|
ຄຸກອາບູກຼາອິບຂອງອີຣັກຖືກຫຼອນໂຈມຕີ,ຢ່າງໜ້ອຍມີທະຫານອາເມລິກາ20ຄົນບາດເຈັບ
cri
Author: q
ຕາມຂ່າວCRI,ວັນທີ2ເມສາ,ກອງທະຫານອາເມລິກາປະຈຳອີຣັກໄດ້ອອກຖະແຫຼງການວ່າ,ໃນມື້ດຽວກັນ,ຜູ້ປະກອບອາວຸດອີຣັກຫຼາຍສິບຄົນໄດ້ຫຼອນໂຈມຕີຄຸກອາບູກຼາອິບທີ່ຕັ້ງຢູ່ຊານເມືອງຕາເວັນຕົກເມືອງແບກແດດ,ຢ່າງໜ້ອຍເຮັດໃຫ້ທະຫານອາເມລິກາ20ຄົນຖືກບາດເຈັບ.
ຕາມໄດ້ຊາບ,ປະມານ7ໂມງແລງວັນທີ2ເມສາ,ຜູ້ປະກອບອາວຸດ40ກວ່າຄົນໄດ້ຍິງລັອກແກັດໃສ່ຄຸກອາບູກຼາອິບແລະໄດ້ດຶງສະນວນລະເບີດສອງລູກເທິງລົດຍົນ.ຫຼັງຈາກນັ້ນ,ກອງທະຫານອາເມລິກາໄດ້ຕ່າວຕີຄືນ,ສອງຝ່າຍໄດ້ຍິງສູ້ກັນປະມານ1ຊົ່ວໂມງ.ປັດຈຸບັນ,ຍັງບໍ່ຮູ້ ສະພາບຕາຍແລະບາດເຈັບຂອງຜູ້ປະກອບອາວຸດເທື່ອ.
ປັດຈຸບັນ,ຄຸກອາບູກຼາອິບໄດ້ຂັງຊາວອີຣັກປະມານ3500ຄົນ,ໃນນັ້ນ,ສ່ວນຫຼາຍແມ່ນຖືກຈັບຕົວຍ້ອນຫຼອນໂຈມຕີກອງທະຫານອາເມລິກາປະຈຳອີຣັກ.
ໃນມື້ດຽວກັນ,ແຫ່ງຕ່າງໆຂອງອີຣັກຍັງໄດ້ເກີດເຫດການຫຼອນໂຈມຕີຫຼາຍລາຍທີ່ແນໃສ່ຕຳຫຼວດແລະເຈົ້າໜ້າທີ່ລັດຖະບານ.
|
|
