ຕາມ​ຂ່າວສານ​ຊິນ​ຮວາ: ວັນ​ທີ 8 ​ເມສາ, ຝ່າຍ​ຕຳຫຼວດອິນ​ໂດ​ເນ​ເຊຍ​ປະກາດ​ວ່າ, ​ເພື່ອ​ຮັບ​ປະ​ກັນ​ໃຫ້​ກອງ​ປະຊຸມ​ສຸດ​ຍອດ​ອາຊີ​ອາ​ຟິຼກກາ​ຄັ້ງທີ​ສອງ​​ຈັດ​ຂຶ້ນຢ່າງ​ປອດ​ໄພ​ຢູ່​ຢາ​ກາກ​ຕາ, ອິນ​ໂດ​ເນ​ເຊຍ​ຈະ​ເພີ່ມ​ທະວີ​ວຽກ​ງານ​ປ້ອງ​ກັນ​ຄວາມ​ປອດ​ໄພ​ຢູ່​ຢາ​ກາກ​ຕາ ນະ​ຄອນ​ຫຼວງ​ແລະ​ເມືອງ​ບັນ​ດຸງ ​ເມືອງ​ຊື່​ດັງ​ໃນ​ປະຫວັດສາດ​ແຕ່​ວັນ​ທີ 9 ຮອດ​ວັນ​ທີ 30 ​ເມ​ສາ.

ກອງ​ປະຊຸມ​ສຸດ​ຍອດ​ອາຊີ​ອາ​ຟິຼກກາ​ຄັ້ງທີ​ສອງ​ຈະ​ຈັດ​ຂຶ້ນຢູ່​ສູນ​ກອງ​ປະຊຸມ​ສາ​ກົນ​ທີ່​ຢາ​ກາກ​ຕາ​ແຕ່​ວັນ​ທີ 22 ຮອດ​ວັນ​ທີ 23 ​ເມສາ. ວັນ​ທີ 24 ຈະ​ຈັດການ​ເຄື່ອນ​ໄຫວ​ສະ​ຫຼອງ​ກອງ​ປະ​ຊຸມ​ສຸດ​ຍອດ​ອາຊີ​ອາ​ຟິຼກກາ​ຄັ້ງປະຖົມມະ​ເລີກ​ຈັດ​ຂຶ້ນຢູ່​ເມືອງ​ບັນ​ດຸ​ງຄົບ ຮອບ 50 ປີ, ​ຮອດ​ເວ​ລາ​ນັ້ນ ຈະ​ມີ​ຜູ່​ນຳ​ຂອງ 56 ປະ​ເທດ​ເປັນຢ່າງ​ໜ້ອຍ​​ໄປ​ເຂົ້າຮ່ວມ​ການ​ເຄື່ອນ​ໄຫວ.