|
ທ່ານອານແດັກຊັງ ແມ່ນນັກປະພັນນິຍາຍເດັກທີ່ມີຊື່ສຽງຂອງດານມາ,ໃນຕະຫຼອດຊີວິດຂອງທ່ານ,ທ່ານໄດ້ແຕ່ງນິຍາຍເດັກເກືອບ200ເລື່ອງ,ນະວະນິຍາຍ6ເຊື່ອງ,ບົດບັນທຶກການທ່ອງທ່ຽວ5ເລື່ອງ,ຊີວະປະຫວັດຂອງຕົນເອງ3ສະບັບ,ພ້ອມດ້ວຍກາບກອນແລະເລື່ອງລະຄອນຈຳນວນຫຼວງຫຼາຍ.ນິຍາຍເດັກຂອງທ່ານໄດ້ແປເປັນ100ກວ່າພາສາແລະຕົວໜັງສື,ມີຢູ່ຕາມບັນດາປະເທດໃນໂລກ.ຈົນຮອດຊູ່ມື້ນີ້,ບົດປະພັນຂອງທ່ານອານແດັກຊັງຍັງເຜີຍແຜ່ຢ່າງກວ້າງຂວາງແລະໄດ້ຮັບຄວາມຊົມເຊີຍຈາກຄົນທັງຫຼາຍຢ່າງບໍ່ມີວັນເສົ້າໝອງ,ບໍ່ພຽງແຕ່ໄດ້ມີຜົນສະທ້ອນຕໍ່ຊີວິດດ້ານຈິດໃຈຂອງເດັກນ້ອຍຫຼາຍຮຸ່ນແລະຫຼາຍເຊັ່ນຄົນເທົ່ານັ້ນ,ຍັງໄດ້ນຳເອົາຄວາມມ່ວນຊື່ນ,ຄວາມກ້າຫານ,ຄວາມຈິງໃຈ,ອັດທະຍາໄສໄມຕີ, ໃຈບຸນແລະຄວາມດີງາມມາໃຫ້ພວກເດັກນ້ອຍ.
ວັນທີ2ເມສາປີ2005ແມ່ນວັນເກີດຂອງທ່ານອານແດັກຊັງຄົບຮອບ200ປີ.ເພື່ອລະລຶກນັກວັນນະຄະດີທີ່ມີຊື່ສຽງໃນໂລກຜູ້ນີ້,ອົງການຢູເນັສໂກສະຫະປະຊາຊາດໄດ້ກຳນົດປີ2005ເປັນປີອານແດັກຊັງ.
ວັນທີ1ເມສາ,ຢູ່ເມືອງໂອເດັນເຊແຫ່ງດານມາກ,ຄົນຜູ້ໜຶ່ງຍ່າງຜ່ານສິ່ງກໍ່ສ້າງຫຼັງໜຶ່ງທີ່ແຕ້ມຮູບຂອງທ່ານອານແດັກຊັງທີ່ໃຫຍ່ໂຕໃສ່ເທິງກະຈົກປ່ອງຢ້ຽມ.ວັນທີ2ເມສາປີ1805,ທ່ານອານແດັກຊັງເກີດຢູ່ຄອບຄົວຊ່າງເຮັດເກີບທີ່ທຸກຍາກຢູ່ເມືອງໂອເດັນເຊ,ທ່ານໄດ້ອາໄສຢູ່ແຫ່ງນີ້ເປັນເວລາ14ປີໃນໄລຍະຕົ້ນຂອງຊີວິດ.ເມືອງໂອເດັນເຊຮູ້ສຶກມີກຽດຫຼາຍຍ້ອນທ່ານອານແດັກຊັງ,ຢູ່ໃນເມືອງດັ່ງກ່າວ,ຢູ່ໃສກໍມີຮູບຂອງທ່ານອານແດັກຊັງ.
ໄຟແດງໄຟຂຽວໃນເມືອງໂອເດັນເຊ ດານມາກແມ່ນຮູບເຈ້ຍຕັດຂອງທ່ານອານແດັກຊັງ.
1 2
|
