ທ່ານຊາລອນກ່າວວ່າຈະຍຶດໝັ້ນຊຸກຍູ້ແຜນການຂະຫຍາຍສ້າງຈຸດຕັ້ງຖິ່ນຖານຂອງຊາວຢິວຢູ່ຝັ່ງຕາເວັນຕົກແມ່ນ້ຳຈໍແດນ
cri
Author: mengmeng
ຕາມຂ່າວCRI, ວັນທີ4ເມສາ, ທ່ານຊາລອນ ນາຍົກລັດຖະມົນຕີອິສລາແອນກ່າວວ່າ, ທ່ານຈະຍຶດໝັ້ນຊຸກຍູ້ແຜນການຂະຫຍາຍສ້າງຈຸດຕັ້ງຖິ່ນຖານຂອງຊາວຢິວຢູ່ຝັ່ງຕາເວັນຕົກແມ່ນ້ຳຈໍແດນ.
ວັນທີ4ເມສາ, ທ່ານເອເລຄັດ ຜູ້ແທນເຈລະຈາຜູ້ທີໜຶ່ງຂອງປາເລສຕິນໄດ້ກ່າວປະນາມຢ່າງຮຸນແຮງຕໍ່ທ່າທີດັ່ງກ່າວຂອງທ່ານຊາລອນ. ວັນທີ4ເມສາ, ທ່ານແມັກເຄຼເລິນ ໂຄສົກທຳນຽບຂາວຂອງອາເມລິກາກໍກ່າວວ່າ, ອາເມລິກາຄັດຄ້ານແຜນການຂະຫຍາຍສ້າງຈຸດຕັ້ງຖິ່ນຖານຂອງຊາວຢິວດັ່ງກ່າວ.
ຕາມຂ່າວແຈ້ງອີກວ່າ, ວັນທີ4ເມສາ, ທ່ານອັບບາສ ປະທານອົງການອຳນາດແຫ່ງຊາດປາເລສຕິນໄດ້ລົງຄຳສັ່ງປົດອາວຸດຂອງຜູ້ປະກອບອາວຸດປາເລສຕິນທີ່ເຄີຍຖືກອິສລາແອນສັ່ງຈັບພາຍໃນສອງອາທິດ. ແຕ່ຕອນຄ່ຳວັນທີ4ເມສາ, ຝ່າຍປະກອບອາວຸດຕົ້ນຕໍຂອງປາເລສຕິນໄດ້ປະຕິເສດຄຳສັ່ງດັ່ງກ່າວ.
ວັນທີ4ເມສາ, ທ່ານລາຈຸບ ທີ່ປຶກສາວຽກງານຄວາມປອດໄພຂອງທ່ານອັບບາສເວົ້າຕໍ່ສື່ມວນຊົນວ່າ, ທ່ານອັບບາສຈະປະຕິບັດແຜນການສັບຊ້ອນອົງການຄວາມປອດໄພຂອງປາເລສຕິນໃນໄວໆນີ້.
|
|