ຕາມ​ຂ່າວCRI: ອິນ​ໂດ​ເນ​ເຊຍ​ແລະ​ປະຊາ​ຄົມ​ໂລກ​ພວມ​ເພີ່ມ​ຄວາມແຮງກອບ​ກູ້​ຊ່ອຍ​ເຫຼືອ​ໄພ​ແຜ່ນ​ດິນ​ໄຫວ​ຢ່າງ​ບໍ່​ຂາດ​ສາຍ.

ວັນ​ທີ 1 ​ເມສາ, ​ຢູ່​ຢາ​ກາກ​ຕາ ໂຄສົກ​ທຳນຽບປະທານາທິບໍດີ​ອິນ​ໂດ​ເນ​ເຊຍ​ໄດ້​ໃຫ້​ສຳ​ພາດ​ຕໍ່​ສື່​ມວນ​ຊົນ​ວ່າ, ທ່ານ​ຊູຊີ​ໂລ ປະທານາທິບໍດີ​ອິນ​ໂດ​ເນ​ເຊຍ​ໄດ້​ອອກ​ຄຳ​ສັ່ງ​ໃຫ້​ອົງ​ການ​ປະ​ສານ​ງານ​ຊາວ​ອົບ​ພະຍົບ​ແລະຫຼຸດ​ຜ່ອນ​ຄວາມ​ເສຍ​ຫາຍ​ຍ້ອນໄພພິ​ບັດ​ແຫ່ງ​ຊາດ​ອິນ​ໂດ​ເນ​ເຊຍ​ສ້າງ​ກອງ​ທະຫານ​ກະທົບ​ໄວ​ເພື່ອ​ຮັບ​ມື​ກັບ​ໄພພິບັດ​ທີ່​ເກີດ​ຂຶ້ນຢ່າງ​ກະທັນ​ຫັນ​ໃນ​ທັນທີ. ກົມ​ແຜ່ນດິນ​ໄຫວ​ແລະ​ພູມ​ສາດ​ແຫ່ງ​ຊາດ​ອິນ​ໂດ​ເນ​ເຊຍ​ກໍ່​ພວມ​ວາງ​ແຜນ​ການ, ກຽມ​ສ້າງ​ສະຖານີ​ສັງ​ເກດ​ແຜ່ນດິນ​ໄຫວ 160 ​ແຫ່ງ​​ໃນທົ່ວ​ປະ​ເທດ​ພາຍ​ໃນ 5 ປີ​ຂ້າງ​ໜ້າ.

ນອກ​ນີ້​ຂ່າວ​ແຈ້ງວ່າ, ປະຈຸ​ບັນ ພະນັກງານ​ກອບ​ກູ້​ສາກົນຢູ່​ເກາະ​ນິອາສ​ໄດ້​ມີ​ເຖິງ 130 ກວ່າ​ຄົນ​ແລ້ວ. ຕາມ​ຄາດ​ຄະ​​ເນວ່າ, ​ແຜ່ນດິນ​ໄຫວ​ຢູ່​ອິນ​ໂດ​ເນ​ເຊຍ​ເທື່ອ​ນີ້​​ໄດ້ເຮັດ​ໃຫ້​ປະມານ 1000 ຄົນ​ເສຍ​ຊີວິດ, ຜູ່​ບາດ​ເຈັບ​ຍັງບໍ່​ສາມາດ​ເຮັດສະຖິຕິ​​ເທື່ອ. ນັບ​ມາ​ຮອດ​ວັນ​ທີ 31 ມີນາ, ອົງການ​ແຜນການ​ທັນ​ຍາ​ຫານ​ໂລກ​ໄດ້​​ແຈກອາຫານ 2 ລ້ານ 5 ​ແສນ​ໂຕນ​ຢູ່​​ເກາະນິອາສ​ແລ້ວ. ວັດ​ສະ​ດຸ​ສົງ​ເຄາະ​ຂອງ​ອົງການ​ຈັດຕັ້ງສາກົນ​ອື່ນໆ ລັດ​ຖະບານ​ອິນ​ໂດ​ເນ​ເຊຍ​ແລະ​ວິ​ສາ​ຫະກິດ​ສ່ວນ​ຕົວ​ໃນອິນ​ໂດ​ເນ​ເຊຍກໍ່​ເລີ່​ມ​ແຈກ​ຢາຍ​ໃຫ້​ແຫ່ງ​ຕ່າງໆ​ແລ້ວ.