ຕາມ​ຂ່າວສານ​ຊິນຮວາ: ​ເພື່ອ​ປ້ອງ​ກັນ​ບໍ່​​ໃຫ້​ເຫດການກຳລັງ​ຮຸນ​ແຮງ​ທາງ​ພາກ​ໃຕ້​ຂອງ​ໄທ​ແຜ່​ຂະ​ຫຍາຍ​ກວ້າງອອກ, ວັນ​ທີ 5 ​ເມສາ, ລັດຖະບານ​ໄທ​ໄດ້​ປະກາດ​ຄຳ​ເຕືອນ​ໄປ​ຍັງ​ທົ່ວ​ປະ​ເທດ, ປ້ອງ​ກັນ​ບໍ່​ໃຫ້​ພວກ​ປະກອບ​ອາວຸດ​ພາກ​ໃຕ້​ໄທ​​ເລັກລອດເຂົ້າ​ໃນ​ນະຄອນ​ຫຼວງ​ແລະ​ສະ​ຖານ​ທີ່​ສາ​ທາ​ລະ​ນະ​ສຳຄັນ​ອື່ນໆ​ກໍ່​ການຫຼອນ​ໂຈມ​ຕີ.

ວັນ​ທີ 6 ​ເມສາ, ສື່​ມວນຊົນ​ໄທ​ລາຍ​ງານ​ວ່າ, ວັນ​ທີ 5, ທ່ານ​ຊິດ​ໄຊ ວັນນະ​ຊະ​ທິດ ຮອງ​ນາຍົກ​ລັດ​ຖະ​ມົນຕີທັງ​ເປັນ​ລັດຖະມົນຕີ​ກະຊວງ​ມະຫາດ​ໄທ​ແຫ່ງ​ລາດ​ຊະ​ອານາຈັກ​ໄທ​ກ່າວ​ວ່າ, ທ່ານ​ຈະ​ນຳ​ພາ​ກອງ​ທະຫານ​ປະຕິບັດ​ໜ້າ​ທີ່​ຮັກສາຄວາມ​ປອດ​ໄພ​ທີ່ປະກອບ​ດ້ວຍ​​ເຈົ້າໜ້າ​ທີ່​ຂ່າວ​ກອງ​ຄວາມ​ປອດ​ໄພ​ເຊິ່ງສ້າງຕັ້ງຂຶ້ນ​ໃໝ່, ​ໄປ​ປ້ອງ​ກັນ​ເປົ້າໝາຍ​ບາງ​ແຫ່ງ​ທີ່​ອາດ​ຈະ​ຖືກ​ຫຼອນ​ໂຈມ​ຕີ. ທ່ານ​ຍັງ​ຊີ້​ອອກ​ວ່າ, ​ເຫດການ​​ກຳລັງ​ຮຸນ​ແຮງທີ່​ເກີດ​ຂຶ້ນຢູ່​ພາກ​ໃຕ້​ໄທ​ບໍ່​ກ່ຽວ​ພັນ​ກັບ​ອົງ​ການ​ກໍ່​ການ​ຮ້າຍ​ສາກົນ, ​ແມ່ນ​ບັນຫາ​ວຽກ​ງານພາຍ​ໃນ​ຂອງ​ໄທ, ​ໄທ​ໄດ້​ເພີ່ມ​ທະວີ​ມາດ​ຕະ​ການ​ຮັກ​ສາ​ຄວາມ​ສະຫງົບ​ແລ້ວ.