|
|
 |
| (GMT+08:00)
2005-04-07 23:11:41
|
 |
|
ຂ່າວວິທະຍຸສາດແລະລູກສອນໄຟລະບົບຊາງເຈີງ
cri
Author: da
ເຕັກນິກກ່ຽວກັບແຢນທີ່ສາມາດໃຊ້ເຂົ້າໃນການປ້ອງກັນບໍ່ໃຫ້ຜັກເປື່ອຍເນົ່າ
ແຕ່ກ່ອນ,ເຈົ້າຫນ້າທີ່ຄົ້ນຄວ້າໃນສະຖາບັນຊີວະຊາດກະສິກຳຂອງສິງກະໂປໄດ້ຄົ້ນພົບການໃຊ້ເຕັກນິກແຢນສາມາດຕ້ານທານໂລກເປື່ອຍເນົ່າເຊິ່ງເປັນສັດຕູກົກຂອງພືດກະສິກຳທີ່ພາໃຫ້ຜັກເນົ່ານັ້ນຢ່າງບັງເກີດຜົນ.
ເຊື້ອໂລກທີ່ພາໃຫ້ເກີດໂລກເປື່ອຍເນົ່າກໍຄືກັນກັບເຊື້ອໂລກຈຸລັງດຽວແນວອື່ນ,ແມ່ນອີງໃສ່ແບບວິທີສົ່ງສັນຍານພິເສດມາດຳເນີນການສື່ສານ,ເຈົ້າຫນ້າທີ່ຄົ້ນຄວ້າໄດ້ຄົ້ນພົບເຊື້ອໂລກຊະນິດນີ້ລະບາຍວັດຖຸໂມເລກູນນ້ອຍໆເຊິ່ງໃນຊີວະສາດເພິ່ນເອີ້ນວ່າເຄື່ອງຫຼອກລໍ້,ອັດຕະໂນມັດ,ແລ້ວໃຫ້ມັນປະສົມປະສານກັບເຄື່ອງຫຼອກລໍ້ທີ່ລະບາຍເຊື້ອໂລກປະເພດດຽວກັນອອກ,ແລ້ວດູດເຂົ້າຢູ່ໃນຈຸລັງຄືນອີກ, ລະຫວ່າງເຊື້ອໂລກແມ່ນແລກປ່ຽນສັນຍານດ້ວຍເຄື່ອງຫຼອກລໍ້,ເມື່ອເຄື່ອງຫຼອກລໍ້ສະສົມໄດ້ຈຳນວນອັນແນ່ນອນແລ້ວ,ເຊື້ອໂລກກໍຈະຮັບສັນຍານທີ່ວ່າກຳລັງພຽງພໍ,ແລ້ວຈຶ່ງບຸກເຂົ້າຜັກຢ່າງຂະຫນາດໃຫຍ່,ພາໃຫ້ຜັກຍຸບເນົ່ງລົງ, ຖ້າຈຳນວນເຄື່ອງຫຼອກລໍ້ມີປະລິມານບໍ່ພຽງພໍ,ເຊື້ອໂລກກໍຈະໄດ້ຮັບສັນຍານທີ່ວ່າກຳລັງບໍ່ພໍ,ແລ້ວພັກລີ້ຢູ່ຊົ່ວຄາວ.
ໂດຍແນ່ໃສ່ຈຸດພິເສດດັ່ງກ່າວຂອງໂລກເປື່ອຍເນົ່າ,ເຈົ້າຫນ້າທີ່ຄົ້ນຄວ້າໄດ້ຂ້ອນເອົາແຢນທີ່ຕ້ານໂລກເປື່ອຍເນົ່າອັນບັງເກີດຜົນນັ້ນຢ່າງສຳເລັດຜົນ.ພວກເພິ່ນໄດ້ປູກແຢນຊະນິດນີ້ເຂົ້າໃນຜັກ,ເຮັດໃຫ້ມັນເກີດປະໂລຕິນອັນພິເສດ,ກຸກກວນຂະບວນວິວັດແຫ່ງການສົງສັນຍານຂອງເຄື່ອງຫຼອກລໍ້,ຫລີກເວັ້ນຖັນແຖວເຊື້ອໂລກຂະຫຍາຍຕົວເຕີບໃຫຍ່,ແລ້ວເຮັດໃຫ້ຜັກສາມາດຕ້ານໂລກເປື່ອຍເນົ່າໄດ້,ແຕ່ວ່າ,ປະໂລຕີນອັນພິເສດຊະນິດນີ້ຈະມີຜົນຮ້າຍຢ້ອນຫລັງຕໍ່ຊີວະຊາດແນວອື່ນ,ຫຼືບໍ່ນັ້ນ,ຍັງຈະຄອງຖ້າໃຫ້ເຈົ້າຫນ້າທີ່ຄົ້ນຄວ້າຢືນຢັນຕື່ນອີກ.
ການຄົ້ນພົບຈີ່ເຂັບແນວຫນຶ່ງທີ່ມີຕີນຄູ່ເປັນເລກຄູ່ໃນໂລກເປັນເທື່ອທຳອິດ
ເຈົ້າຫນ້າທີ່ຄົ້ນຄວ້າຜູ່ຫນຶ່ງໃນມະຫາວິທະຍາໄລຊັງເຕີລານຂອງອັງກິດໄດ້ຄົ້ນພົບຈີ່ເຂັບແນວຫນຶ່ງທີ່ມີຕີນ 48 ຄູ່,ຕາມເວົ້າວ່າ,ທັງນີ້ແມ່ນການຄົ້ນພົບຈີ່ເຂັບທີ່ມີຕີນຄູ່ເປັນເລກຄູ່,ໃນໂລກເປັນເທື່ອທຳອິດ,ເຊິ່ງເປັນການຄົ້ນພົບຄັ້ງສຳຄັນໃນດ້ານການຄົ້ນຄວ້າຈີ່ເຂັບໃນສະຕະວັດຫນຶ່ງມານີ້.
ເຈົ້າຫນ້າທີ່ຄົ້ນຄວ້າຜູ່ນີ້ແມ່ນເຄເທີນ ນັກສຶກສາປະລິນຍາເອກອາຍຸພຽງແຕ່ 22 ປີ, ລາວເປັນຜູ່ເຕົ້າໂຮມຈີ່ເຂັບທີ່ມີຊື່ສຽງ,ເຄີຍຍ່າງທົ່ວ 3 ເກາະຂອງອັງກິດໄດ້ເກັບໂຮມຈີ່ເຂັບນັບເປັນພັນໂຕ,ຍາມໃດກໍຢາກຮູ້ວ່າຍ້ອນມູນເຫດຫຍັງຈຶ່ງພາໃຫ້ຈຳນວນຕີນຄູ່ຂອງຈີ່ເຂັບແຕ່ລະຊະນິດຕ່າງກັນ ແລະເປັນຕີນເລກຄີກຢູ່ສະເຫນີ, ຕົວຢ່າງຄືເລກສຸດທ້າຍແມ່ນ 1,3,5,7 ແລະ 9.
ຈີ່ເຂັບທີ່ເພິ່ງພາອາໃສຢູ່ໃນຂອນໂດກແລະຕາມຫຼືບຫີນນັ້ນແມ່ນຈຳພວກສັດຫຼາຍຕີນ ລຳຄີງຂອງມັນປະກອບດ້ວຍຫຼາຍປ້ອງ,ແຕ່ລະປ້ອງມີຕີນຄູ່ຫນຶ່ງ,ໃນສະຕະວັດຫນຶ່ງມານີ້,ແຫ່ງຕ່າງໆໃນໂລກໄດ້ຄົ້ນພົບຈີ່ເຂັບລວມສາມພັນກວ່າຊະນິດ,ຈຳນວນຕີນແມ່ນແຕ່ 15 ຄູ່ຮອດ 191 ຄູ່ຕ່າງກັນ,ແຕ່ສິ່ງທີ່ເຮັດໃຫ້ຄົນງຶດນັ້ນແມ່ນແຕ່ກ່ອນບໍ່ເຄີຍໄດ້ຄົ້ນເຫັນຕີນຈີ່ເຂັບເປັນຈຳນວນຄູ່ຕີນຄູ່ຈັກເທື່ອ.
ກໍຍ້ອນມູນເຫດດັ່ງກ່າວນີ້ເອງ,ການຄົ້ນພົບຂອງທ້າວເຄເທີນ ຈິ່ງເຮັດໃຫ້ບັນດາຜູ່ຊ່ຽວຊານສົນໃຈທີ່ສຸດ,ທ່ານສາສະດາຈານໂວເລສ໌. ອາເຊີ ຫົວຫນ້າສູນຊີວະສາດມະຫາວິທະຍາໄລຊັບເຕີລານກ່າວວ່າ,ການຄົ້ນພົບຂອງທ້າຍເຄເທີນ ຈະເຮັດໃຫ້ຄວາມເຂົ້າໃຈຕໍ່ຈີ່ເຂັບຂອງຄົນທັງຫຼາຍເພີ່ມຂຶ້ນຢ່າງຫຼວງຫຼາຍ,ທ້າວເຄເທີ ເອງກໍໄດ້ສະເຫນີການຄົ້ນພົບໃຫມ່ຂອງຕົນໃນກອງປະຊຸມວິຊາການສາກົນທີ່ຈັດຂຶ້ນຢູ່ໂປໂລຍ,ຫມາກຜົນທີ່ກ່ຽວຂ້ອງໄດ້ລົງພິມໃນວາລະສານທິດຂະຫຍາຍຂອງວິທະຍາສາດກຳມະພັນສະບັບຫຼ້າສຸດ.
ລູກສອນໄຟຊາງເຈີງເປັນລະບົບ
ຊາວຈີນເອົາໄດ້ຄົ້ນຄວ້າແລະເຮັດລະບົບສູກສອນໄຟຊາງເຈີງໂດຍຕົນເອງ,ແລະໄດ້ເລີ່ມຍິງສົ່ງເທື່ອທຳອິດແຕ່ປີ 1970 ມາຮອດປັດຈຸບັນ,ເຊິ່ງໄດ້ມີປະຫວັດມາເກືອບ 30 ປີແລ້ວ,ແລະຍັງຄົງຮັກສາລະດັບກ້າວຫນ້າຢູ່ໃນໂລກ.
ວັນທີ 24 ເມສາ ປີ 1970 ,ລູກສອນໄຟຍານສົ່ງຊາງເຈີງ ເລກຫນຶ່ງ,ເຊິ່ງເປັນລູກສອນໄຟຊາງເຈີງ ຫນ່ວຍທຳອິດຂອງຈີນໄດ້ຍິງສົ່ງດາວທຽມທີ່ຊາວຈີນເປັນຜູ່ຄົ້ນຄວ້າແລະເຮັດໂດຍຕົນເອງຫນ່ວຍທຳອິດຂຶ້ນສູ່ອະວະກາດຢ່າງສຳເລັດຜົນ.ຕໍ່ມາ 20 ກວ່າປີ,ຊາວຈີນກໍຄົ້ນຄວ້າເຮັດສຳເລັດແລະນຳໃຊ້ລູກສອນໄຟຍານສົ່ງ 9 ຊະນິດ.
ຕາມຄຸນປະໂຫຍດນຳໃຊ້,ລະບົບລູກສອນໄຟຊາງເຈີງ ຕົ້ນຕໍແມ່ນແບ່ງອອກເປັນສາມປະເພດ:ຫນຶ່ງແມ່ນລະບົບລູກສອນໄຟຊາງເຈີງ ເລກສອງທີ່ໃຊ້ໃນການຍິງສົ່ງດາວທຽມໂຄຈອນຕ່ຳ,ຕົວຢ່າງຄື:ລູກສອນໄຟຊາງເຈີງ ເລກສອງເຊ( C ) ປະເພດດັດແກ້ທີ່ຍິງສົ່ງດາວທຽມໂທລະຄົມໂຄຈອນຕ່ຳຂອງບໍລິສັດໂມໂຕໂຣລາອາເມລິກາທີ່ຫາກໍ່ດຳເນີນທຸລະການ,ລູກສອນໄຟຊາງເຈີງ ເລກສອງ ເຊ (C )ທີ່ໃຊ້ໃນການຍິງສົ່ງດາວທຽມແບບກັບຄືນມາໄດ້ແລະອື່ນໆ,ສອງແມ່ນລະບົບລູກສອນໄຟຊາງເຈີງ ເລກສາມທີ່ໃຊ້ໃນການຍິງສົ່ງດາວທຽມໂຄຈອນສູງກໍຄືໂຄຈອນທີ່ມີຈັງຫວະໄວທໍ່ກັນກັບຈັງຫວະຫມູນຂອງຫນ່ວຍໂລກ,ອີງຕາມກຳລັງຊຸກດັນທີ່ຕ່າງກັນ,ລະບົບລູກສອນໄຟຊາງເຈີງ ເລກສາມແບ່ງເປັນສອງປະເພດຄືປະເພດອາແລະເບ,ໃນນັ້ນປະເພດຫຼ້າສຸດກໍຄືກຳລັງຊຸກດັນແຮງກວ່າຫມູ່ແມ່ນປະເພດເບ,ມັນສາມາດຍິງສົ່ງດາວທຽມໂທລະຄົມຂະຫນາດໃຫຍ່ທີ່ຫນັກ 5 ໂຕນ 3 ຂຶ້ນສູ່ໂຄຈອນທີ່ມີຈັງຫວະໄວທໍ່ກັນກັບຈັງຫວະຫມູນຂອງຫນ່ວຍໂລກ,ສາມແມ່ນລູກສອນໄຟຊາງເຈີງ ເລກສີ່ທີ່ໃຊ້ໃນການຍິງສົ່ງດາວທຽມໂຄຈອນທີ່ມີຈັງຫວະດຽວກັນກັບດວງຕາເວັນເຊັ່ນດາວທຽມອຸຕຸນິຍົມເປັນຕົ້ນ.
ປະຈຸບັນ,ໃນຄອບຄົວລະບົບຊາງເຈີງ,ຊາງເຈີງເລກສາມເບ ຊາງເຈີງເລກສອງແບບຜູກຕິດພ້ອມທັງຊາງເຈີງ ເລກສອງເຊແລະປະເພດດັດແກ້ແມ່ນຊະນິດຕົ້ນຕໍ.
ນັບມາຮອດປະຈຸບັນ,ລະບົບລູກສອນໄຟຊາງເຈີງ ຂອງຈີນໄດ້ຍິງສົ່ງດາວທຽມ 58 ເທື່ອມາແລ້ວ,ຕັ້ງແຕ່ຈີນໄດ້ຍິງສົ່ງດາວທຽມການຄ້າສາກົນເທື່ອທຳອິດຢ່າງສຳເລັດຜົນມານີ້,ລູກສອນໄຟຊາງເຈີງກໍໄດ້ຍິງສົ່ງດາວທຽມການຄ້າ 23 ເທື່ອໄດ້ຍິງສົ່ງດາວທຽມການຄ້າສຳເລັດ 25 ຫນ່ວຍ,ແລະໄດ້ໃຫ້ບໍລິການບັນທຸກດາວທຽມ 6 ເທື່ອແກ່ຜູ່ນຳໃຊ້ສາກົນ,ໃນເກືອບ 10 ປີມານີ້,ລູກສອນໄຟຊາງເຈີງ ໄດ້ໃຫ້ບໍລິການຍິງສົ່ງໃຫ້ຝຼັ່ງ,ປາກີສະຖານ,ອົສຕຣາລີ ຊູແອັດ ອາເມລິກາ ຍີ່ປຸ່ນ ຟິລິປິນ ເຢຍລະມັນ ເບຣຊິນແລະປະເທດອື່ນໆ,ກວມ 7-9% ໃນຕະຫຼາດຍິງສົ່ງສາກົນ,ດາວທຽມການຄ້າທີ່ໃຊ້ລູກສອນໄຟຊາງເຈີງ ຍິງສົ່ງນັ້ນສາມາດປົກຄຸມຮ້ອຍກວ່າປະເທດແລະເຂດແຄວ້ນໃນອາຊີ,ເອີລົບ ທະວີບອາເມລິກາແລະທະວີບອົກເຊອານີ ພວມບໍລິການໂທລະຄົມໃຫ້ແກ່ໂລກ 75% .
ທ່ານຈັງສີນເຊຍ ປະທານບໍລິສັດອຸດສາຫະກຳຊາງເສີງຈີນທີ່ຮັບຜິດຊອບບໍລິການຍິງສົ່ງໃຫ້ຕ່າງປະເທດຂອງຈີນຊີ້ອອກວ່າ,ໃນຕະຫຼາດສາກົນ,ຈະແມ່ນລະດັບເຕັກນິກ,ຄວາມສອດຄ່ອງກັບຕະຫຼາດ,ຄວາມໄວ້ວາງໃນໄດ້,ຫຼືຈະແມ່ນລາຄາແລະມາດຖານບໍລິການ,ລູກສອນໄຟຊາງເຈີງລ້ວນແຕ່ມີຄວາມສາມາດແກ່ງແຍ່ງອ່າວແຂງ.ລະບົບລູກສອນໄຟຊາງເຈີງສາມາດຕອບສະຮອງໃຫ້ພຽງພໍກັບຄວາມຕ້ອງການຍິງສົ່ງດາວທຽມທຸກຊະນິດໃນໂລກໃນສະເພາະໜ້າແລະໃນອະນາຄົດ.
|
|
|
