|
|
 |
| (GMT+08:00)
2005-03-30 17:45:32
|
 |
|
ກອງປະຊຸມສະພາແຫ່ງຊາດຂ້າມຜ່ານອີຣັກຄັ້ງທີ2ສິ້ນສຸດລົງແຕ່ບໍ່ໄດ້ຮັບຜົນ
cri
Author: q
CRIລາຍງານວ່າ: ວັນທີ29ມີນາ,ສະພາແຫ່ງຊາດຂ້າມຜ່ານ ອີຣັກໄດ້ຈັດກອງປະຊຸມຄັ້ງທີ2,ແຕ່ກອງປະຊຸມບໍ່ໄດ້ເລືອກຕັ້ງປະທານສະພາຕາມເວລາກຳນົດ,ແລະກໍບໍ່ໄດ້ທຳການຈັດວາງການປະກອບລັດຖະບານຊຸດໃໝ່.
ຕາມແຜນການ,ກອງປະຊຸມຄັ້ງນີ້ຄວນເລືອກຕັ້ງປະທານສະພາຜູ້ໜຶ່ງແລະຮອງປະທານສະພາສອງຄົນ.ສະຫະພັນສາມັກຄີອີຣັກນິກາຍຊີອິດແລະສະຫະພັນພັກການເມືອງເຄີດ ທີ່ກວມທີ່ນັ່ງ2/3ຂຶ້ນໄປໃນສະພາຂ້າມຜ່ານນັ້ນຫວັງໃຫ້ບຸກຄົນນິກາຍຊຸນນິດເປັນປະທານສະພາ,ແຕ່ຍ້ອນວ່າທ່ານອານ ຢາວາ ປະທານາທິບໍດີຊົ່ວຄາວອີຣັກ,ຜູ້ນຳນິກາຍຊຸນນິດປະຕິເສດບໍ່ຮັບເອົາການສະເໜີຊື່ປະທານສະພາ,ສະນັ້ນໄດ້ເກີດສະພາບບໍ່ມີຜູ້ໃດຢາກເປັນປະທານສະພາ.ໃນທີ່ສຸດ,ກອງປະຊຸມຕົກລົງເລື່ອນເວລາເລືອກຕັ້ງປະທານສະພາ,ຄອຍຖ້ານິກາຍຊຸນນິດສະເໜີຜູ້ສະໝັກຮັບເລືອກຕັ້ງປະທານສະພາ.ຕາມໄດ້ຊາບ,ສະພາຂ້າມຜ່ານຈະຈັດກອງປະຊຸມໃນວັນທີ3ເມສາອີກ,ເພື່ອຕົກລົງຜູ້ຈະເປັນປະທານແລະຮອງປະທານສະພາ.
ສະພາຂ້າມຜ່ານ ອີຣັກຈັດກອງປະຊຸມສອງເທື່ອກໍບໍ່ໄດ້ເລືອກຕັ້ງປະທານສະພາໄດ້ແລ້ວ,ເຮັດໃຫ້ຂະບວນການສ້າງສາການເມືອງຄືນໃໝ່ຂອງອີຣັກຈຳເປັນຕ້ອງເລື່ອນເວລາໄປຊ້ຳແລ້ວຊ້ຳອີກ,ມູນເຫດຕົ້ນຕໍແມ່ນປັດຈຸບັນ,ບັນດາຝ່າຍຍັງມີຄວາມເຫັນຂັດກັນຫຼາຍໃນບັນຫາແບ່ງປັນອຳນາດ.ປັດຈຸບັນ,ນອກຈາກຕຳແໜ່ງ ລັດຖະມົນຕີກະຊວງການເງິນ,ລັດຖະມົນຕີກະຊວງນ້ຳມັນເຊື້ອໄຟເຊິ່ງເປັນຕຳແໜ່ງສຳຄັນແລ້ວ,ຝ່າຍຕົ້ນຕໍຂອງສະພາຄືສະຫະພັນສາມັກຄີອີຣັກແລະສະຫະພັນພັກການເມືອງເຄີດໄດ້ກ້າວເຖິງຂັ້ນເຊັນສັນຍາເບື້ອງຕົ້ນກ່ຽວກັບການແບ່ງປັນຕຳແໜ່ງໃນລັດຖະບານຊຸດໃໝ່,ແລະຫວັງໃຫ້ທ່ານທາລາບານີ ຜູ້ນຳສະຫະພັນເຄີດຮັກຊາດເປັນປະທານາທິບໍດີ,ໃຫ້ທ່ານອານ ຈາຟາລີຜູ້ນຳສະຫະພັນສາມັກຄີອີຣັກເປັນນາຍົກລັດຖະມົນຕີ,ແລະໃຫ້ບຸກຄົນນິກາຍຊຸນນິດດຳລົງຕຳແໜ່ງປະທານສະພາ.ແຕ່ວ່າ ພວກເຂົາເຈົ້າປິດປະຕູຫາລືກັນ,ຕົກລົງຜູ້ຈະເປັນນາຍົກລັດຖະມົນຕີ,ປະທານາທິບໍດີແລະປະທານສະພາແລະແບ່ງປັນຕຳແໜ່ງລັດຖະມົນຕີໃນລັດຖະບານນັ້ນ,ໄດ້ເຮັດໃຫ້ພັກຝ່າຍອື່ນໆໃນສະພາບໍ່ມີໂອກາດເລືອກເອົາ, ພວກເຂົາເຈົ້າບໍ່ພໍໃຈ.ທ່ານອາລາວີນາຍົກລັດຖະມົນຕີລັດຖະບານຊົ່ວຄາວອີຣັກ,ຜູ້ນຳນິກາຍຊີອິດປະເພນີໂລກຈົນກ່າວວ່າ,ທ່ານຈະບໍ່ເຂົ້າຮ່ວມລັດຖະບານໃນອະນາຄົດ,ແລະຈະນຳພາກຸ່ມຕົ້ນຕໍເປັນຝ່າຍຄ້ານໃຫຍ່ທີໜຶ່ງໃນສະພາ,ເພື່ອຜູກມັດອິດທິກຳລັງສາສະໜາ.
ຕາມໄດ້ຊາບ,ປັດຈຸບັນ, ສະຫະພັນສາມັກຄີອີຣັກແລະສະຫະພັນພັກການເມືອງເຄີດເຫັນວ່າ,ຜູ້ສະໝັກຮັບເລືອກຕັ້ງປະທານສະພາທີ່ເໝາະສົມທີ່ສຸດຍັງແມ່ນທ່ານອານຢາວາ.ແຕ່ຖ້າຫາກທ່ານອານຢາວາບໍ່ປ່ຽນແປງຄວາມເຫັນຂອງຕົນແລ້ວ,ສອງຝ່າຍດັ່ງກ່າວອາດຈະຄັດເລືອກນັກການເມືອງນິກາຍຊຸນນິດຜູ້ໜຶ່ງຈາກກຸ່ມຕົນດຳລົງຕຳແໜ່ງປະທານສະພາ.ເມື່ອເປັນດັ່ງນັ້ນ,ສອງກຸ່ມໃຫຍ່ໃນສະພາ ດັ່ງກ່າວຍັງຈະລອງລິດກັນໃນບັນຫາຜູ້ສະໝັກຮັບເລືອກຕັ້ງປະທານສະພາ.
|
|
|
