|
ຢູ່ຈີນແມ່ນປະເທດມີຫລາຍສາສະຫນາ, ສາສະນິກາຊົນມີ 100 ລ້ານກວ່າຄົນ.ສາສະຫນາພຸດ ສາສະຫນາອິສລາມ ສາສະຫນາຄຼິສຕຽນ ແລະສະຫນາໂລມັງກາໂຕລິກລ້ວນແຕ່ຖືກເຜີຍແຜ່ຢູ່ຈີນ.ຈີນຍັງມີສາສະຫນາດັ້ງເດີມຂອງຈີນຄື ສາສະຫນາເຕົ້າ,ນອກນີ້ຍັງມີສາສະຫນາຊາມານ ສາສະຫນາອອກໂຕດົກແລະສາສະຫນາຕົງປາເປັນຕົ້ນ.ໃນນັ້ນມີ 10 ຊົນເຜົ່າສ່ວນຫນ້ອຍຄື ເຜົ່າຫຸຍ ເຜົ່າໄວອູເອີ ເຜົ່າກາຊະ ເຜົ່າເກີນເກີສ໌ ເຜົ່າຕາຕານ ເຜົ່າອຸສເບກີ ເຜົ່າຕາຊິກີ ເຜ່ົາຕົງສຽງ ເຜົ່າຊາລາແລະເຜົ່າປາວອານເຊື່ອຖືກສາສະຫນາມອິສລາມ;ເຜົ່າຕິເບດ ເຜົ່າມົງໂກ ເຜົ່າໂລ້ປາ ເຜ່ົາເມີນປາ ເຜົ່າຖູ ເຜົ່າຢູກູ້ເຊື່ອຖືສາສະຫນາພຸດນິກາຍຕິເບດ ເຊິ່ງກໍ່ເອິ້ນເປັນສາສະຫນາລາມາ;ເຜົ່າລື້ ເຜົ່າປູລັງແລະເຜົ່າເຕີອັງເປັນຕົ້ນເຊື່ອຖືກພຸດທະສາສະຫນາຫີລະຍານ;ເຜົ່າມົ້ງ ເຜົ່າຢ້າວແລະເຜົ່າອີເປັນຕົ້ນມີຄົນຫລາຍສົມຄວນເຊື່ອຖືກສາສະຫນາຄຼິສຕຽນແລະສາສະຫນາໂລມັງກາໂຕລິກ,ໃນເຜົ່າຮ້ານມີຄົນສ່ວນຫນຶ່ງເຊື່ອຖືທະສາສະຫນາພຸດ, ອີກສ່ວນຫນຶ່ງເຊື່ອຖືສາສະຫນາຄຼິສຕຽນ ສາສະຫນາໂລມັງກາໂຕລິກແລະສາສະນາເຕົ້າ.
ສາສະຫນາພຸດແມ່ນເຜີຍແຜ່ເຂົ້າຈີນໃນລະຫວ່າງຄ.ສ.ສັດຕະວັດຫນຶ່ງ, ເມື່ອຮອດຄ.ສສັດຕະວັດທີສີ່ເລີ່ມເຜີຍແຜ່ຢ່າງກວ້າງຂວາງ, ແລ້ວກາຍເປັນສາສະຫນາທີ່ມີອິດທິພົນຫລາຍກວ່າຫມູ່ຂອງຈີນ.ສາສະຫນາພຸດນິກາຍຕີເບດແມ່ນສາຂາຫນຶ່ງຂອງສາສະຫນາພຸດຈີນ,ຕົ້ນຕໍແມ່ນຢູ່ເຂດຕີເບດແລະເຂດມົງໂກໃນ. ຢູ່ທົ່ວປະເທດຈີນມີວັດສາສະຫນາພຸດ 13 ພັນກວ່າແຫ່ງ.ສາສະຫນາອິສລາມເຂົ້າຈີນໃນກາງສັດຕະວັດທີ 7.ເມື່ອຮອດສະໄຫມລາດຊະວົງຢວນ,ສາສະຫນາອິສລາມແຜ່ຜາຍກັນຢູ່ທົ່ວປະເທດ, ດຽວນີ້ ທ່ົວປະເທດຈີນມີສຸເຫລົ່າອິສລາມ 30 ພັນກວ່າແຫ່ງ.ສາສະຫນາຄຼິສຕຽນເຂົ້າຈີນໃນສັດຕະວັດທີ 7;ສາສະຫນາໂລມັງກາໂຕລິກເຜີຍແຜ່ຢູ່ຈີນໃນຕົ້ນສັດຕະວັດທີ 19.ດຽວນີ້ ທົ່ວປະເທດລວມມີໂບດຄຼິສຕຽນ 4600 ກວ່າແຫ່ງ,ໂບດໂລມັງກາໂຕລິກ 12 ພັນແຫ່ງ.ສາສະຫນາເຕົ້າຈໍ່ຕົວຂຶ້ນໃນຄ.ສ.ສັດຕະວັດທີ 2,ເຊິ່ງຖືລາວຈື່ ໃນສະໄຫມຊຸນຊິວເປັນຜູ່ຕັ້ງສາສະຫນາ, ຖືຄຳພິຕ້າວເຕີເປັນຄຳພີຕົ້ນຕໍ.ດຽວນີ້ ທົ່ວປະເທດຈີນມີວັດສາສະຫນາເຕົ້າ 1500 ກວ່າແຫ່ງ.
ພາຍຫລັງສ້າງຕັ້ງປະເທດຈີນໃຫມ່ແລ້ວ, ນະໂຍບາຍພື້ນຖານຕໍ່ສາສະຫນາຂອງພັກແລະລັດຖະບານຈີນແມ່ນເຄົາລົບແລະປົກປ້ອງຄວາມເສລີພາບໃນການເຊື່ອຖືສາສະຫນາ,ວັນທີ 29 ເມສາປີ 1949, ກອງປະຊຸມຄົບຄະນະຂອງສະພາປຶກສາການເມືອງແຫ່ງຊາດຈີນຄັ້ງປະຖົມມະເລີກໄດ້ຜ່ານໂຄງການຮ່ວມ,ຂໍ້ທີຫ້າໃນໂຄງການນີ້ກຳນົດວ່າ: ປະຊາຊົນສາ ທາລັດປະຊາຊົນຈີນມີຄວາມເສລີພາບໃນການເຊື່ອຖືສາສະຫນາ. ລັດຖະທຳມະນູນແຫ່ງສາທາລະນະລັດປະຊາຊົນຈີນທ່ີປະກາດໃນປີ 1954 ກຳນົດວ່າ, ພົນລະເມືອງແຫ່ງສາທາລະນະລັດປະຊາຊົນຈີນມີຄວາມເສລີພາບໃນການເຊື່ອຖືສາສະຫນາ.
ນອກນີ້ ໃນກົດຫມາຍວ່າດ້ວຍເຂດຊົນເຜົ່າປົກຄອງຕົນເອງ ກົດຫມາຍແພ່ງ ກົດຫມາຍວ່າດ້ວຍການສຶກສາ ກົດຫມາຍອອກແຮງງານ ກົດຫມາຍວ່າດ້ວຍການສຶກສາພາກບັງຄັບ,ກົດຫມາຍວ່າດ້ວຍການເລືອກຕັ້ງຜູ່ແທນສະພາປະຊາຊົນ ກົດຫມາຍວ່າດ້ວຍອົງການຈັດຕັ້ງຄະນະກຳມະ ການຊາວບ້ານ ກົດຫມາຍວ່າດ້ວຍການໂຄສະນາສິນຄ້າແລະກົດຫມາຍຕ່າງໆຍັງກຳນົດວ່າ: ພົນລະເມືອງບໍ່ວ່າເຊື່ອຖືສາສະຫນາໃດລ້ວນແຕ່ມີສິດເລືອກຕັ້ງແລະສິດຮັບການເລືອກຕັ້ງ;ຊັບສິນທີ່ຊອບກົດຫມາຍຂອງອົງການສາສະຫນາຮັບການປົກປ້ອງຂອງກົດຫມາຍ;ການສຶກສາກັບສາສະຫນາແຍກອອກຈາກກັນ, ພົນລະເມືອງບໍ່ວ່າເຊື່ອຖືສາສະຫນາໃດລ້ວນແຕ່ມີຄວາມສະເຫມີພາບກັນໃນການຮັບການສຶກສາຕາມກົດຫມາຍ;ປະຊາຊົນບັນດາເຜົ່າລ້ວນແຕ່ຕ້ອງເຄົາລົບພາສາ ໂຕຫນັງສື ຮີດຄອງປະເພນີແລະການເຊື່ອຖືສາສະຫນາເຊິ່ງກັນແລະກັນ;ພົນລະເມືອງທ່ີມີຄວາມເຊື່ອຖືສາສະຫນາຕ່າງກັນບໍ່ຄວນຖືກດູຫມີ່ນໃນການປະກອບອາຊີບ;ການໂຄສະນາສິນຄ້າແລະກາຫມາຍສິນຄ້າບໍ່ໃຫ້ມີເນື້ອໃນທ່ີດູຫມີ່ນຊົນເຜົ່າແລະສາສະຫນາ.
ນັບມາຮອດປີ 1993 ທົ່ວປະເທດຈີນໄດ້ມີອົງການຈັດຕັ້ງສາສະຫນາລະດັບຊາດ 8 ອົງການຄື ສະມາຄົມພຸດທະສາສະຫນາຈີນ ສະມາຄົມສາສະຫນາເຕົ້າຈີນ ສະມາຄົມສາສະຫນາອິສລາມຈີນ ສະມາຄົມຮັກຊາດຂອງສາສະຫນາຄຼິສຕຽນ ຄະນະກຳມະການວຽກງານສາສະຫນາຄຼິສຕຽນ ອົງການສາສະຫນາຄຼິສຕຽນຈີນ ຄະນະກຳມະການຂະບວນຮັກຊາດປົກຄອງຕົນເອງ ລ້ຽງຕົນເອງແລະເຜີຍແຜ່ໂດຍຕົນເອງຂອງສາສະຫນາໂລມັງກາໂຕລິກແລະສະມາຄົມສາສະຫນາໂລມັງກາໂຕລິກຈີນ.
ນັບມາຮອດປີ 1997 ທົ່ວປະເທດຈີນມີຜູ່ເຊື່ອຖືສາສະຫນາຕ່າງໆມີ 100 ລ້ານກວ່າຄົນ, ສະຖານທ່ີຈັດການເຄື່ອນໄຫວສາສະຫນາ 85 ພັນກວ່າແຫ່ງ,ອົງການຈັດຕັ້ງສາສະຫນາ 3000 ກວ່າອົງການ. ພາຍໃຕ້ການປົກປ້ອງຂອງລັດຖະທຳມະນູນແລະກົດຫມາຍຂອງລັດ, ອົງການຈັດຕັ້ງສາສະຫນາເຫລົ່ານີ້ຍຶດຫມັ້ນຫລັກການເປັນເອກະລາດເປັນເຈົ້າຕົນເອງ, ຄຸ້ມຄອງສະມາຄົມສາສະຫນາໂດຍຕົນເອງ,ຍຶດຫມັ້ນເຂັມທິດປົກຄອງຕົນເອງ ລ້ຽງກຸ້ມຕົນເອງແລະເຜີຍແຜ່ໂດຍຕົນເອງ,ຈັດຕັ້ງການເຄື່ອນໄຫວສາສະຫນາຢ່າງເປັນເອກະລາດ, ຊຳລະວຽກງານສາສະຫນາຕ່າງໆ, ຕັ້ງໂຮງຮຽນສາສະຫນາຂອງປະເທດອື່ນໆ,ອົບຮົມພະນັກງານສາສະຫນາຫນຸ່ມ;ພ້ອມກັນນັ້ນ ດຳເນີນການໄປມາຫາສູ່ກັນຢ່າງມີໄມຕີຈິດກັບອົງການຈັດຕັ້ງສາສະຫນາແລະບຸກຄົນວົງການສາສະຫນາ, ເຂົ້າຮ່ວມກອງປະຊຸມສາສະຫນາແລະກອງປະຊຸມວິຊາການສາສະຫນາສາກົນ.ອົງການຈັດຕັ້ງສາສະຫນາຍັງໄດ້ສ້າງສະຖາບັນສາສະຫນາທີ່ສຳລັບບຳລຸງສ້າງຄູບາອາຈານສາສະຫນາ 74 ແຫ່ງ.
|
