|
ຕາມຂ່າວສານຊິນຮວາ ວັນທີ 7 ເມສາ ຢູ່ທີ່ປາລີ ອົງການອະນາໄມສັດໂລກ ອົງການຟາວສະຫະປະຊາຊາດແລະອົງການອະນາໄມໂລກໄດ້ຈັດງານຖະແຫຼງຂ່າວຮ່ວມແລະກ່າວເຕືອນວ່າ ປັດຈຸບັນ ເຊື້ອໄວລັສໄຂ້ຫວັດສັດປີກ H5N1ທີ່ແຜ່ລາມຢູ່ບາງແຫ່ງໃນອາຊີອາດຈະແຜ່ລະບາດໄປຮອດທະວີບອື່ນ ຄວາມອັນຕະລາຍດັ່ງກ່າວຈະຊົງຕົວຢູ່ຍາວນານ
ໃນເວລາທ່ານເວນາ ວາເລັດ ຜູ່ອຳນວຍການໃຫຍ່ອົງການອະນາໄມສັດໂລກຕອບຄຳຖາມຂອງນັກຂ່າວຂ່າວສານຊິນຮວາ,ທ່ານກ່າວວ່າ ພະຍາດໄຂ້ຫວັດສັດປີກທີ່ເລີ່ມເກີດຂຶ້ນໃນປີກາຍຍັງແຜ່ລະບາດຢູ່ບາງປະເທດໃນອາຊີອາຄະເນຈົນຮອດປັດຈຸບັນ,ນອກນີ້ ຍັງມີບາງປະເທດປະກົດມີພະຍາດໄຂ້ຫວັດສັດປີກໃຫມ່ ທັງນີ້ສະແດງໃຫ້ເຫັນວ່າຢາກຄວບຄຸມເຊື້ອໄວລັສສັດປີກອັນຮຸນແຮງປະເພດນີ້ມີຄວາມລຳ ບາກໃນລະດັບອັນແນ່ນອນ,ເມື່ອພິຈາລະນາປັດໄຈທີ່ນົກຍ້າຍແກ່ວຕາມລະດູການທີ່ຕິດແປດໄຂ້ຫວັດສັດປີກຍ້າຍແກວ່ຂ້າມປະເທດແລະຄວາມບໍ່ເຄັ່ງຄັດຮອບຄອບ ຂອງລະບົບຂົນສົ່ງການຄ້າສັດປີກໃນທົ່ວໂລກເປັນຕົ້ນ ໄຂ້ຫວັດສັດປີກອາດຈະແຜ່ລະບາດໄປຮອດທະວີບອື່ນ
ທ່ານວາເລັດໄດ້ຊີ້ອອກເປັນພິເສດວ່າ ໃນດ້ານຄວບຄຸມແລະປ້ອງກັນພະຍາດໄຂ້ຫວັດສັດປີກ ຈີນເຮັດໄດ້ດີຫຼາຍ ມີຫ້ອງທົດລອງທີ່ໄດ້ຕາມມາດຖານສາກົນ ຍັງມີຢາວັກແຊງທີ່ໄດ້ຜົນແລະມີລະບົບຕິດຕາມກວດກາພະຍາດສັດ,ສະນັ້ນ ໄຂ້ຫວັດສັດປີກແຜ່ລະບາດຢ່າງຂະຫນາດໃຫຍ່ມີຄວາມອາດເປັນໄປໄດ້ຫນ້ອຍທີ່ສຸດຢູ່ຈີນ.ແຕ່ວ່າ ຢູ່ບາງປະເທດພວມພັດທະນາຢູ່ອ້ອມຂ້າງຂອງຈີນ ລະດັບປ້ອງກັນແລະປິ່ນປົວໄຂ້ຫວັດສັດປີກມີຈຳກັດ.ພາຍໃນຫຼາຍປີຂ້າງຫນ້າ ຈະດັບເຊື້ອພະຍາດໄຂ້ຫວັດສັດປີກຢ່າງຮາບຄາບໃນປະເທດເຫຼົ່ານີ້ຍາກທີ່ສຸດ,ດ້ວຍເຫດນີ້ ຈີນແລະປະເທດອື່ນໃນໂລກຍັງຄວນລະວັງທີ່ສຸດ
ໃນງານຖະແຫຼງຂ່າວ ຜູ່ແທນຂອງອົງການຟາວສະຫະປະຊາຊາດກ່າວວ່າ ໄຂ້ຫວັດສັດປີກໄດ້ເຮັດໃຫ້ປະເທດອາຊີມີຄວາມເສຍຫາຍຢູ່ລະຫວ່າງ 8 ຕື້ຫາ 12 ຕື້ໂດລາສະຫະລັດ,ເສດຖະກິດຂອງບັນດາປະເທດເສຍຫາຍຢ່າງມະຫາສານ,ສະນັ້ນ ການດັບສູນພະຍາດສັດຊະນິດນີ້ຄວນແມ່ນເປົ້າຫມາຍຍາວນານ ແຕ່ບໍ່ແມ່ນໄລຍະສັ້ນ
ຜູ່ຊ່ຽວຊານອົງການຟາວສະຫະປະຊາຊາດກ່າວເຕືອນວ່າ ການຄວບຄຸມໄຂ້ຫວັດສັດປີກຕ້ອງເອົາໃຈໃສ່ນຳສັດລ້ຽງທີ່ບໍ່ໄດ້ຄຸມຂັງໄວ້ ໂດຍສະເພາະແມ່ນຕ້ອງລະວັງເປັດ,ເພາະວ່າເວລາມັນຕິດແປດໄຂ້ຫວັດສັດປີກນັ້ນມັນຈະບໍ່ມີອາການອັນເດເດັ່ນຊັດ.ສ່ວນວ່າຕິດແປດຄົນ,ສ່ວນການຕິດແປດໃຫ້ຄົນ ເມື່ອສັງເກດຈາກສະພາບໃນສະເພາະຫນ້ານີ້ແລ້ວເຫັນວ່າ ເຊື້ອໄຂ້ຫວັດສັດປີກມີຄວາມສາມາດຈຳກັດທີ່ຈະຕິດແປດໃຫ້ຄົນ,ແຕ່ປີ 2004 ຮອດປັດຈຸບັນ ໃນອາຊີມີແຕ່ຢູ່ຫວຽດນາມ ໄທແລະກຳປູເຈຍມີຜູ່ຖືກບົ່ງມະຕິເປັນພະຍາດໄຂ້ຫວັດສັດປີກມະນຸດ 79 ຄົນ
ສຸດທ້າຍ ອົງການອະນາໄມສັດໂລກແລະອົງການຟາວສະຫະປະຊາຊາດກ່າວວາ ພວກເຂົາເຈົ້າໄດ້ສ້າງລະບົບຕິດຕາມກວດກາໄຂ້ຫວັດສັດປີກຂ້າມຊາດຢູ່ອາຊີແລະຈະສ້າງຢູ່ອາເມລິກາລາຕີນ.ໂດຍປະເຊີນກັບພະຍາດສັດ,ປະເທດໃດໆເອົາຕົວລອດແຕ່ຕົນເອງທໍ່ນັ້ນ ປະຊາຄົມໂລກຕ້ອງການຊ່ອຍເຫຼືອໃຫ້ປະເທດທີ່ມີໄຂ້ຫວັດສັດປີກແຜ່ລະບາດ,ບັນດາປະເທດກໍຄວນປະເມີນ ລະບົບຕິດຕາມກວດກາອະນາໄມໃນຕະຫຼາດສັດປີກທີ່ລ້ຽງ ແລະສ້າງກົນໄກກວດກາວັດແທກແລະຮັບມືຕໍ່ເຊື້ອໄວລັສຢ່າງວ່ອງໄວທັນການ.
|
