຫມູ່ຍາວເຖິງ 4 ແມັດ.
ທ່ານຈ່າງລີ ຊາວຈີນທີ່ເຮັດການກໍ່ສ້າງຢູ່ແຫ່ງນີ້ເວົ້າຕໍ່ນັກຂ່າວວ່າ,ທ່ານສະເດີດຕື່ນຍ້ອນແຜ່ນດິນໄຫວໃນຍາມທ່ຽງຄືນ,ເມື່ອທຽບກັບແຜ່ນດິນໄຫວທີ່ເກີດຂຶ້ນຢູ່ອິນໂດເນເຊຍເມື່ອວັນທີ 26 ທັນວາປີກາຍແລ້ວ, ຮູ້ສຶກວ່າແຜ່ນດິນໄຫວເທື່ອນີ້ແຮງທີ່ສຸດ,ພາຍຫລັງແຜ່ນດິນໄຫວແລ້ວ, ທົ່ວເມືອງໄຟຟ້າຂາດ 5 ຊົ່ວໂມງ.ໄທເມືອງກໍ່ພາກັນວຸ້ນວາຍຢ້ານກົວໃນທັນທີ, ຄົນທັງຫລາຍພາກັນຍ່າງໄປຫາຖະຫນົນຫົນທາງ,ຊອກຫາບ່ອນລີ້ທີ່ປອດໄພ.ຍ້ອນບໍ່ໄດ້ເກີດປາຍແຜ່ນດິນໄຫວອີກ, ເມືອງເມດານກໍ່ບໍ່ມີການລາຍງານກ່ຽວກັບຄົນຕາຍແລະບາດເຈັບ, ສະນັ້ນ ຄົນທັງຫລາຍຈິ່ງຄ່ອຍໆສະຫງົບລົງ, ແລ້ວເລີ່ມຟື້ນຟູຊີວິດການເປັນຢູ່ອັນເປັນປົກກະຕິ.
ເມື່ອເລາະເບິ່ງສະພາບແຫ່ງຕ່າງໆໃນເມືອງແລ້ວ, ນັກຂ່າວກໍ່ໄດ້ໄປເອົາຂ່າວຢູ່ສູນບັນຊາການກອບກູ້ທີ່ເກາະນີອາສໃນທັນທີ່.ແຫ່ງນີ້ເຄີຍເປັນສະ ຫນາມບິນການທະຫານແຫ່ງຫນຶ່ງ, ຫລັງຈາກເກີດແຜ່ນ ດິນໄຫວໃນວັນທີ 26 ທັນວາປີກາຍນີ້ແລ້ວໄດ້ເອົາແຫ່ງນີ້, ສຳຄັນແມ່ນນຳໃຊ້ສິ່ງກໍ່ສ້າງແລະ ພາຫະນະການທະຫານມາກູ້ໄພ. ເມື່ອເກີດແຜ່ນດິນໄຫວໃນຕອນກາງຄື່ນ ມື້ວານນີ້ແລ້ວ, ສູນບັນຊາການທີ່ເຄີຍສະຫງົບລົງຊົ່ວໄລຍະຫນຶ່ງກໍ່ຂຸ້ນວຽກ ອີກ.ຍົນຂົນສົ່ງ Hercules ສອງລຳທີ່ຝ່າຍທະ ຫານສິງກະໂປສະຫນອງນັ້ນໄດ້ຈອດຢູ່ສະຫນາມບິນ,ຜູ່ກອບກູ້ທີ່ເປັນຄົນອິນໂດເນເຊຍແລະຊາວຕ່າງປະເທດກຳລັງຂ້ຽວເຮັດວຽກຢູ່ສູນບັນຊາການ.
ຜູ່ຮັບຜິດຊອບຜູ່ຫນຶ່ງທີ່ຊື່ວ່າຊູພະຢັນໂຕເວົ້າຕໍ່ນັກຂ່າວຂ່າວສານຊີນຮວາວ່າ, ຕາມການລາຍງານທີ່ສູນບັນຊາການໄດ້ຮັບຈາກອົງການປົກຄອງທ້ອງຖີ່ນໄດ້ຮູ້ວ່າ, ແຜ່ນດິນໄຫວແຮງທີ່ເກີດຂຶ້ນໃນຕອນເດິກທ່ຽງຄືນວັນທີ 28 ມີນາໄດ້ເຮັດໃຫ້ໄທເມືອງຢູ່ເກາະນິອາສມໍ່ໃຈກາງແຜ່ນດິນໄຫວ 320 ຄົນເສຍຊີວິດ, ແລະຍັງມີຊາກສົບຂອງຜູ່ປະສົບໄພຫລາຍກວ່ານີ້ຖືກຝັງຢູ່ໃຕ້ເຮືອນຊານທີ່ເພພັງ,ຍ້ອນຂາດແຮງຄົນແລະອຸປະກອນຕ່າງໆ, ດຽວນີ້ ຍັງບໍ່ສາມາດຊຳລະສະສາງເທື່ອ.ຈຳນວນຄົນຕາຍ 1000 ຫາ 2000 ຄົນທີ່ທ່ານໂຢຊູຟ.ຄາລາປະກາດກ່ອນຫນ້ານີ້ພຽງແຕ່ເປັນການຄຳນວນສັງລວມທໍ່ນັ້ນ. ນອກນີ້, ເຮືອນຊານຢູ່ເທິງເກາະມີ 85% ເພພັງ, ຂົວແລະເສັ້ນທາງສ່ວນຫລາຍກໍ່ຖືກທຳລາຍ,ສະຫນາມບິນກໍ່ບໍ່ສາມາດໃຫ້ຍົນຂະຫນາດໃຫຍ່ລົງຈອດແລ້ວ.
ທ່ານຍັງເຜີຍໃຫ້ຮູ້ວ່າ,ປະຈຸບັນ ສູນບັນຊາການໄດ້ຮັບເອົາເຄື່ອງບໍລິ ຈາກຄື ຜ້າຫົ່ມເປັນຕົ້ນ,ແລະໄດ້ຈັດຕັ້ງພະນັກງານຂອງອົງການປິ່ນປົວສາ ກົນແລະພາຍໃນປະເທດ 6 ອົງການຂ້ຽວເດີນທາງໄປເກາະນີອາສ໌,ຕອນຄ່ຳວັນທີ 29 ມີນາ, ຍັງຈະໃຊ້ເຮືອຂົນສົ່ງວັດຖຸຊ່ອຍເຫລືອໃນລົດກາມີຍົງ 20 ຄັນໄປເກາະນິອາສ໌. ທ່ານຣີຊາລູດິນ ເຈົ້າແຂວງແຂວງຊູມາຕຼາເຫນືອໄດ້ໄປບັນຊາວຽກງານກອບກູ້ຢູ່ກັບທີ່ແລ້ວ.
ທ່ານຊູພະຢັນໂຕແນະນຳວ່າ, ປະຈຸບັນ ຍ້ອນສະຫນາມບິນເກາະນິອາສ໌ ຖືກທຳລາຍໃຊ້ການບໍ່ໄດ້ແລ້ວ, ມີແຕ່ຂີ່ເຮືອຫລືຍົນເຮລິກົບໄປສະຖານທີ່ປະ ສົບໄພ.ແຕ່ຍ້ອນມີຫມອກຕົກແຮງ, ເຫັນບໍ່ແຈ້ງ,ເຮັດໃຫ້ຜູ່ກອບກູ້ສາກົນສ່ວນຫນຶ່ງທີ່ຢາກໄປສະຖານທີ່ເກີດໄພນັ້ນໄປບໍ່ໄດ້.ພໍໄດ້ຍິນວ່ານັກຂ່າວຈະໄປເອົາຂ່າວຢູ່ເກາະນິອາສ໌,ທ່ານເປັນຫ່ວງຫລາຍ,ເພາະວ່າແຫ່ງນັ້ນອາດຈະມີປາຍແຜ່ນດິນໄຫວເກີດຂຶ້ນ,ຖ້າວ່າປາຍແຜ່ນດິນໄຫວແຮງ,ກໍ່ອາດຈະພາໃຫ້ເກີດຄື້ນທະເລຊືນະມິ.
ຢູ່ໃນຫມູ່ໄທເມືອງເມດານກໍ່ມີຄວາມເປັນຫ່ວງເຊັ່ນດຽວກັນ,ພວກເຂົາເຈົ້າຫນຶ່ງແມ່ນຢ້ານວ່າປາຍແຜ່ນດິນໄຫວຈະກະທົບເຖິງເມືອງເມດານ,ສອງອີງຕາມການວິເຄາະຂອງຜູ່ຊ່ຽວຊານ, ປະຈຸບັນ ແຜ່ນທໍລະນີປາຊິຟິກກັບແຜ່ນທໍລະນີມະຫາສະຫມຸດອິນເດຍຍັງຈະມີການເຄື່ອນໄຫວຢ່າງຮຸນແຮງ, ເມືອງເມດານພໍດີຢູ່ໃນບ່ອນສະດຸ້ງໄວ,ສະນັ້ນ ແຜ່ນດິນໄຫວຈິ່ງອາດຈະເກີດຂຶ້ນໃນທຸກເວລາ.
ພາຍຫລັງການສຳພາດສິ້ນສຸດລົງແລ້ວ, ນັກຂ່າວກໍ່ຂີ່ລົດໄປເມືອງຊີບຸນກາ (Sibolga) ເມືອງທ່າທີ່ຫ່າງຈາກເມດານ 300 ກິໂລແມັດ,ແລ້ວຂີ່ເຮືອຈກແຫ່ງນັ້ນໄປເກາະນິອາສ໌ທີ່ໄກ 200 ກວ່າກິໂລແມັດ.
ກ່ອນນັກຂ່າວອອກຈາກເມືອງເມດານນັ້ນ, ເຂດສ່ວນຫນຶ່ງໃນເມືອງນີ້ໄຟຟ້າຍັງຂາດຢູ່, ຊີວິດການເປັນຢູ່ຂອງໄທເມືອງເຖິງວ່າໄດ້ຟື້ນຟູເປັນປົກ ກະຕິແລ້ວກໍ່ຕາມ,ແຕ່ຄົນທັງຫລາຍຮູ້ສຶກວິຕົກກັງວົນຢູ່, ນອກຈາກເຮັດວຽກທີ່ຈຳເປັນແລ້ວ, ພວກເຂົາເຈົ້າສ່ວນຫລາຍຄອຍຖ້າຢູ່ໃນເຮືອນ, ນັ່ງເບິ່ງໂທລະພາບເພື່ອຊອກຮູ້ສະພາບການໃຫມ່.ທຸກຄົນຄອງຄອຍໃນທ່າມກາງຄວາມມິດງຽບ.
|
|
|
