|
ແຕ່ປີ 1904 ມາຮອດປັດຈຸບັນ, ຂະແໜງການແຜ່ນສຽງຂອງຈີນໄດ້ເດີນທາງຄົດໆລ້ຽວໆມາຮ້ອຍປີ. ນະທີ່ນີ້, ຂ້າພະເຈົ້າຂໍສະເໜີຂະບວນວິວັດສະຕະວັດພັດທະນາຂອງຂະແໜງການແຜ່ນສຽງຂອງຈີນສູ່ຟັງ.
ທີ່ທ່ານພວມຟັງຢູ່ນີ້ແມ່ນງິ້ວປັກກິ່ງທີ່ຊື່ວ່າ: ຍົກໝໍສາມຂາຊົມຮູບແຕ້ມ. ນີ້ແມ່ນແຜ່ນສຽງແຜ່ນທຳອິດຂອງຈີນທີ່ມີຢູ່ໃນປັດຈຸບັນ. ປັດຈຸບັນ, ແຜ່ນສຽງນີ້ແມ່ນທ່ານລິວຕີງຊູນ ນັກສະສົມເຄື່ອງຝ່າຍພົນລະເຮືອນຜູ້ໜຶ່ງຂອງທຽນສິນມ້ຽນໄວ້.
ທ່ານຈ້າວຕ້າຊີນ ຜູ້ອຳນວຍການໃຫຍ່ຂອງບໍລິສັດແຜ່ນສຽງຈີນສະເໜີວ່າ: "ຕາມເອກະສານທີ່ພວກເຮົາເກັບກຳໄວ້: ແຜ່ນສຽງແຜ່ນທຳອິດທີ່ຈີນອັດຈຳໜ່າຍນັ້ນແມ່ນແຜ່ນສຽງງິ້ວປັກກິ່ງ. ຍ້ອນວ່າແຜ່ນສຽງກ່ອນໝູ່ຂອງຈີນສ່ວນຫລາຍແມ່ນງິ້ວປັກກິ່ງ, ສະນັ້ນແມ່ນເລີ່ມອັດຈຳໜ່າຍແຜ່ນສຽງງິ້ວປັກກິ່ງກ່ອນ, ແລ້ວຈຶ່ງຄ່ອຍໆອັດຈຳໜ່າຍດົນຕີສະໄໝນິຍົມເປັນຕົ້ນ, ແຕ່ນັ້ນມາ, ແຜ່ນສຽງຈີນໄດ້ເລີ່ມຂະບວນວິວັດແຫ່ງການພັດທະນາ.
ໃນໄລຍະເລີ່ມຕົ້ນ, ຂະແໜງການແຜ່ນສຽງຂອງຈີນຍັງບໍ່ທັນຈໍ່ຕົວເປັນຂະໜາດ, ບັນດາບໍລິສັດແຜ່ນສຽງພຽງແຕ່ອັດສຽງຢູ່ຈີນທໍ່ນັ້ນ, ການອັດເປັນແຜ່ນສຽງຍັງຕ້ອງສຳເລັດຢູ່ຕ່າງປະເທດ. ຂະແໜງການແຜ່ນສຽງຂອງຈີນເປັນຮູບເປັນຮ່າງຂຶ້ນແມ່ນໃນຊຸມປີ 30 ສະຕະວັດທີ່ແລ້ວ, ຄຽງຄູ່ກັບໄທເມືອງຈີນຮັບເອົາແລະນິຍົມແຜ່ນສຽງຂອງຈີນ, ຂະແໜງການແຜ່ນສຽງແຫ່ງຊາດຈີນໄດ້ຄ່ອຍໆຈໍ່ຕົວຂຶ້ນເປັນລະບົບຂະແໜງການງານເຊິ່ງລວມທັງບໍລິສັດໃຫຍ່ທີ່ອັດຈຳໜ່າຍແຜ່ນສຽງສາມແຫ່ງ ຄື, ບໍລິສັດປາຍຕ້າຍ ບໍລິສັດເຊີ້ງລີ້ແລະບໍລິສັດຕ້າຈົ່ງຮວາ, ພ້ອມດ້ວຍບໍລິສັດແຜ່ນສຽງນ້ອຍ 10 ກວ່າແຫ່ງ.
ພາຍຫລັງສ້າງຕັ້ງປະເທດຈີນໃໝ່ເມື່ອປີ 1949 ແລ້ວ, ພາລະກິດແຜ່ນສຽງຂອງຈີນໄດ້ພັດທະນາຢ່າງວ່ອງໄວ. ປີ 1957, ປະເທດຈີນໃໝ່ໄດ້ສ້າງສຳນັກງານແຜ່ນສຽງຈີນ ເຊິ່ງເປັນອົງການອັດຈຳໜ່າຍແຜ່ນສຽງແຫ່ງທຳອິດ, ພາຍຫລັງມາໄດ້ປ່ຽນຊື່ເປັນບໍລິສັດແຜ່ນສຽງຈີນ. ເມື່ອຮອດປີ 1979, ສຳນັກງານແຜ່ນສຽງຈີນໃນຖານເປັນສຳນັກງານອັດຈຳໜ່າຍແຜ່ນສຽງພຽງແຫ່ງດຽວຂອງຈີນ, ໄດ້ຮັບຜົນງານທີ່ເປັນໜ້າເອກອ້າງ ເຊິ່ງໄດ້ອັດແຜ່ນສຽງ 2 ໝື່ນ 1 ພັນກວ່າຊະນິດ, ແລະຈຳໜ່າຍແຜ່ນສຽງ 260 ລ້ານແຜ່ນ. ພາຍລຸນມາ, ບໍລິສັດແຜ່ນສຽງຈີນຍັງໄດ້ອັດຈຳໜ່າຍແຜ່ນສຽງຢາງເບົາທີ່ຜະລິດດ້ວຍຢາງປຼາສ໌ເຕັກສີ. ທ້າຍຊຸມປີ 70 ສະຕະວັດທີ່ແລ້ວ, ຍັງໄດ້ອັດແຜ່ນສຽງສະເຕລີໂອ.
1 2
|
