ຕາມຂ່າວCRI: ວັນ​ທີ 31 ມີນາ, ທ່າ​ນຊູຊີ​ໂລ ປະທານາທິບໍດີ​ອິນ​ໂດ​ເນ​ເຊຍ​ໄດ້​ໄປ ບັນ​ຊາ​ການ​ກູ້​ໄພຢູ່​ເກາະ​ນິອາສ ​ເຂດ​ປະສົບ​ໄພ​ແຜ່ນດິນ​ໄຫວ​ແຮງ​, ​ແລະ​ຮຽກຮ້ອງ​ໃຫ້​ບັນ​ດາ​ຝ່າຍ​ທີ່​ກ່ຽວ​ຂ້ອງ​ພ້ອມ​ກັນ​ພະຍາຍາມ, ຕ້ານ​ກັບ​ໄພພິບັດ.

ທ່ານ​ຊູຊີ​ໂລ​ກ່າວ​ວ່າ, ວັດ​ສະດຸສົງ​ເຄາະ​ແລະ​ອຸປະກອນ​ທີ່​ລັດຖະບານ​ໃຊ້​ໃນ​ການ​ກູ້​ໄພ​ພວມ​ຂົນ​ສົ່ງ​ອອກ​ຈາກ​ນະຄອນຫຼວງຢາກາກ​ຕາ, ຈະ​ສົ່ງ​ເຖິງ​ເກາະ​ນິອາສ​ໃນ​ໄວໆ​ນີ້.

ນອກ​ນີ້​ຂ່າວ​ແຈ້ງວ່າ, ນັບ​ມາ​ຮອດ​ຕອນ​ຄ່ຳວັນ​ທີ 31 ມີນາ, ສະຫະ​ປະຊາ​ຊາດ​ໄດ້​ສົ່ງ​ພະນັກ​ງານ 30 ຄົນ​ຂອງຫຼາຍ​ອົງການ​ຈັດຕັ້ງ​ໄປເກາະ​ດັ່ງກ່າວ.

​ໃນ​ມື້​ດຽວ​ກັນ, ທ່ານ​ລານ​ລີ​ຈຸ້ນ ​ເອກ​ອັກຄະ​ລັດຖະທູດ​ຈີນ​ປະຈຳ​ອິນ​ໂດ​ເນ​ເຊຍ​ໄດ້​ຕາງ​ໜ້າ​ລັດຖະບານ​ຈີນ​ມອບ​ເງິນສົດ 5 ​ແສນ​ໂດ​ລາ​ສະຫະລັດ​ໃຫ້​ລັດຖະບານ​ອິນ​ໂດ​ເນ​ເຊຍ, ​​ເພື່ອຊ່ອຍ​ເຫຼືອວຽກ​ງານ​ກູ້​ໄພ​ຢູ່​ເຂດ​ປະສົບ​ໄພ​ອິນ​ໂດ​ເນ​ເຊຍ.

ຕາມ​ເຈົ້າໜ້າ​ທີ່​ລັດຖະບານ​ອິນ​ໂດ​ເນ​ເຊຍ​ກ່າວ​ໃນ​ວັນ​ທີ 31 ມີນາ​ວ່າ, ຈຳນວນ​ຄົນ​ເສຍ​ຊີວິດ​ຢູ່​ເກາະນິອາສທີ່ປະສົບໄພໜັກທີ່ສຸດອາດ​ຈະເຖິງ 500 ຄົນ.