|
ໃນຈັກກະວານອັນກວ້າງໃຫຍ່ໄພສານທີ່ຢູ່ນອກຊັ້ນບັນຍາກາດຂອງຫນ່ວຍໂລກແມ່ນມີຊັບພະຍາກອນອັນອຸດົມສົມບູນແລະມີຄວາມເລິກລັບສັບຊ້ອນຈົນເຫຼືອພັນລະນາ,ໃນເກືອບເຄິ່ງສັດຕະວັດມານີ້,ມວນມະນຸດໄດ້ບຸກເບີກຈັກກະວານຊອກຄົ້ນຢູ່ບໍ່ຂາດແລະໄດ້ຮັບຜົນງານທີ່ປະຈັກຕາຊາວໂລກມາແລ້ວ,ໃນສັດຕະວັດທີ 21 ເຕັກນິກການບິນແລະການບິນອະວະກາດຈະມີການພັດທະນາໃຫຍ່ຫຼວງກວ່າເກົ່າ,ທິດຂະຫຍາຍຕົ້ນຕໍຈະສຸມຢູ່ໃນດ້ານການຂົນສົ່ງທາງການບິນອະວະກາດ,ດາວທຽມສະຖານີອະວະກາດ,ການສຳຫຼວດຄົ້ນຄວ້າໂລກພະຈັນດາວພະອັງຄານແລະຊອກຄົ້ນອະວະກາດຊັ້ນເລິກເປັນຕົ້ນ.
ມູນຄ່າຜະລິດ,ຄ່າຍິງສົ່ງແລະຄ້າສ້ອມແປງລູກສອນໄຟຍານສົ່ງຫຼາຍຖ້ານທີ່ໃຊ້ໄດ້ເທື່ອດຽວແລະຍົນອະວະກາດທີ່ໃຊ້ໄດ້ຫຼາຍເທື່ອນັ້ນລ້ວນແຕ່ແພງຫຼາຍ,ສະເລ່ຍແລ້ວ,ຂົນສົ່ງເຄື່ອງຂອງອັນບັງເກີດຜົນແຕ່ລະກິໂລຕ້ອງສິ້ນເປືອງປະມານ 10 ພັນໂດລາສະຫະລັດ,ໃນສັດຕະວັດໃຫມ່ຈຶ່ງຮຽກຮ້ອງໃຫ້ມີພາຫະນະຂົນສົ່ງທາງອະວະກາດທີ່ໄດ້ຜົນ,ແລະຖືກກວ່າ,ສ່ວນລະບົບຂົນສົ່ງການບິນອະວະກາດສາມຊະນິດດັ່ງລຸ່ມນີ້ອາດຈະຄອງຖານະສຳຄັນຄື:ຫນຶ່ງແມ່ນລະບົບຂົນສົ່ງທີ່ຂຶ້ນຊື່ລົງຊື່,ຕົວຢ່າງຄືລູກສອນໄຟຍານສົ່ງ .DC—Y ທີ່ບໍລິສັດແມັກດອນໂນວ ດາວກັຼສແລະບໍລິສັດ GM ຂອງອາເມລິກາຮ່ວມກັນອອກແບບ,ສອງແມ່ນລະບົບຍົນຂົນສົ່ງທີ່ບິນຂຶ້ນຊື່ແຕ່ບິນເຈີດລົງ ຕົວຢ່າງຄື:ຍົນຂົນສົ່ງຊື່ວ່າດາວຜະຈົນໄພຂອງບໍລິສັດລອກຮິດ--ມາທິນ ອາເມລິກາ,ສາມແມ່ນຍົນບໍ່ມີຄົນຂັບທີ່ສາມາດບິນຂຶ້ນລົງໄດ້ຕາມລານແລ່ນທຳມະດາແລະບິນຂຶ້ນທ້ອງຟ້າຫຼືອະວະກາດໄດ້ຫມົດ,ແຕ່ຍົນດັ່ງກ່າວພວມຄົ້ນຄວ້າແລະທົດສອບທາງເຕັກນິກຢູ່,ນອກນີ້,ເຕັກນິກຍິງສົ່ງຈາກຫນ້ານ້ຳທະເລ,ຈາກທ້ອງຟ້າແລະຍິງສົ່ງເຄື່ອນທີ່ຢ່າງໄວວາໄດ້ຂະຫຍາຍຕົວແລະປັບປຸງໃຫ້ຄົບຖ້ວນບໍລິບູນ ຕົ້ນທຶນຍິງສົ່ງຈະຫຼຸດຕ່ຳລົງອີກ,ແລະສາມາດບັນທຸກໄດ້ຫຼາຍກວ່າເກົ່າ.
ໃນສັດຕະວັດໃຫມ່,ດາວທຽມຊະນິດຕ່າງໆທີ່ກວມ 90%ຂອງບົນອະວະກາດທັງຫມົດຍິ່ງຈະເກັ່ງກວ່າເກົ່າ,ປະລິມານໂທລະຄົມຜ່ານດາວທຽມໃນໂລກໄດ້ເພີ່ມຂຶ້ນດ້ວຍຄວາມໄວ 10% ຫາ 12% ຕໍ່ປີ,ເພື່ອຕອບສະຫນອງກັບຄວາມຕ້ອງການທາງໂທລະຄົມທີ່ເພີ່ມຂຶ້ນຢ່າງບໍ່ຢຸດຢັ້ງນັ້ນ,ກະວ່າເມື່ອຮອດປີ 2005,ການທຸລະກິດຍິງສົ່ງດາວທຽມຄົງທີ່ແບບໃຫມ່ຈະມີຕະຫຼາດແຕ່ 60 ຫາ 80 ຕື້ໂດລາສະຫະ
ລັດ,ພ້ອມກັນນັ້ນ,ລະບົບເຄືອຂ່າຍໂທລະຄົມໂຄຈອນຜ້ານກາງແລະຕ່ຳທີ່ປະກອບດ້ວຍຫມູ່ດາວທຽມນ້ອຍຈະບໍລິການໂທລະຄົມເຄື່ອນທີ່ຢູ່ທຸກມູມແຈຂອງໂລກດາວທຽມລີໂມດທາງໄກຈະກາຍເປັນພາຫະນະຕົ້ນຕໍໃນການສຳຫຼວດທໍລະນີແລະທະເລ,ຕິດຕາມຢັ່ງແທກສິ່ງແວດລ້ອມ ໄພທຳມະຊາດ ສຳຫຼວດຊອກຫາເປົ້າຫມາຍການທະຫານ ດາວທຽມຜະລິດໄຟຟ້າທີ່ຕັ້ງສະຖິດຢູ່ໂຄຈອນຈັງຫວະດຽວກັບຫນ່ວຍໂລກຈະໃຊ້ຫມໍ້ໄຟພະລັງຕາເວັນຫັນປ່ຽນແສງຕາເວັນເປັນພະລັງໄຟຟ້າໃນເວລາ 99% ຂອງຫມົດປີ,ແລ້ວສົ່ງຄືນສູ່ຫນ້າດິນດ້ວຍຮູບການໄມໂກເວບເພື່ອຄວບຄຸມຍົນອະວະກາດທຸກຊະນິດຢ່າງຄ່ອງແຄ້ວ,ນັກບິນອະວະກາດໄດ້ຂັບຍົນບັນທຸກຄົນແລະຍົນອະວະກາດເຂົ້າສູ່ອະວະກາດ,ວັນທີ 20 ພະຈິກປີ 1999ເຮືອເຫາະຈັກກະວານຊື່ເຊີນໂຈວ ເຊິ່ງເປັນກິດຈະການການບິນອະວະກາດບັນທຸກຄົນຂອງຈີນໄດ້ທົດລອງບິນຢ່າງສຳເລັດຜົນນັ້ນ,ເປັນຂີດຫມາຍສະແດງໃຫ້ເຫັນວ່າພາລະກິດການບິນອະວະກາດບັນທຸກຄົນຂອງຈີນໄດ້ຢ່ວງບາດກ້າວສຳຄັນອີກກ້າວຫນຶ່ງ, ພ້ອມກັນນັ້ນ,ການຮ່ວມມືລະຫວ່າງຊາດໃນຂົງເຂດການບິນອະວະກາບັນທຸກຄົນກຳໄດ້ມີການຂະຫຍາຍຕົວໃຫມ່ແລະພາກສ່ວນການບິນອະວະກາດຂອງອາເມລິກາ ລັດເຊຍ ຍີ່ປຸ່ນ ການາດາແລະເອີລົບພວມຮ່ວມກັນສ້າງສະຖານີອະວະກາດສາກົນແບບຖາວອນ,ກະວ່າຈະສ້າງສຳເລັດໃນປີ 2004 ,ເມື່ອຮອດເວລານັ້ນ,ນັກບິນອະວະກາດຈະໄດ້ຜະລິດອຸປະກອນໂລຫະປະສົມແລະຊູເປີຄອນດັກເທີລ້ວນໆ,ເປັນຈຳນວນຫຼາຍດ້ວຍຮູບການອຸດສາຫະກຳໃຕ້ເງື່ອນໄຂໄຮ້ນ້ຳຫນັກ,ປອດອາກາດໃນລະດັບສູງແລະສະອາດທີ່ສຸດ,ຄົ້ນຄວ້າຜົນສະທ້ອນຂອງອະວະກາດທີ່ມີຕໍ່ສະພາບຊົງຕົວຂອງສັດສາວາສິ່ງແລະແຊນຢູ່ເທິງອະວະກາດ,ປຸງແຕ່ງຢຸກຢາຊີວະຊາດແລະບົ່ມເພາະພືດພັນແນວດີ ນອກນີ້,ການຂຶ້ນໄປເຫາະເຫີນທ່ຽວຊົມອະວະກາດຈະກາຍເປັນຈຸດຮ້ອນໃຫມ່ຂອງການທ່ອງທ່ຽວ.
ໃນສັດຕະວັດທີ 21 ມວນມະນຸດອາດຈະແກ້ໄຂບັນຫາວິກິດການພະລັງງານແລະປະຊາກອນຫຼາຍເຫຼືອລົ້ນດ້ວຍວິທີສ້າງບ້ານເມືອງແຫ່ງທີສອງຢູ່ຈັກກະວານ,ເມື່ອເດືອນມີນາປີ 1998 ,ກົມການບິນອະວະກາດອາເມລິກາປະກາດວ່າ,ເຄື່ອງຊອກຄົ້ນດວງເດືອນຊື່ມູນອີກສະປຣໍເຊີ(M00N EXPL0RER)ໄດ້ຊອກເຫັນຢູ່ສອງຂົ້ວຂອງດວງເດືອນມີນ້ຳກ້າມ,ການປະກົດເຫັນດັ່ງກ່າວໄດ້ເຮັດໃຫ້ຫຼາຍປະເທດເລັ່ງລັດບາດກ້າວຊອກຄົ້ນດວງເດືອນ,ໃນນັ້ນ,ອາເມລິກາພວມພິຈາລະນາຈະກັບຄືນສູ່ດວງເດືອນອີກ,ຂຸດຄົ້ນຊີລິກຄອນໃນດິນເທິງດວງເດືອນ,ເພື່ອເຮັດເປັນແປ້ນຖ່ານພະລັງງານແສງແດດ,ຫຼໍ່ຫຼອນອາລຸມີນຸມແລະເຫຼັກອັນອຸດົມສົມບູນໃນດິນຂອງດວງເດືອນເພື່ອເຮັດອຸປະກອນກໍ່ສ້າງ ແລະສ້າງເຂດທີ່ຫມັ້ນກຽມຍົກຍ້າຍຄົນໄປດວງເດືອນ,ສ່ວນສະພາບັນດິດວິທະຍາສາດລັດເຊຍແມ່ນມີແຜນການອັນຈະແຈ້ງຄືຈະຂຸດຄົ້ນເຮລີສາມໃນດິນຂອງດວງເດືອນ,ເຮລີສາມແມ່ນວັດຖຸເຊື້ອໄຟຄັກກວ່າຫມູ່ໃຫ້ແກ່ເຕົາປະຕິກອນປ່ຽນແປງແບບຫຸບເຂົ້າຂອງນິວເຄຼຍ ຍອດປະລິມານສະສົມແມ່ນມີປະມານ 50 ພັນເທົ່າຂອງຫນ່ວຍໂລກ,ລັດເຊຍກຽມສ້າງສະຖານີດາວທຽມໃນໂຄຈອນດວງເດືອນໃນປີ 2001 ເພື່ອແຕ້ມແຜນທີ່ດວງເດືອນຮອບດ້ານ ກ່ອນປີ 2010 ຈະຍິງສົ່ງລົດຍົນດວງເດືອນເພື່ອຮູ້ປະລິມານເຮລີຢ່າງຄັກແນ່ແລະທີ່ຕັ້ງອັນເຫມາະສົມເພື່ອຂຸດຄົ້ນ,ຫຼັງປີ 2010 ແລ້ວ,ຄົ້ນຄ້ວາເຕັກໂນໂລຢີຂຸດຄົ້ນ,ສ້າງເຂດທີ່ຫມັ້ນຢູ່ດວງເດືອນໃນດ້ານຄົ້ນຄວ້າດາວພະອັງຄານນັ້ນ,ກົມການບິນອະວະກາດອາເມລິກາມີແຜນຈະຍິງສົ່ງຍົນບິນໄປດາວພະອັງຄານໃນປີ2003,ເພື່ອຖ່າຍຮູບດາວດັ່ງກ່າວໃນໄລຍະໃກ້,ນອກນີ້,ກົມການບິນອະວະກາດອາເມລິກາຍັງວາງແຜນປ່ອຍເຄື່ອງສົ່ງຕໍ່ໂທລະຄົມຢູ່ຫນ້າດິນຂອງດາວພະອັງຄານເພື່ອໃຫ້ເຄືອຂ່າຍໂທລະຄົມຂອງຫນ່ວຍໂລກແລະດາວພະອັງຄານເຊື່ອມຕໍ່ກັນ,ເວົ້າສຳລັບການລົງຈອດດາວພະອັງຄານແລ້ວ,ຜູ່ຊ່ຽວຊານຂອງອາເມລິກາ,ລັດເຊຍ,ຍີ່ປຸ່ນແລະເອີລົບລ້ວນແຕ່ເຫັນວ່າ,ຖ້າຈະປະຕິບັດແຜນການນີ້ມັນເສຍເງິນຫຼາຍໂພດ,ສະນັ້ນ,ລະຫວ່າງບັນດາປະເທດຈະຕ້ອງຮ່ວມໄມ້ຮ່ວມມືກັນ,ພວກທ່ານຊີ້ອອກວ່າຄວນສ້າງສະຖານີໂຄຈອນດາວພະອັງຄານທີ່ປະກອບດ້ວຍຕອນດຳລົງຊີວິດ,ຕອນລົງຈອດແລະເຄື່ອງໃຫ້ພະລັງງານ,ເຮືອເຫາະຄົ້ນຄວ້າທີ່ອອກຈາກສະຖານີໂຄຈອນຫນ່ວຍໂລກນັ້ນຈະບິນຮອດສະຖານີໂຄຈອນດາວພະອັງຄານ,ຫລັງຈາກນັ້ນ,ນັກບິນອະວະກາດຂີ່ຕອນລົງຕອນລົງຈອດໄປລົງຈອດຢູ່ດາວພະອັງຄານ,ຖ້າທຸກສິ່ງທຸກຢ່າງດຳເນີນໄປຢ່າງສະດວກ,ຄາດຫມາຍດັ່ງກ່າວກໍຈະບັນລຸຜົນເປັນຈິງໃນປີ 2015 ເຊິ່ງຈະເປັນການແຜ້ວທາງໃຫ້ແກ່ມວນມະນຸດໃນການຍົກຍ້າຍໄປຢູ່ດວງເດືອນ,ດາວພະອັງຄານຫຼືສ້າງຕົວເມືອງຢູ່ກາງອະວະກາດ.
ການຊອກຄົ້ນທາງວິທະຍາສາດແມ່ນບໍ່ມີວັນສ້ຽງສຸດຈັກເທື່ອ,ມວນມະນຸດຈະຢ່ວງບາດກ້າວໄປສູ່ອະວະກາດທີ່ເລີກກວ່າເກົ່າ,ກ່ອນແລະຫລັງປີ 2010,ເຄື່ອງຄົ້ນຄວ້າດາວເຈົ້າໄຟຈະໄປຊອກຄົ້ນພະເຄາະທີ່ຄົນເຮົາບໍ່ເຄີຍໄປຢາມແລະມີການໂຕ້ຖຽງກັນຫຼາຍ,ເຮືອເຫາະຈັກກະວານທີ່ໃຊ້ໄຟຟ້ານິວເຄຼຍບິນອອກຈາກສຸລິຍະຈັກກະວານ,ກ້ອງສ່ອງອະວະກາດຮາໂປ,ກ້ອງສ່ອວດາລາສາດເອັກສ໌ເລ ເຊັນ ຕຣາ ພ້ອມທັງເຄື່ອງຊອກຄົ້ນທີ່ກ້າວຫນ້າໃນອະນາຄົດລ້ວນແຕ່ຈະເຮັດໃຫ້ສາຍຕາຂອງມວນມະນຸດບຸກທະລຸເສັ້ນຈຳກັດຕໍ່ໆກັນຫຼາຍໆເສັ້ນໃນຈັກກະວານ.
|
