|
|
(GMT+08:00)
2005-04-04 16:12:12
|
|
ກ່ຽວກັບຫນ່ວຍໂລກ
cri
Author: sayvanny
ແຜ່ນດິນມະນຸດເຮົາແລະສັດສາວາສິ່ງອາໃສດຳລົງຊີວິດແລະສືບຫນໍ່ຕໍ່ແນວກັນມານັ້ນ,ຄົນທັງຫຼາຍເອີ້ນວ່າຫນ່ວຍໂລກເຊິ່ງໃນສັບເດີນຂອງມັນແມ່ນມີຄວາມຫມາຍຢູ່ວ່າທີ່ດິນທີ່ເປັນຮູບຫມາກບານ,ແຕ່ທຳມະດາແລ້ວ,ຄົງຈະບໍ່ມີໃຜຄົ້ນຄວ້າດອກວ່າເປັນຫຍັງຄ່ອຍເປັນດິນທີ່ເປັນຮູບບານຫຼືຫນ່ວຍໂລກແລະເປັນຫຍັງຈິ່ງບໍ່ເອີ້ນເປັນຊື່ອື່ນ,ແລະທ່ານອາດຈະຖາມວ່າ,ແມ່ນໃຜເປັນຜູ່ຕັ້ງຊື່ຫນ່ວຍໂລກກ່ອນຫມູ່,ກ່ຽວກັບບັນຫານີ້,ຄົນສ່ວນຫຼາຍແມ່ນບອກວ່າແມ່ນທ່ານອາລິສໂຕເຕ ນັກປັດຊະຍາທັງເປັນນັກວິທະຍາສາດເກັຼກ.ທີ່ຈິງແລ້ວ,ຜູ່ທີ່ສະເຫນີຊື່ນີ້ກ່ອນເພິ່ນນັ້ນ,ແມ່ນທ່ານປຼາໂຕ ອາຈານຂອງທ່ານອາລິສໂຕເຕພຸ້ນ.
ກ່ອນຄິດຕະສັກກະຫຼາດ 4 ສັດຕະວັດ ເມື່ອໄດ້ຄົ້ນຄວ້າແລ້ວ,ທ່ານປຼາໂຕ ຮູບຊົງທີ່ງາມບໍລິບູນກວ່າຫມູ່ໃນໂລກກໍແມ່ນຮູບຫມາກບານ,ຜືນແຜ່ນດິນທີ່ມະນຸດເຮົາອາໃສຢູ່ນີ້ກໍຄວນເປັນຮູບຊົງທີ່ງາມບໍລິບູນທີ່ສຸດ,ຜືນແຜ່ນດີນມີແຕ່ເປັນຮູບກົມຈຶ່ງຈະເຂົ້າກັນກັບໂລກຈັກກະວານແລະຄວາມຮຽກຮ້ອງທາງຕົວເລກ.
ໃນຄາວນັ້ນ,ທ່ານປຼາໂຕ ໄດ້ເຂົ້າຮ່ວມອົງການວິຊາການຫນຶ່ງຂອງເກຼັກບູ ຮານ,ອົງການວິຊາການດັ່ງກ່າວໄດ້ຕົກລົງຖືຫລັກທິດສະດີຂອງທ່ານເປັນຂອງ ພາຍໃນອົງການນີ້ເອງ,ແລະປິດລັບຢ່າງສຽບຂາດ,ສະນັ້ນ,ທັດສະນະກ່ຽວກັບຫນ່ວຍໂລກຂອງທ່ານປຼາໂຕຈຶ່ງບໍ່ໄດ້ຮັບການເຜີຍແຜ່ຕັ້ງດົນນານ.
ພາຍຫລັງມາ,ທ່ານອາລິສໂຕເຕໄດ້ສືບທັດສະນະຂອງທ່ານອາຈານປຼາໂຕແລະເມື່ອໄດ້ສັງເກດປະກົດການທຳມະຊາດເປັນຈຳນວນຫຼວງຫຼາຍເຊັ່ນ: ຈັນທະ ຄາດເປັນຕົ້ນແລ້ວ,ກໍ່ໄດ້ປະກາດວ່າ,ແຜ່ນດິນເປັນຮູບຫມາກບານ.
1 2
|
|
|