ຕາມຂ່າວCRI ວັນທີ 3 ເມສາ ຜູ່ສັນທັດກໍລະນີປາເລັສຕີນໄດ້ປະກາດຕໍ່ວົງການຖະແຫຼງຂ່າວວ່າ ເຈົ້າຫນ້າທີ່ປາເລັສຕີນແລະອິສລາແອໄດ້ຈັດການພົບປະໂດຍທາງລັບໃນຫວ່າງມໍ່ໆນີ້ ຫາລືການຂະຫຍາຍຂອບເຂດທີ່ອິສລາແອນຖອນທະຫານອອກຈາກ ແຖບກາຊາແລະເຂດຝັ່ງຕາເວັນຕົກແມ່ນ້ຳຈໍແດນໃນເດືອນກໍລະກົດ
ຕາມແຜນການການເຄື່ອນໄຫວແຕ່ຝ່າຍດຽວທີ່ທ່ານຊາລອນ ນາຍົກ ລັດຖະມົນຕີອິສລາແອນສະເຫນີອອກມາໃນທ້າຍປີ 2003 ອິສລາແອນຈະເລີ່ມຖອນຈຸດຕັ້ງຖິ່ນຖານທັງຫມົດ 21 ແຫ່ງຢູ່ແຖບກາຊາແລະຈຸດຕັ້ງຖິ່ນຖານໂດດດ່ຽວ4 ແຫ່ງພາກເຫນືອຝັ່ງຕາເວັນຕົກແມ່ນ້ຳຈໍແດນແຕ່ເດືອນກໍລະກົດປີນີ້ເປັນຕົ້ນໄປ
ນອກນີ້ ຂ່າວແຈ້ງວ່າ ໃນມື້ດຽວກັນ ເຈົ້າຫນ້າທີ່ຊັ້ນສູງຜູ່ຫນຶ່ງຂອງອົງການອຳນາດແຫ່ງຊາດປາເລັສຕີນໄດ້ເຜີຍໃຫ້ຮູ້ວ່າ ປາເລັສຕີນແລະອິສລາແອນໄດ້ເຊັນສັນຍາຮອບດ້ານກ່ຽວກັບ ການຈັດວາງຜູ່ປະກອບອາວຸດປາເລັສຕີນທີ່ຖືກອິສລາແອນປະກາດຈັບຕົວ ເຈົ້າຫນ້າທີ່ປາເລັສຕີນໄດ້ໃຫ້ຄຳຫມັ້ນສັນຍາປ້ອງກັນຄວາມປອດໄພຂອງຜູ່ປະກອບອາວຸດເຫຼົ່ານີ້
|