ຕາມຂ່າວCRI: ວັນທີ 4 ເມສາຢູ່ທີ່ປັກກິ່ງ, ທ່ານເຈິງຊິງຫົງ ຮອງປະທານປະເທດຈີນໄດ້ພົບປະສະເດັດສິລິນທອນ ເຈົ້າຍິງແຫ່ງລາຊະອານາຈັກໄທ, ທ່ານເຈິງຊິງຫົງກ່າວວ່າ, ເນື່ອງໃນໂອກາດຈີນໄທສ້າງສາຍສຳພັນທາງການທູດຄົບຮອບ 30 ປີ, ຝ່າຍຈີນຍິນດີພ້ອມກັບຝ່າຍໄທທຳຄວາມພະຍາຍາມ, ຊຸກຍູ້ການຮ່ວມມືຍຸດທະສາດລະຫວ່າງຈີນໄທໃຫ້ມີການພັດທະນາໃໝ່.
ທ່ານເຈິງຊິງຫົງກ່າວວ່າ, ຈີນໄທສອງປະເທດໄດ້ປະຕິບັດຕໍ່ກັນດ້ວຍຄວາມຈິງໃຈສະໜັບສະໜູນເຊິ່ງກັນແລະກັນແລະຮ່ວມມືກັນຢ່າງແໜ້ນແຟ້ນແລະສະເໝີຕົ້ນສະເໝີປາຍ, ເປັນແບບຢ່າງແຫ່ງໄມຕີຈິດມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະຮ່ວມມືກັນ. ເຈົ້າຍິງສິລິນທອນຊົງຕັດວ່າ, ການມາຢ້ຽມຢາມເທື່ອນີ້ມີຈຸດປະສົງຊຸກຍູ້ການແລກປ່ຽນແລະການຮ່ວມມືດ້ານການສຶກສາ ວິທະຍາສາດເຕັກໂນໂລຊີແລະວັດທະນະທຳລະຫວ່າງໄທຈີນ, ແລະຊອກຮູ້ການພັດທະນາແລະການປ່ຽນແປງຂອງພາກຕາເວັນຕົກຂອງຈີນ, ເຮັດວຽກຫຼາຍກວ່າເກົ່າເພື່ອຊຸກຍູ້ມິດຕະພາບລະຫວ່າງໄທຈີນ.
|