|
ຕາມຂ່າວ CRI: ວັນທີ 9 ເມສາ ງານທ່ອງທ່ຽວວັດທະນະທຳສາກົນຄຸນມິງຈີນປີ 2005 ໄດ້ເປີດສາກຢູ່ຄຸນມິງ ເມືອງເອກຂອງແຂວງຢູນນານຈີນ.
ຕອນຄ່ຳວັນທີ 9 ເມສາ ງານລາຕີຮ້ອງແລະຟ້ອນທີ່ຊື່ວ່າ"ນັດພົບຢູ່ຢູນນານ"ໄດ້ຈັດຂຶ້ນ,ອັນໄດ້ເປີດສາກງານທ່ອງທ່ຽວວັດທະນະທຳ. ທ່ານທອງລຸນ ສີສຸລິດ ຮອງນາຍົກລັດຖະມົນຕີສາທາລະນະລັດປະຊາທິປະໄຕປະຊາຊົນລາວພ້ອມດ້ວຍເຈົ້າໜ້າທີ່ຂອງສະຖານທູດແລະສະຖານກົງສູນຂອງປະເທດອາຊີອາຄະເນເຊັ່ນອິນໂດເນເຊຍ,ໄທແລະຫວຽດນາມເປັນຕົ້ນປະຈຳຈີນກໍໄດ້ໄປຕັດແຖບຜ້າໃຫ້ງານດັ່ງກ່າວ.
ແຂວງຢູນນານຕັ້ງຢູ່ພາກຕາເວັນຕົກສຽງໃຕ້ຂອງຈີນ,ມີ 26 ຊົນເຜົ່າຕັ້ງພູມລຳເນົາຢູ່,ມີຊັບພະຍາກອນທ່ອງທ່ຽວມະນຸດແລະຊັບພະຍາກອນທ່ອງທ່ຽວທຳມະຊາດອັນອຸດົມສົມບູນ.
ຕາມຊາບວ່າ,ງານທ່ອງທ່ຽວວັດທະນະທຳສາກົນຄຸນມິງຈີນໄດ້ຈັດຂຶ້ນເມື່ອປີ 2000,ຮອດປີນີ້ ແມ່ນຄັ້ງທີ 6 ແລ້ວ. ມັນໄດ້ກາຍເປັນການເຄື່ອນໄຫວທ່ອງທ່ຽວສາກົນທີ່ສຳຄັນກວ່າໝູ່ຂອງແຂວງຢູນນານ. ງານທ່ອງທ່ຽວຄັ້ງນີ້ຈະກິນເວລາໜຶ່ງເດືອນ. ໃນໄລຍະຈັດງານ,ອົງການປົກຄອງນະຄອນຄຸນມິງພ້ອມດ້ວຍ 15 ເຂດແລະກິ່ງແຂວງປົກຄອງຕົນເອງຂອງແຂວງຢູນນານຈະຈັດໃຫ້ມີການເຄື່ອນໄຫວທ່ອງທ່ຽວທີ່ມີຈຸດພິເສດຕ່າງໆເຊັ່ນການທ່ອງທ່ຽວຮີດຄອງປະເພນີຊົນເຜົ່າສ່ວນໜ້ອຍເປັນຕົ້ນ.
1 2
|
