|
ວັນນະໂຣກເຄີຍເຮັດໃຫ້ວົງການແພດສາດຈົນປັນຍາສຸດວິໄສໃນຊົ່ວໄລຍະໜຶ່ງ,ຈົນຮອດວັນທີ 24 ມີນາປີ 1882,ທ່ານໂລເບີດ ຄອກ ນັກຈຸລິນຊີວິທະຍາທີ່ມີຊື່ສຽງຂອງໂລກ,ນັກແພດສາດຂອງເຢຍລະມັນຈຶ່ງໄດ້ປະກາດວ່າ"ເຊື້ອວັນນະໂຣກແມ່ນແມ່ພະຍາດກົກທີ່ພາໃຫ້ເປັນວັນນະໂຣກ",ຈາກນັ້ນມາການຄວບຄຸມວັນນະໂຣກຈຶ່ງກາຍເປັນເລື່ອງທີ່ເປັນໄປໄດ້.
ເພື່ອລະລຶກການຄົ້ນພົບທີ່ຍິ່ງໃຫຍ່ດັ່ງກ່າວ,ພ້ອມກັນນັ້ນ ກໍເພື່ອໃຫ້ສາທາລະນະຊົນເອົາໃຈໃສ່ນຳບັນຫາວັນນະໂຣກ,ປີ 1982 ອົງການອະນາໄມໂລກພ້ອມກັນສະຫະພັນວັນນະໂຣກແລະພະຍາດປອດສາກົນໄດ້ກຳນົດເອົາວັນທີ 24 ມີນາຂອງທຸກໆປີເປັນ"ວັນປ້ອງກັນແລະປົວວັນນະໂຣກຂອງໂລກ".
ວັນນະໂຣກແມ່ນພະຍາດໜຶ່ງທີ່ເປັນໄພຮ້າຍແຮງທີ່ສຸດຕໍ່ສຸຂະພາບຂອງມະນຸດເຮົາໃນປະຫວັດສາດ. ມັນເຄີຍລະບາດຢ່າງກວາງຂວາງໃນທົ່ວໂລກ,ໄດ້ເຮັດໃຫ້ຄົນນັບບໍ່ຖ້ວນເສຍຊີວິດຍ້ອນ. ພາຍຫຼັງຊຸມປີ 50 ສະຕະວັດທີ 20 ,ຄຽງຄູ່ກັບການປະດິດສ້າງຢາຕ້ານວັນນະໂຣກແລະນຳໃຊ້ໂດຍທົ່ວໄປ,ທ່ວງທ່າວັນນະໂຣກລະບາດໄດ້ຖືກຄວບຄຸມໃນລະດັບໃດໜຶ່ງ, ແຕ່ໃນຫຼາຍປີມານີ້ ຍ້ອນມູນເຫດຕ່າງໆ,ວັນນະໂຣກໄດ້ມີຮ່ອງຮອຍກຳເລີບຂຶ້ນ, ເຖິງວ່າຄົນທັງຫຼາຍເຄີຍໄດ້ຍິນຊື່ພະຍາດນີ້ເລື້ອຍໆກໍຕາມ,ແຕ່ພັດບໍ່ຄ່ອຍເຂົ້າໃຈຄວາມຮູ້ແກນກາງໃນການປ້ອງກັນແລະປົວວັນນະໂຣກ,ອັນໄດ້ກະທົບກະເທືອນເຖິງຜົນການປ້ອງກັນແລະປົວວັນນະໂຣກ. ຄັນຊັ້ນ ວັນນະໂຣກແມ່ນພະຍາດແນວໃດແທ້?
ວັນນະໂຣກແມ່ນພະຍາດຕິດແປດແບບຊຳເຮື້ອທີ່ເປັນຍ້ອນເຊື້ອວັນນະໂຣກ.ເຊື້ອພະຍາດດັ່ງກ່າວອາດຈະລ່ວງລ້ຳເຂົ້າອະໄວຍະວະຕ່າງໆໃນຮ່າງກາຍ,ແຕ່ຕົ້ນຕໍແມ່ນລ່ວງລ້ຳເຂົ້າປອດ,ເອີ້ນວ່າວັນນະໂຣກປອດ. ເຊື້ອພະຍາດວັນນະໂຣກເລື່ອນລອຍຢູ່ຕາມອາກາດ,ມັນທົນອາກາດຮ້ອນ,ທົນອາກາດໜາວ,ທົນເຊື່ອມກັດ,ຈະຂ້າມັນຖິ້ມຢ່າງເຖິງພອງຮາບຄາບບໍ່ແມ່ນງ່າຍ. ໃນຜູ້ເປັນປອດແຫ້ງນັ້ນ,ມີສ່ວນໜຶ່ງຕິດແປດໃຫ້ຜູ້ອື່ນໄດ້,ດ້ວຍການໄອ,ຈາມ,ຄາດຂີ້ກະເທີ່ເປັນຕົ້ນ, ເຊື້ອພະຍາດວັນນະໂຣກຈະຖືກລະບາຍອອກຈາກຮ່າງກາຍ,ໃນຂະນະນີ້ ຖ້າຄົນແຂງແຮງຫາຍໃຈສືບເອົາເຊື້ອພະຍາດວັນນະໂຣກເຂົ້າໄປໃນປອດ,ກໍອາດຈະຕິດແປດແມ່ພະຍາດ,ແຕ່ຍ້ອນວ່າຮ່າງກາຍຄົນເຮົາມີພູມຕ້ານທານອັນແນ່ນອນ,ສະນັ້ນ ກໍບໍ່ແມ່ນວ່າຄົນທີ່ສຳຜັດເຊື້ອພະຍາດວັນນະໂຣກທັງໝົດລ້ວນແຕ່ຈະຕິດແປດ ພະຍາດ,ການຄົ້ນຄວ້າສະແດງໃຫ້ເຫັນວ່າ,ຜູ້ເປັນພະຍາດປອດແຫ້ງລັກສະນະຕິດແປດສາມາດຕິດແປດໃຫ້ 10 ຮອດ 15 ຄົນໃນປີໜຶ່ງ,ສ່ວນປັດຈຸບັນ ໃນໂລກນີ້ມີຄົນເກືອບ 1 ສ່ວນ 3 ໄດ້ຕິດແປດເຊື້ອວັນນະໂຣກ. ໂດຍທົ່ວໄປແລ້ວ,ຫຼັງຈາກຕິດເຊື້ອໂຣກນີ້ແລ້ວ ມັນອາດຈະຝັງຕົວໄວ້ກ່ອນ,ບໍ່ແມ່ນຈະມີອາຫານເກີດຂຶ້ນທັນທີ,ມີແຕ່ໃນຍາມຕົວພູມຕ້ານທານຂອງຕົນເຈັບອ່ອນລົງ,ຈຶ່ງກາຍເປັນວັນນະໂຣກໄດ້. ວັນນະໂຣກປອດກໍແມ່ນວັນນະໂຣກຊະນິດໜຶ່ງທີ່ຄົນເປັນຫຼາຍ.
ເວົ້າສຳລັບຄົນທຳມະດາແລ້ວ,ຄວນມີູຄວາມຮູ້ໃນດ້ານໃດແດ່ກ່ຽວກັບວັນນະໂຣກ?
ທ່ານຕວນມູຮົງຈິນ ທີ່ປຶກສາຂອງຄະນະທີ່ປຶກສາຂອງຜູ້ຊ່ຽວຊານດ້ານວັນນະໂຣກຂອງກະຊວງສາທາລະນະສຸກຈີນເວົ້າວ່າ"ຂ້າພະເຈົ້າຮູ້ສຶກວ່າຕ້ອງມີຄວາມຮູ້ສອງຂໍ້,ໜຶ່ງແມ່ນອາການຂອງວັນນະໂຣກເປັນແນວໃດ,ຖ້າຫາກໄອມີຂີ້ກະເທີ່ 3 ອາທິດຂຶ້ນໄປບໍ່ເຊົາ,ຫຼືວ່າໃນຂີ້ກະເທີ່ມີເສັ້ນເລືອດຄົນເຈັບປະເພດນີ້ຄວນລະວັງຄວນສົງໄສວ່າແມ່ນເປັນວັນນະໂຣກປອດຫຼືບໍ່. ອາການອື່ນໆທີ່ມັກເປັນທົ່ວໄປຍັງມີ: ຖືຄີງໄຂ້ແຕ່ອຸນຫະພູມບໍ່ສູງຫຼາຍ,ມີເຫື່ອໄຄຄ້າວໃນຍາມກາງຄືນ,ອ່ອນເພຍເປ້ຍຫຼ່ອຍ,ນ້ຳໜັກເບົາລົງເປັນຕົ້ນ.
ທ່ານເວົ້າວ່າ,ບໍ່ວ່າຜູ້ໃດຖ້າເກີດມີອາການທີ່ເປັນໜ້າສົງໄສເປັນວັນນະໂຣກ,ກໍຄວນໄປກວດຢູ່ໂຮງໝໍໃນທັນທີ,ປັດຈຸບັນ ວິທີກວດຕົ້ນຕໍແມ່ນກວດກາຂີ້ກະເທີ່ຂອງຄົນເຈັບແລະຊ່ອງແອກສ໌ເລປອດ.
ສິ່ງທີ່ຕ້ອງລະວັງແມ່ນ,ເຖິງວ່າວັນນະໂຣກກະດູກ,ວັນນະໂຣກເຍື້ອສະໝອງເປັນຕົ້ນບໍ່ຕິດແປດ,ແຕ່ວັນນະໂຣກປອດບາງຊະນິດທີ່ມີທົ່ວໄປພັດຕິດແປດ. ມີແຕ່ຜູ້ທີ່ເປັນວັນນະໂຣກປອດທີ່ກວດພົບເຊື້ອວັນນະໂຣກໃນຂີ້ກະເທີ່ນັ້ນຈຶ່ງຕິດແປດ,ໃນເວລາຄົນເຈັບເຫຼົ່ານີ້ໄອ,ຈາມແລະເວົ້າສຽງດັງໆນັ້ນ ນ້ຳລາຍຂອງເຂົາຈະຟັງໃສ່ໜ້າຂອງຜູ້ອື່ນ,ຜູ້ຖືກນ້ຳລາຍຂອງຄົນເຈັບກໍອາດຈະຕິດແປດໄດ້.
ນອກຈາກຜູ້ເປັນວັນນະໂຣກສ່ວນໜ້ອຍທີ່ລື້ງຢາຫຼາຍຊະນິດປົວບໍ່ຫາຍແລ້ວ,ວັນນະໂຣກສ່ວນຫຼາຍທີ່ສຸດແມ່ນປົວໃຫ້ຫາຍໄດ້. ແຕ່ການປົວວັນນະໂຣກໃຫ້ດີຢ່າງເຖິງຖອງແທ້ຕ້ອງກິນເວລາ 6 ເດືອນຮອດ 8 ເດືອນ,ແລະຕ້ອງໃຊ້ຢາຫຼາຍຊະນິດປົວພ້ອມກັນ,ຈຶ່ງປົວໃຫ້ຫາຍຢ່າງເຖິງຖອງໄດ້. ດ້ວຍເຫດນີ້ ອົງການອະນາໄມໂລກຈຶ່ງໄດ້ວາງຍຸດໂທບາຍຄວບຄຸມວັນນະໂຣກຍຸກປັດຈຸບັນ,ຮຽກຮ້ອງໃຫ້ຄົນເຈັບຕ້ອງກິນຢາຢູ່ຕໍ່ໜ້ານາຍໝໍຫຼືຜູ້ພະຍາບານທຸກເທື່ອ. ມີຄົນເຈັບຫຼາຍຄົນຖືເບົາພະຍາດຫຼືຍ້ອນຜົນສະທ້ອນທາງລົບຂອງຢາພາໃຫ້ບໍ່ສະບາຍແລ້ວເຊົາກິນຢາເອົາເອງ,ຈຶ່ງບໍ່ໄດ້ປິ່ນປົວແບບສະບັບ ຕາມຫຼັກວິທະ ຍາສາດ ,ກໍອາດຈະພາໃຫ້ເກີດເຊື້ອພະຍາດທີ່ຕ້ານຢາ,ພາໃຫ້ປົວຍາກຍິ່ງຂຶ້ນ.
ສຸດທ້າຍ,ຜູ້ເປັນວັນນະໂຣກປອດທີ່ກວດແມ່ພະຍາດໃນຂີ້ກະເທີ່ເປັນໝາຍບວກທໍ່ນັ້ນຈຶ່ງຕິດແປດ. ເມື່ອຜູ້ປ່ວຍເລີ່ມປົວດ້ວຍຢາຢ່າງເປັນຖືກຕ້ອງແລ້ວ ເມື່ອໄດ້ 2-3 ອາທິດ ກໍຈະບໍ່ຕິດແປດຜູ້ອື່ນອີກ,ແລະເຂົ້າຮ່ວມການເຄື່ອນໄຫວສັງຄົມເປັນປົກກະຕິໄດ້.
|
