|
ທ່ານທາມເຊິນ ນັກຟິຊິກສາດທີ່ມີຊື່ສຽງເວົ້າວ່າ,ໃນປັດໄຈທັງຫມົດທີ່ສາມາດປະກອບສ່ວນໃຫ້ແກ່ວິທະຍາສາດນັ້ນ,ການທັບມ້າງທັດສະນະຄະຕິແມ່ນຍິ່ງໃຫຍ່ກວ່າຫມູ່,ໃນຫົວລ້ຽວຫົວຕໍ່ສຳຄັນແຫ່ງການຂະຫຍາຍວິທະຍາສາດນັ້ນ,ຍາມໃດກໍແມ່ນຍ້ອນມີຄົນກ້າທັບມ້າງທັດສະນະຄະຕິເດີມ,ແລ້ວສະເຫນີທັດສະນະຄະຕິໃຫມ່ທີ່ມີລັກສະນະປະຕິວັດອອກມາ,ຈິ່ງໄດ້ພາກຳປັ່ນແຫ່ງວິທະຍາສາດທີ່ປະສົບສິ່ງກີດຂວາງອັນມະຫາສານນັ້ນແລ່ນໄປສູ່ທາງທະເລທີມີໄຊສາຍໃຫມ່.
ພວກເຮົາຈົ່ງມາຫວນຄືນການປ່ຽນແປງທັດສະນະຄະຕິອັນສຳຄັນຍິ່ງຫຼາຍເທື່ອທີ່ເກີດຂຶ້ນໃນສັດຕະວັດທີ 20 .
ເກືອບຫມົດທຸກຄົນໃຜກໍຮູ້ວ່າ,ຢູ່ໃຕ້ອຸນຫະພູມປົກກະຕິນັ້ນ,ໂລຫະແມ່ນກົງດັກເຕີອັນຈົບດີຂອງໄຟຟ້າ,ເຄື່ອງປັ້ນດິນເຜົາແລະພຼາສ໌ຕິກແມ່ນສິ່ງກັນໄຟຟ້າ,ເມື່ອປີ 1911,ທ່ານອອນເນັສ ນັກຟິຊິກສາດຂອງໂຮນລັງໄດ້ຄົ້ນພົບ,ຄວາມຕ້ານໄຟຟ້າຂອງບາຈະຫຼຸດລົງຮອດສູນຢ່າງກະທັນຫັນພາຍໃຕ້ອຸນຫະພູມລົບ 269 ອົງສາ,ຈາກນີ້ຈິ່ງໄດ້ມີສັບໃຫມ່ເກີດຂຶ້ນຄື:ປາກົດການຊຸບເປີກົງດຸກເຕີ.ກໍແມ່ນຍ້ອນມີການຄົ້ນພົບດັ່ງກ່າວ,ທ່ານອອນເນັສ ຈິ່ງໄດ້ລາງວັນໂນແບນທາງຟິຊິກສາດເມື່ອປີ1913 .ແຕ່ຄວນເວົ້າວ່າ,ການຄົ້ນພົບສິ່ງຊຸບເປີກົງດຸກເຕີເປັນການຊຸກທະລຸອັນຍິ່ງໃຫຍ່ທາງດ້ານທັດສະນະຄະຕິ.ອີງຕາມທັດສະນະຄະຕິທາງຟິຊິກສາດທີ່ມີຢູ່ແລ້ວ,ສິ່ງຊຸບເປີກົງດຸກເຕີໃດໆກໍລ້ວນແຕ່ມີຄວາມຕ້ານໄຟຟ້າ,ຢູ່ໃສຈະມີຄວາມຕ້ານໄຟຟ້າທີ່ເປັນເລກສູນຈັກເທື່ອ?
ແຕ່ນັ້ນມາ,ນັກວິທະຍາສາດປະເທດຕ່າງໆຈິ່ງເລີ່ມຊອກຫາສິ່ງຊຸບເປີກົງດຸກເຕີ,ທຳມະດາແລ້ວ,ຄົນທັງຫຼາຍມັກຊອກຫາສິ່ງຊຸບເປີກົງດຸກເຕີໃນອຸປະກອນໂລຫະນີ້ແມ່ນສອດຄ່ອງກັບເຫດຜົນທຳມະດາແລະສອດຄ່ອງກັບໂລຊິກ,ຖ້າມີຜູ່ໃດຫາກຍັງຊູຊີຢາກໄປຊອກຫາສິ່ງຊຸບເປີກົງດຸກເຕີຢູ່ໃນວັດຖຸຕໍ່ໄຟຟ້າບໍ່ໄດ້ຢູ່ໃນອຸນຫະພູມທຳມະດາແນ່ນອນ.ຄົນທັງຫຼາຍຕ້ອງນຶກວ່າເຂົາຜູ່ນີ້ເສຍເສັ້ນ,ເພາະສະນັ້ນ,ແຕ່ປີ 1911 ຮອດ ປີ 1985,ບັນດານັກວິທະຍາສາດກໍມີແຕ່ຄົ້ນພົບ,ອຸປະກອນໂລຫະບາງຊະນິດແມ່ນມີຊຸບເປີກົງດຸກເຕີວີຕີຢູ່ໃຕ້ອຸນຫະພູມໃກ້ສູນອົງສາເດັດຖານ,ການຄົ້ນຄວ້າຊຸບເປີກົງດຸກເຕີເລີຍປະສົບອຸປະສັກ.
ທ່ານມູເລີ ຊາວສະວິສແລະທ່ານແບກໂນເຈ ຊາວເຢຍລະມັນທີ່ເຮັດວຽກຢູ່ສະຖາບັນຄົ້ນຄວ້າຊຸຍລິກ ແຫ່ງບໍລິສັດການຄ້າເຄື່ອງຈັກສາກົນອາເມລິກາ,ພວກທ່ານຄິດວ່າ,ເມື່ອໂລຫະໃຊ້ການບໍ່ໄດ້ແລ້ວ,ຄວນເອົາເຄື່ອງປັ້ນດິນເຜົາມາທົດລອງເບິ່ງຊິບໍ່ໄດ້ບໍ່?ຢູ່ໃຕ້ອຸນຫະພູມທຳມະດາ,ເຄື່ອງປັ້ນດິນເຜົາແມ່ນຕໍ່ໄຟຟ້າບໍ່ໄດ້,ແຕ່ໃຜຈະວ່າເມື່ອຢູ່ໃຕ້ອຸນຫະພູມຕ່ຳແນ່ນອນມັນກໍຈະຕໍ່ໄຟຟ້າບໍ່ໄດ້?ບັດນັ້ນ,ພວກເພິ່ນເລີຍຕົກລົງເລີ່ມດຳເນີນການຄົ້ນຄວ້າດັ່ງກ່າວເຊິ່ງຜູ່ອື່ນບໍ່ເຄີຍເຮັດມາຈັກເທື່ອຄື:ໃຊ້ເຄື່ອງປັ້ນດິນເຜົາເປັນອຸປະກອນຊຸບເປີກົງດຸກເຕີ,ແຕ່ຈະພາກັນເຮັດຢູ່ໃສ?ຢູ່ສະຖາບັນນີ້ບໍ່?ບໍ່ໄດ້,ຖ້າຄົນທັງຫຼາຍຮູ້ແລ້ວ,ເຂົາເຈົ້າຈະຫົວຂວັນຈົນໄສ້ຂົດໄສ້ໂຂ,ເລື່ອງນີ້ຈະຕ້ອງເຮັດແບບມິດໆ,ບັດນັ້ນ,ພວກເພິ່ນຈິ່ງເລີ່ມຄົ້ນຄວ້າວຽກນີ້ຢູ່ໃນສວນຫລັງບ້ານຂອງໃຜຂອງລາວ,ຖ້າຜູ່ອື່ນບໍ່ຮູ້,ເຮັດບໍ່ສຳເລັດກໍບໍ່ມີຫຍັງເສຍຫາຍ.
ເມື່ອເດືອນມັງກອນປີ 1986 ,ໃນທີ່ສຸດ,ພວກເພິ່ນກໍຄົ້ນພົບເຄື່ອງປັ້ນດິນເຜົາທີ່ປະສົມໂລຫະຫາຍຊະນິດບໍ່ມີຄວາມຕ້ານໄຟຟ້າຢູ່ໃຕ້ອຸນຫະພູມ 30K,ອຸນຫະພູມດັ່ງກ່າວສູງກວ່າໂລຫະຊຸບເປີກົງດຸກເຕີທີ່ມີອຸນຫະພູມສູງສຸດນັ້ນຕັ້ງ 7 ອົງສາ,ຫມາຍຄວາມວ່າ ທັດສະນະຄະຕິເກົ່າໃນ 70 ກວ່າປີມານີ້ໄດ້ຖືກທັບມ້າງແລ້ວ,ຕໍ່ມາ,ໃນເດືອນກຸມພາປີ 1987, ນັກຟິຊິກສາດຈີນແລະອາເມລິກາກໍໄດ້ຄົ້ນຄວ້າເຮັດອຸປະກອນຊຸບເປີກົງດຸກເຕີທີ່ມີອຸນຫະພູມຍິ່ງສູງກວ່າຕາມໆກັນ,ອຸປະກອນຊຸບເປີກົງດຸກເຕີ,ທ່ານມູເລີແລະທ່ານແບກໂນເຈ ກໍໄດ້ລາງວັນໂນແບນທາງຟິຊິກສາດປີ 1987.ປະສົບການຂອງພວກເພິ່ນໄດ້ເຮັດໃຫ້ພວກເຮົາມີຄວາມຄຶດຢູ່ສອງຂໍ້ເປັນຢ່າງຫນ້ອຍຄື:ຫນຶ່ງແມ່ນການຄົ້ນພົບອັນຍິ່ງໃຫຍ່ທາງວິທະຍາສາດກ່ອນອື່ນແມ່ນມາຈາກການບຸກທະລຸທັດສະນະຄະຕິ,ສອງແມ່ນເຖິງວ່າດຽວນີ້ມາຮອດອັນທີ່ເອີ້ນວ່າຍຸກສະໄຫມວິທະຍາສາດໃຫຍ່ແລ້ວກໍຕາມ,ແຕ່ວິທະຍາສາດນ້ອຍກໍຍັງສາມາດຮັບຫມາກຜົນໃຫຍ່ໄດ້ຢູ່.
ເມື່ອເລົ່າເຄື່ອງປັ້ນດິນເຜົາແລ້ວໆ,ພວກເຮົາຈະມາເລົ່າເລື່ອງພຼາສຕິກຄືນອີກ,ຖ້າຫາກຕັ້ງຄຳຖາມທ່ານວ່າ,ພຼາສຕິກຕໍ່ໄຟຟ້າໄດ້ບໍ່?ທ່ານກໍຈະໃຫ້ຄຳຕອບໃນທັນທີຢ່າງບໍ່ມີຄຶດເຄື່ອງຫຍັງຫມົດວ່າ,ພຼາສຕິກຕໍ່ໄຟຟ້າບໍ່ໄດ້,ຖ້າຕອບແນວນີ້ໃນເມື່ອກ່ອນແມ່ນບໍ່ຜິດ,ແຕ່ໃນຊູ່ມື້ນີ້ຄຳຕອບແນວນີ້ແມ່ນບໍ່ຮອບດ້ານ,ເພາະວ່າມີຄົນໄດ້ຄົ້ນເຮັດພຼາສຕິກທີ່ຕໍ່ໄຟຟ້າໄດ້ແລ້ວ.
ແຕ່ຕົ້ນຊຸມປີ 70 ໃນສະຕະວັດທີ່ແລ້ວ, ທ່ານຮີເຕຄີ ຊີລາຄາວາ ນັກວິທະຍາສາດຍີ່ປຸ່ນກໍໄດ້ເລີ່ມຄິດບັນຫາຫນຶ່ງຄື:ຈະເຮັດພຼາສຕິກໃຫ້ຕໍ່ໄຟຟ້າໄດ້ບໍ່?ມີຢູ່ເທື່ອຫນຶ່ງ,ນັກສຶກສາຂັ້ນເຫນືອມະຫາວິທະຍາໄລຂອງທ່ານໄດ້ເອົາຢາເລັ່ງໄປໃສ່ໃນຜົງພຼາສຕິກ,ແລະໃສ່ຫຼາຍເກີນຫຼາຍພັນເທົ່າ,ຜົນທີ່ສຸດເລີຍພາໃຫ້ພຼາສຕິກເກີດມີເຍື່ອບາງໆສີຂາວຫຼືບຫນຶ່ງ,ເມື່ອທ່ານຮີເຕຄີ ຊີລາຄາວາ ເຫັນສີໂລຫະດັ່ງກ່າວຮູ້ສຶກກະຕຸ້ນໃຈທີ່ສຸດ,ແຕ່ພໍແທກເບິ່ງແລ້ວເຫັນວ່າ,ມັນຕໍ່ໄຟຟ້າບໍ່ໄດ້.
ຄວາມຜິດພາດຢ່າງບໍ່ນຶກບໍ່ຝັນເທື່ອນີ້ຊ້ຳພັດເຮັດໃຫ້ທ່ານຮີເຕຄີ ຊີລາຄາວາມີຄວາມຄຶດແນວຫນຶ່ງ,ຄື:ທ່ານໄດ້ປະສົມທາດອີອົດແລະໂບຼມ ເປັນຕົ້ນໃສ່ໃນພຼາສຕິກ.ຊອກຫາວິທີປ່ຽນແປງສະພາບເອເລັກໂຕຼນິກຂອງພຼາສຕິກ.ປີ 1976 ໂດຍຕອບສະຫນອງຄຳເຊີນຂອງທ່ານແອນເລີນ.ເຮັກແລະທ່ານແອນເລີນ-ມາກຕິນມິດ ນັກວິທະຍາສາດອາເມລິກາສອງທ່ານ,ທ່ານຮີເຕຄີ ຊີລາຄາວາ ໄດ້ເດີນທາງໄປອາເມລິກາຮ່ວມມືຄົ້ນຄວ້າແລ້ວໄດ້ສຳເລັດຜົນ,ພວກທ່ານທັງສາມຈຶ່ງໄດ້ຮັບລາງວັນໂນແບນທາງເຄມີສາດປີ 2000 ພຼາສຕິກຕໍ່ໄຟຟ້າແມ່ນຫມາກຜົນອັນຍິ່ງໃຫຍ່,ບໍ່ພຽງແຕ່ແມ່ນຍ້ອນວ່າມັນມີອະນາຄົດປະຢຸກຢ່າງກວ້າງຂວາງ,ຫາກຍັງໄດ້ເຮັດໃຫ້ພວກເຮົາມີຄວາມສຳນຶກກຶກກອງຢ່າງເລິກເຊິ່ງຫຼາຍ.ມັນກໍແມ່ນມາຈາກການບຸກທະລຸທັດສະນະຄະຕິຄືກັນມາຈາກການທົດລອງວິທະຍາສາດນ້ອຍຄືກັນ,ນອກນີ້,ເລື້ອງນີ້ໄດ້ບອກໃຫ້ພວກເຮົາຮູ້ວ່າ,ຈະເຮັດແນວໃດຈິ່ງຈະເຮັດໃຫ້ການສັງເກດແລະຄຶດຫງຳສະພາບທີ່ປະກົດຂຶ້ນຢ່າງບໍ່ນຶກບໍ່ຝັນ,ເຮັດໃຫ້ການທ້າທາຍກັບກາຍເປັນໂອກາດ.
ວິທະຍາສາດແມ່ນສິ່ງສະຕິສຳປະຊັນຍະແລະສິ່ງໂລຊິກ.ແຕ່ວ່າໃນເມື່ອວິທະຍາສາດເດີມຮອດທາງສາມແຍກແລ້ວມັນກໍຮຽກຮ້ອງໃຫ້ຫຼຸດອອກຈາກໂລຊິກເດີມ,ຮຽກຮ້ອງໃຫ້ມີຈິນຕະນາການວົງເປີດ,ຮຽກຮ້ອງໃຫ້ບຸກທະລຸອອກຈາກທັດສະນະຄະຕິເດີມ,ຮຽກຮ້ອງໃຫ້ມີທັດສະນະຄະຕິໃຫມ່ກຳເນີດເກີດຂຶ້ນຢ່າງສະຫງ່າລາສີ,ໃນເວລາມະນຸດປິນຂຶ້ນເມືອຮອດຈອມສູງໃຫມ່ແຫ່ງວິທະຍາສາດແລ້ວຫຼຽວຄືນໄປເບິ່ງຈຸດເລີ່ມເກົ່າແລ້ວກໍມັກຮູ້ສຶກວ່າ,ທຸກສິ່ງທຸກຢ່າງທີ່ຜ່ານມານັ້ນມັນງ່າຍດາຍໂພດ,ທ່ານດີລັກສະເຫນີວັດຖຸລົບ,ກໍ່ບໍ່ແມ່ນຕື່ມເຄື່ອງຫມາຍລົບໄວ້ຢູ່ຕໍ່ຫນ້າຄຸນນະພາບຫວະ? ທ່ານກິນປີ ສະເຫນີອອກມາວ່າ ວົງຈອນໄຟຟ້າຊຽກກຸຍແອງແຕກເກຼ,ກໍ່ບໍ່ແມ່ນເອົາບາງຊີກສ່ວນເອເລັກໂຕຼນິກມາປະກອບໃສ່ແຜ່ນຊີລີຄອນຫວະ? 5 ທ່ານອື່ນໆເປັນຕົ້ນແມ່ນທ່ານມູເລີແລະທ່ານຮີເຕຄີ ຊີລາຄາວາ ກໍ່ບໍ່ແມ່ນຄຶດເຫັນສິ່ງທີ່ຕໍ່ໄຟຟ້າບໍ່ໄດ້ໃນເມື່ອກ່ອນອາດຈະຕໍ່ໄຟຟ້າໄດ້ຫວະ?ໂຮມເວົ້າເປັນຄຳດຽວແລ້ວ,ກໍ່ບໍ່ມີຫຍັງພິລຶກດອກ,ສົມພໍທ່ານຕິງຈ້າວຈົງ ນັກວິທະຍາສາດຜູ່ມີຊື່ສຽງຈິ່ງເວົ້າແບບຢິກແກມຢອກວ່າ,ການໄດ້ຮັບລາງວັນໂນແບນນັ້ນແມ່ນເລື່ອງງ່າຍທີ່ສຸດ
ແຕ່ວ່າ,ໃນເວລາທ່ານດີລັກ ທ່ານກິນບີ ທ່ານມູເລີ,ທ່ານແບກໂນເຈ,ທ່ານຮີເຕຄີ ຊີລາຄາວາ ຍັງມີອາຈານວິທະຍາສາດໃຫຍ່ໆຫຼາຍທ່ານຈົນນັບບໍ່ຖ້ວນ,ບຸກທະລຸທັດສະນະຄະຕິເກົ່າແລະສະເຫນີທັດສະນະຄະຕິໃຫມ່ທີ່ສະເທືອນໂລກອອກມານັ້ນ,ມີຈັກຄົນໄດ້ອອກມາສະຫນັບສະຫນູນເພິ່ນ?ກົງກັນຂ້າມ,ຄົນສ່ວນຫຼາຍພາກັນຮູ້ສຶກປະຫຼາດໃຈ,ບໍ່ຫນຳຍັງມີຫຼາຍຄົນຄຶດຢູ່ໃນໃຈຜູ່ດຽວວ່າ,ຄົນພວກນີ້ບໍ່ແມ່ນເປັນບ້າແລ້ວຫວະ?ສົມພໍທ່ານຕິງຈ້າວຈົງ ຈິ່ງເວົ້າອີກວ່າ,ຄວາມຜິດໂຕນກັນລະຫວ່າງອາຈານວິທະຍາສາດໃຫຍ່ກັບຄົນເສຍເສັ້ນແມ່ນຫນ້ອຍລົງແລ້ວ.
ມີຄົນເຄີຍເວົ້າທີ່ມີຫຼັກປັດຊະຍາທີ່ສຸດວ່າ,ຖ້າທ່ານຢາກຍ້ອງນັກວິທະຍາສາດ,ດີທີ່ສຸດແມ່ນເວົ້າວ່າ,ເປັນຫຍັງຂ້ອຍຈິ່ງບໍ່ໄດ້ຄຶດຮອດເລີຍ?ແມ່ນແທ້,ເລື່ອງງ່າຍໆແນວນີ້,ພວກຂ້ອຍກໍບໍ່ໄດ້ຄຶດຮອດເລີຍ,ແລ້ວປ່ອຍໃຫ້ຜູ່ໄດ້ຮັບລາງວັນໂນແບນແລະອາຈານວິທະຍາສາດໃຫຍ່ຄຶດເຫັນ,ນີ້ແມ່ນຍ້ອນຫຍັງແທ້?ມູນເຫດຕົ້ນຕໍກວ່າຫມູ່ອາດຈະແມ່ນຍ້ອນພວກເພິ່ນກ້າທັບມ້າງທັດສະນະຄະຕິເກົ່າກ້າສະເຫນີທັດສະນະຄະຕີໃຫມ່ອອກມາ,ແລະວາງຄຳຢັ້ງຢືນໃຫ້ແກ່ທັດສະນະຄະຕິວິທະຍາສາດໃຫມ່ດັ່ງກ່າວຢ່າງບໍ່ປະບໍ່ວາງ.
|
